ঙসি লোক সভাদা প্রধান মন্ত্রী শ্রী নরেন্দ্র মোদীনা রাস্ত্রপতিগী ৱারোল থাগৎপগী মোসনগী পাউখুম পীখ্রে।
হাওসতা ৱা ঙাংবদা, প্রধান মন্ত্রীনা রাস্ত্রপতিগী ৱারোলদা মহাক্কী তৌবীমল খঙবা উৎখি অমসুং ৱারোল অদুদা মরুওইবা মীৎয়েং থমখিবা চাউখৎলবা ভারতকী ৱাখল্লোন শন্দোক্না তাকখি। মহাক্না হায়খি মহাক্কী ৱারোলদা ভারতকী রাস্ত্রপতিনা মরুওইবা ৱাফমশিং পুখৎলে অমসুং মহাক্কী লমজিংগীদমক মহাক থাগৎপা ফোঙদোকচরি।
ঙরাং অমসুং ঙসি মেম্বর কয়ানা রাস্ত্রপতিগী ৱারোলদা মখোয়গী ওইবা ৱাফমশিং ফোঙদোকপগুম, হাওসকী নিয়মশিং ইকায়খুম্নবা উৎতুনা রাস্ত্রপতিগী ৱারোলদা মখোয়গী ওইবা ৱাফমশিং ফোঙদোকপগীদমক শ্রী মোদীনা অহানবা ওইনা কারকপা এম.পিশিং থাগৎপা ফোঙদোকখি। মহাক্না হায়খি মখোয়গী থকশি-খাসি অসি অরিবা এম.পি অমদগী তাবা নত্তে অমসুং মখোয়গী ৱাখল্লোনশিংনা মখা তানা খন্ন-নৈনবা অসি হেন্না ফগৎহল্লে।
মালেমদা খ্বাইদগী চাউবা মীখলগী থবক্তা মখোয়গী ভোৎ থাদবগী হকশিং শীজিন্নদুনা সরকার খনবগীদমক ভোত্তরশিং থাগৎপা ফোঙদোক্লদুনা, অহুমলকশুবা ওইনা হৌজিক পাল্লিবা সরকার অসি খল্লকপগীদমক প্রধান মন্ত্রীনা ভারতকী মীয়াম থাগৎপা ফোঙদোকখি অমসুং মসি গনতন্ত্র চৎপা মালেম অসিগী চাউথোকচবা মিকুপ অমনি হায়না ফোঙদোকখি। মহাক্না হায়খি হৌখিবা চহি ১০দা সরকারনা পাংথোকখিবা থবকশিং অসিনা ভোত্তরশিংনা ৱারেপ লৌনবা মচাক অমা ওইখি অমসুং জন সেবা হি প্রভু সেবা হায়বদি মীওইবগী থবক তৌবা অসি ঈশ্বরগী থবক তৌবনি হায়না থাজবগা লোয়ননা মীয়ামগী য়াইফনবা ঐখোয়না পাংথোক্লিবা থবকশিং মীয়াম্না উরে। নিংতম্বা মতুংদগী অহানবা ওইনা তেল্লবা মতম অসিগী মনুংদা মীওই করোর ২৫ লায়রবা কোকহল্লে।
২০১৪গী মতুংদা লৌখিবা শেঞ্জা-থুমজা তুমিন্না খাংদুনা লৈথোক্তবগী ফিরেপ অমুক হন্না পল্লদুনা, প্রধান মন্ত্রীনা হায়খি লৈবাক অসিগী ভোত্তরশিংনা মখোয়দা অমুক হন্না শক্তি শীন্নরে। ঙসিদি ভারত শীনবা থুংনা ভারতকী মিংচৎ হেনগৎলে। হৌজিক ভারতমচা খুদিংমক চাউথোকচবা ফাওরে। মহাক্কী সরকারগী থৌশিল খুদিংমক, ৱারেপ খুদিংমক ভারতনা মরুওইনা লৌরি। মালেম্না লৈবাক অসিদা য়েংলিবা মীৎয়েং অওনবা লাক্লে অমসুং ‘লৈবাক্না অহানবা’ হায়রিবা অসিগী পান্দম সরকারগী থৌশিলশিং অমসুং ৱারেপশিংদা মমি তারে। সরকারনা লৈবাক শীনবা থুংনা অওনবা পুরক্নবা থবকশিং পায়খৎলে। হৌখিবা চহি ১০ অসিদা, সবকা সাথ সবকা বিকাস অমসুং সর্ব পন্থ সম্ভম হায়বদি লাইনিং খুদিংমক মান্নৈ হায়বা ফিদমশিংগা লোয়ননা সরকারনা মীয়ামগী থবক তৌরে।
শ্রী মোদীনা হায়খি মতম কয়াগী মমাঙদগী ভারতনা পেনহলবগী রাজনিতি অমসুং পেনহলবগী লৈঙাক্কী নমুনা উদুনা লাক্লে। ভারত্তা অহানবা ওইনা মীয়াম অপেনবা ফংদুনা অমসুং থাজবগা লোয়ননা মহাক্কী সরকারনা লাইনিংদা মান্নবা মীৎয়েং য়েংবগী থবক পায়খৎলে। অপেনবা হায়বসি মহাক্কী ওইবা ৱাহন্থোক্তা সরকারগী তোঙান-তোঙানবা থৌশিলশিং চাদা চাদা থবক ওইনা পাংথোকপা অদুনি অমসুং ভারতকী খ্বাইদগী লাপ্পা মফমদা লৈবা মীওইদা খুদোংচাবশিং ফংহন্নবা সরকারগী ৱাশক থবক ওইনা পাংথোকপা অদুনি। মহাক্কী ওইনা চাদা ১০০ থবক পাংথোকপা মহাক্কী ৱাঙুলোন অসি, অচুম্বা ৱাখল্লোন অমদা খুন্নাইগী অচুম্বা অমসুং লাইনিংদা মীচং-মীখায় নাইদবা অদুবুনি অমসুং অহুমলকশুবা তার্মগী মওংদা ভারতকী মীয়াম্না অয়াবা পীরে।
প্রধান মন্ত্রীনা হায়খি ভারতকী মীয়ামগী মপুংফাবা অমসুং অচুম্বা ফিদমশিং অদু হন্দক্কী মীখল অসিনা অমুক হন্না উৎথোক্লে। ঐখোয়গী থৌশিলশিং, থবকশিং অমসুং পান্দমশিংদা মীয়াম্না থাজবা লৈরে। হন্দক্কী মীখল অসিদা মীয়াম্না বিকসিত ভারতকী ৱারেপ অয়াবা পীরে।
চাউখৎলবা লৈবাক অমগী মরুওইবা পল্লদুনা, প্রধান মন্ত্রীনা হায়খি লৈবাক অমা চাউখৎপা মতমদা লৈবাক অদুগী নাগরিক খুদিংমক্কী মঙলানশিং মঙফাউনবা ঙম্মী অমসুং তুংগী মীরোলশিংগী য়ুম্ফম থোল্লি। হৌখ্রবা মীরোলশিংনা মতম পুম্নমক্তা পামজরম্বা চাউখৎলবা ভারত অমগী কান্নবশিং ভারতকী মীয়াম্না ফংফম থোকই। বিকসিত ভারত অমা শেমগৎলকপদগী হিংবগী ফিবমশিং অমসুং ভারতকী খুঙ্গং অমসুং সহরশিংদা পুন্সি মহিংগী থাকশিং অঙকপা ফংনা হেনগৎলে অমসুং মীয়াম মরক্তা থাজবগী ৱাখল অমা পোকহল্লে অমসুং মখোয়গীদমক খুদোংচাবা কয়া ফংহল্লে। ভারতকী সহরশিং অতোপ্পা চাউখৎলবা লৈবাকশিংগী সহরশিংগা মান্নরগনি।
প্রধান মন্ত্রীনা হায়খি চাউখৎলবা ভারত হায়বদি লৈবাক অসিগী মীওই খুদিংমক্তা তোঙান-তোঙানবা খুদোংচাবশিং চপ মান্না ফংহনবা অদুনি। মীওই খুদিংমক হৈথোই-শিংথোইবা, লন-থুম অমসুং থবক তৌবা ঙম্বদা য়ুম্ফম ওইরগা চাউখৎহনবা অদুবুনি।
প্রধান মন্ত্রী মোদীনা হায়খি অথুবা মতমদা অমসুং থম্মোয় শেংনা বিকসিত ভারত থবক ওইনা পাংথোক্নবা সরকারনা পায়খৎপা য়াবা থবক খুদিংমক পায়খৎকনি। মিকুপ খুদিং অমসুং ঐখোয়গী হকচাংশিংগী সেল খুদিংমক বিকসিত ভারত অমা শেম্নবগী ৱাখলদা কৎথোক্লে অমসুং ২০৪৭গীদমক ২৪x৭ থবক তৌগনি।
প্রধান মন্ত্রীনা হায়খি ২০১৪গী মমাঙদা লৈবাক অসি অৱাবা ফিবম অমদা লৈরমখি। মতম অদুদা মীয়াম মরক্তা থাজবা মাঙখিবা হায়বসি লৈবাক্কী অচৌবা মাঙজবা অমনি। মসিনা অচৌবা নিংবা কাইবা অমা ওইখি। মতম অদুদা স্কামশিং অমসুং থৌশিল শোইবদগী লৈবাক অসিগী নিংখাইরবা শেন্মিৎলোন লৈবা লৈবাক মঙাগী মনুংদা য়াওখি। মীচম মীয়ামগী থাজবশিং মাঙখি অমসুং য়ুম শাবা, গ্যাস পীবা নত্ত্রগা পি.দি.এসকী খুৎথাংদা চেং য়েন্থোকপা য়াওনা থবক কয়াদা চৎনবী অমা ওইনা শেঞ্জা-থুমজা লৈখি।
প্রধান মন্ত্রীনা হায়খি ২০১৪গী মমাঙদা মখোয়গী লায়রবগী ফিবমশিং লৈবাক অসিনা মদুনা মখোয়গী মরাইবক্তা তাইশিন্নহনখি। অহোংবা অমা পুরক্নবা মখোয়না ঐখোয় খল্লকপনি।
প্রধান মন্ত্রীনা হায়খি সরকারনা পায়খৎলিবা থবকশিংনা মরম ওইদুনা মতম অমদা করিগুম্বা অমতা ওইথোক্লরোই হায়না থাজরম্বা খুদিংমক হৌজিক থবক ওইনা পাংথোক্লে। মাইপাক্না ৫-জি শীজিন্নবা হৌরে, কয়লা খ্বাইদগী য়াম্না পুথোক্লে, লৈবাক্কী বেঙ্কগী থবকশিং ফগৎনবা অওনবা থৌশিলশিং চৎনরে, তেরোরিজম তুমিন্না য়েংদুনা লৈথোকপগী থবক তৌদ্রে অমসুং আর্তিকল ৩৭০ লৌথোক্লে। আর্তিকল ৩৭০গী ফক্লাং থুগায়বদগী গনতন্ত্রগী মপাঙ্গল কনখৎলে। হন্দক পাংথোকখিবা মীখলশিংদা রেকোর্দ ওইনা ভোত্তরশিং থোক্লকখি।
প্রধান মন্ত্রীনা হায়খি মীওই করোর ১৪০গী থাজবা অমসুং অনিংবশিং অসি চাউখৎনবগী অকনবা শাফু অমা ওইরে। মসিগী থাজবা অসি, খাংবা কনবনা মাইপাকপগী খুদম ওইরে।
প্রধান মন্ত্রীনা হায়খি মীয়ামগী ঐখোয়গী নিংতম খোঙজং মনুংদা হরাওবা অমসুং থাজবা লৈখিবা অদুগুম্না, চাউখৎলবা ভারত অমা শেম্নবগীদমক মীয়াম হরাওরে। ঙসি ভারত মশামক্কা চাংদম্নবা দরকার ওইরে। ঐখোয়না অরিবা রেকোর্দশিং থুগায়রে অমসুং লৈবাক অসি মথংগী থাক অমদা পুখৎলে। হৌখিবা চহি ১০দা ভারতনা চৎখিবা চাউখৎপগী লম্বী অসি হৌজিক পাদম অমা ওইরে। লৈবাক অসি য়াংনা চাউখৎকনি হায়বগী থাজবা থম্লি অমসুং ঐখোয়না হিরম খুদিংমক মথংগী থাক অমদা পুখৎকনি।
প্রধান মন্ত্রীনা হায়খি হৌখিবা চহি ১০দা, ভারত মালেমদা খ্বাইদগী চাউবা ১০শুবা ইকোনোমি ওইরম্বদগী মালেমদা খ্বাইদগী চাউবা ৫শুবা ইকোনোমি ওইরকখি। ভারত অথুবা মতমদা মালেমদা ৩শুবা খ্বাইদগী চাউবা ইকোনোমি ওইরগনি। হৌজিক ভারত মালেমদা মোবাইল খ্বাইদগী য়াম্না পুথোকপা অমসুং মপান লৈবাকশিংদা থাদোকপা লৈবাক অমা ওইরে। সরকার অসিগী অহুমশুবা তামর্দদা সেমিকন্দক্তরশিংগী লমদা মসিগা মান্নবা থাকশিংদা লৈবাক অসি পুখৎকনি।
অমুক হন্না থাজবা পীরদুনা প্রধান মন্ত্রীনা হায়খি লৈবাক অসিনা অনৌবা মাইপাকপা কয়া ফংলবা অমসুং অনৌবা থাক কয়া য়ৌরবসু, সরকারনা মীচম মীয়ামগী থবকশিং তৌগনি। লায়রবশিংদা পাক্কাগী য়ুম করোর ৪ শীন্নখ্রে অমসুং অনৌবা য়ুম করোর ৩ শারগনি। নুপীশিংগী সেল্ফ হেল্প গ্রুপশিংগী ফিবম ফগৎলক্তুনা লাখপতি দিদি করোর ৩ শেমগৎনবা সরকারগী থৌরাং লৈরে। অহুমশুবা তার্মদা, ঐখোয়না খোঙজেল শরুক য়াংনা অহুম থবক তৌগনি, থৌনা শরুক অহুম শীজিন্নগনি অমসুং মহৈ শরুক অহুম ফংহনগনি।
প্রধান মন্ত্রীনা হায়খি চহি ৬০গী মতুংদা থংন-থংননা সরকার অমনা অহুমলকশুবা ওইনা শক্তি পায়রকপা অসি সরকারগী থবকশিং অমসুং মসিদা মীয়াম্না থাজবা থম্বদগী ওইথোকপনি। অসিগুম্বা মাইপাকপা অসি ইচম চম্বা রাজনিতি তৌবদগী ওইরকপা নত্তে, মসি মীয়ামগী থৌজালদগী ওইরকপনি। মীয়াম্না তুংদু-লৈতাবা অমসুং মখা চৎথবা পাম্মী।
ওরিসা, অন্ধ্র প্রদেস, সিক্কিম অমসুং অরুনাচল প্রদেস রাজ্যশিংগী এশেমব্লি মীখলশিংদা মীয়ামগী অপাম্বশিং অমসুং লোক সভা মীখলশিংদা রাজস্থান, মধ্য প্রদেস, ছতিসগরদা চাউনা মাইপাকখিবা অদু প্রধান মন্ত্রীনা থাগৎপা ফোঙদোকখি। লৈবাক শীনবা থুংনা রাজ্য কয়াদা ভোৎ ফংবগী চাং হেনগৎলকখিবা অদু মহাক্না পনখি। মহাক্না হায়খি জন্ত জনারদন অসি ঐখোয়গী মাইকৈদা লেপ্লি।
হন্দক পাংথোকখিবা লোক সভা মীখলশিংগী ফল পল্লদুনা, প্রধান মন্ত্রীনা হায়খি মীয়াম্না পীখিবা ফল অদু ওপোজিসন্না নোল্লুকপগা লোয়ননা য়াগদবনি অমসুং মীয়াম্না পীরিবা পাউজেল খঙগদবনি। মীয়াম্না চাউখৎপগী লম্বী খল্লে অমসুং বিকসিত ভারতকী পান্দম ফংনবা অচেৎপা ফিরেপ লৈরে। ভারতনা অপুনবা ওইনা চাউখৎপগী লম্বীদা চৎমিন্নগদবনি অমসুং চরাংনবা, আইন লৈতাবা অমসুং তোখায় তাবা রাজনিতিগী লম্বীদা চৎলিবশিংদগী মিকুপ নাহুম শিংনা লৈগদবনি। লৈবাক অসিগা চুনদবা শেন-থুমগী থৌশিল লৈতবা অসিনা লৈবাক অসিগী শেন-থুমগী লৈতাদবা ফিবম অমদা পুশিল্লি অমসুং লৈবাক অসিদা অরানবা ই-পাউশিং শন্দোকই।
হাওসকী চৎন-লোনচৎশিং ঙাক্নবা স্পিকরগী খুৎথাংদা প্রধান মন্ত্রীনা ওপোজিসন্দা তকশিনখি অমসুং হাওসকী ফজবা ঙাক্নবা পায়খৎফম থোকপা থবকশিং পায়খৎনবা স্পিকরদা পাউতাক পীখি।
ইমর্জেন্সি মতমগী মতাংদা প্রধান মন্ত্রীনা হায়খি লৈবাক ঙাকখিবা মীওইশিংনা লৈবাক অসিদা দিক্তেতরশিপকী ফিবম অমা শেমখি অমসুং মীয়ামদা তমথিবা থবক কয়া চৎথখি অমসুং লৈবাক্কী মথক্তা অরানবা কয়া চৎথখি। ভারতকী অনৌবা সংবিধান্না ৱাশকখিবগী মতুংইন্না তোল্লবশিং অমসুং সেদুল কাস্তশিংগী হকশিং ঙাক্নবা মতম অদুগী সরকারনা থবক লৌখৎতবদগী মতম অদুদা বাবা সাহেব অম্বেদকার মন্ত্রীমন্দলগী ফম থাদোকখি। অতোপ্পা লুচিংবশিং হায়বদি জগজিবন রাম জি, চৌধুরি চরন সিংহ অমসুং সিতারাম কেসরি জিদা অৱাবা কয়া নংহনখি হায়না প্রধান মন্ত্রীনা ফোঙদোকখি।
শ্বামী বিবেকানন্দগী চিকাগোগী ৱারোলগী নুঙগী ওইবা ৱাফম পল্লদুনা, প্রধান মন্ত্রীনা হায়খি খাংবা কনবা অমসুং মালেমগী ওইনা য়ানবা লাইনিং অমগী মতাংদা মালেমদা খঙহনবগীদমক মহাক্না ঐখোয় চাউথোকচবা ফাওহনখি। হিন্দু ফুরুপকী খাংবা কনবা অমসুং অমতা ওইবগী থৌনা অদুনা মরম ওইদুনা মহাক্না ভারতকী গনতন্ত্র অমসুং খেন্নবশিং অৱাংবা থাক্ত পুখৎখি। ঙসিদি হিন্দু ফুরুপ অসি মরাল শীরে অমসুং লাইনিং অসিগী মথক্তা লাল হৌরে।
ভারত লান্মীগী থৌনা অমসুং মপাঙ্গল থাগৎপা ফোঙদোক্লদুনা, প্রধান মন্ত্রীনা হায়খি হৌখিবা চহি ১০ অসিদা ঙাক-শেলগী লমদা অচৌবা অওনবা কয়া পুরক্লে অমসুং শিংনরকপা খুদিংমক থেংনবা ঙম্নবা ভারতকী আর্মদ ফোর্সশিং মতমগা চুনবা মওংদা শেমগৎলে অমসুং খুৎলায়শিং লৈরে। আর্মদ ফোর্সশিংগী লালগী থৌরা তৌনবা অমসুং লৈবাক্কী ঙাক-শেনগী ৱাখল চেন্নবা সরকারনা পায়খৎপা য়াবা থবকশিং পায়খৎলে। থিয়েতর কমান্দ অমা লিংখৎপগী মরুওইবা পল্লদুনা, প্রধান মন্ত্রীনা হায়খি চীফ ওফ দিফেন্স স্তাফ(সি দি এস) হাপ্লবা মতুংদা মতম কয়া পন্দুনা লাক্লবা মিলিতরি ওর্গনাইজেসন লিংখৎনবা থবক অসি পায়খৎপা হৌরে।
প্রধান মন্ত্রীনা হায়খি অত্মানির্ভর ভারত্তা ঐখোয়গী আর্মদ ফোর্সশিং মশাম মরোমদোম লেপচবা ঙম্নবা মরুওইবা অওনবশিং পুরক্লে। আর্মদ ফোর্সশিং নহারোলশিং মরাংকাইনা লৈগদবনি অমসুং ঐখোয়গী ফোর্সশিংদা নহারোলশিং মশিং হেনগৎহনবা দরকার ওইরে। লৈবাক্কী ঙাক-শেন অসি মরুওইবা ৱাফম অমনি অমসুং ঐখোয়গী আর্মদ ফোর্সশিং লানফমশিংগী থৌরাং তৌনবা সরকারনা মতম চানা অওনবশিং পুরক্লে।
শ্রী মোদীনা হায়খি খুৎলায়শিং নত্ত্রগা তেক্নিকশিংদা ওইগেরা, লাল্লোংদা অহোংবা কয়া লৈরে, অরানবা মরাল কয়া শীরবসু অসিগুম্বা নৌনা থোক্লক্লিবা শিংনবশিং থেংনবা ঙম্নবা ঐখোয়গী ফোর্সশিং মপাঙ্গল কনখৎহন্নবা লৈঙাক্কী অচৌবা দাইত্ব অমা লৈরি। তোঙান-তোঙানবা শেঞ্জা-থুমজাগী ৱাথোকশিংনা আর্মদ ফোর্সশিং মপাঙ্গল কনখৎহনবগী থবকশিংদা খুরৌ থাংখি।
প্রধান মন্ত্রীনা হায়খি মতম কয়া পন্দুনা লৈরক্লবা “ৱান রেঙ্ক, ৱান পেন্সন” স্কিম মহাক্কী সরকারনা থবক ওইনা পাংথোকখ্রে। কোবিদ লাইচৎ মনুংগী খুদোংচাদবা মরক্তা, মহাক্কী সরকারনা “ৱান রেঙ্ক, ৱান পেন্সন” স্কিম চৎনহন্নবা লুপা করোর লাখ ১.২ পীখি।
হন্দক ৱাহংচে লিক ওইরকপগী মতাংদা নুংনাংবা ফোঙদোক্লদুনা, প্রধান মন্ত্রীনা হায়খি তুংদা অসিগুম্বা থৌদোকশিং থোক্তনবা মহাক্কী সরকারনা থবক মপুংফানা পায়খৎকনি অমসুং নহারোলশিংগী অমসুং লৈবাক্কীদমক সরকার অসিনা পাংথোকফম থোকপা থবকশিং পাংথোক্নবা লালগী মওংদা থবক পায়খৎলি। নিত-য়ু.তি ৱাহংচে লিক ওইবগী থৌদোক্তা চেন্নবশিং লৈবাক শীনবা থুংনা ফারে। হান্নদগী হৌনা কেন্দ্র সরকারনা অকনবা আইন অমা চৎনদুনা লাকলি। থবক খুদিংমক মপাঙ্গল কনখৎহন্নবা দরকার ওইবা থবকশিং পায়খৎলে।
প্রধান মন্ত্রীনা হায়খি হৌখিবা চহি ১০দা সরকারনা অচৌবা ৱারেপশিং লৌরে। ভারত মালেমদা ৩শুবা খ্বাইদগী চাউবা ইকোনোমি ওইনবা ৱারেপ, য়ুমথোং খুদিংদা তোতি ঈশিং ফংহন্নবা, লায়রবা মীওই খুদিংমক পাক্কাগী য়ুম লৈহন্নবা, মখোয় মশা-মরোমদোমগী ওক্নবা পুথোকচদুনা আর্মদ ফোর্সশিং মপাঙ্গল কনখৎহন্নবা, লৈবাক অসিদা রিনিউএবল ইনর্জিগী থবক চাউখৎহন্নবা, ভারত গ্রিন হায়দ্রোজেনগী মফম অমা ওইহন্নবা, ইনফ্রাস্ত্রকচর মতমগা চুনবা মওংদা শেমগৎনবা, চাউখৎলবা ভারত্তা অনৌবা থবকশিং পীনবা অমসুং মশানা মশাবু থবক পীজনবা খুদোংচাবশিং পীনবা, স্কিল হেনগৎহন্নবা অমসুং নহারোলশিংগী তুংগী ফিবম শেম্নবা ৱারেপশিং লৌখি। হৌখিবা চহি ১৮ অসিদা লনাই উদ্যোগশিংদা থবক পীবগী থবকশিং রেকোর্দ ওইনা হেনগৎলে।
দিজিতেল ইন্দিয়াগী খোঙজং থাগৎলদুনা, প্রধান মন্ত্রীনা হায়খি ভারত মালেমদা দিজিতেল পেমেন্ত সিস্তেমগী মতিক চারবা খুদম অমা ওইরে। লৈবাক অসিদা জি-২০ মীফম মাইপাক্না পাংথোকখ্রে অমসুং চাউখৎলবা লৈবাকশিংনা ফাওবা ঐখোয়গী দিজিতেলগী খোঙজং অসিদা অঙকপা পোক্নরে।
প্রধান মন্ত্রীনা হায়খি ভারতনা চাউখৎলকপগা লোয়ননা চাংদম্নবা অমসুং শিংনবা কয়া হেনগৎলক্লে অমসুং ভারতকী গনতন্ত্র, অপুনবা মীশিং অমসুং খেন্নবশিং মাঙহন্নবা হোৎনরকপা অসি লৈবাক অসিগী শিংনবনি। ভারতকী সুপ্রিম কোর্তকী ৱায়েল অমা পল্লদুনা, প্রধান মন্ত্রীনা হায়খি চিংনবা ফাওহন্দুনা অমসুং মপাঙ্গল শোন্থহন্দুনা ভারতকী চাউখৎপা থিন্থহন্নবা অকনবা থবক অমা পায়খৎপা মাল্লে। অসিগুম্বা থবকশিং মরুদগী হৌনা মুৎথৎকদবনি। ভারতকী সুপ্রিম কোর্তনা পীখিবা ৱারেপ অদু হাওস অনিমক্না মপুংফানা খন্নবা দরকার ওইরে অমসুং অসিগুম্বা ফোর্সশিংদগী মীয়াম মীকুপ নাহুম শিংনা লৈগদবনি। ভারতনা কৈদৌঙৈদা লৈবাক্কী মায়োক্তা লৈবশিং খাংদুনা লৈথোক্লোই।
প্রধান মন্ত্রী মোদীনা হায়খি ভারতনা চাউখৎলকপা অসি মালেম্না হকজিন্না লৌনরি। ৱাশকশিং থবক ওইনা পাংথোক্নবা অমসুং চাউখৎলবা ভারত অমা শেমগৎনবা হাওসকী মেম্বর খুদিংমক্কী থৌদাং দরকার ওই। লৈবাক্কী য়াইফনবা থবকশিংদা থাজবা থমদুনা মেম্বর খুদিংমক মাঙলোমদা চঙশিনগদবনি। মীয়ামগী অনিংবশিং থুংনবা অমসুং মঙলানশিং মঙফাউনবা ঙম্নবা ঐখোয় নকশিন্ননা থবক তৌমিন্নগদবনি। হৌজিক্কী মতম অসিদা অফবা রাজনিতি অসি য়াম্না মরুওই। ঐখোয় অফবা লৈঙাক, মীয়ামগী য়াইফনবা থবক তৌবদা চাংদম্নসি।
মহাক্কী ৱারোলদা, প্রধান মন্ত্রীনা উত্তর প্রদেসকী হাথ্রাসতা নেৎখায়নবা থৌদোক অমদা মীওই কয়া লৈখিদবদা অৱাবা ফোঙদোকখি। থৌদোক অদুদা শোক্লবশিং অথুবা মতমদা ফগৎলক্নবা মহাক্না থৌনিজখি। রাজ্য সরকারগী অমসুং কেন্দ্র সরকারগী ওফিসিএলশিংগা লোয়ননা মী কনবা অমসুং মতেং পাংবগী থবকশিং পাংথোক্লি হায়না প্রধান মন্ত্রীনা হাওসতা পাউদমখি।
প্রধান মন্ত্রীনা সংসদতা নৌনা কারকপা মেম্বরশিং থাগৎপা ফোঙদোকখি অমসুং মখোয়না তম্বা য়াবশিং তমগনি হায়না থাজবা ফোঙদোকখি। রাস্ত্রপতিগী ৱারোল থাগৎলদুনা অমসুং থাগৎপগী মোসন্দা শরুক য়াখিবা মেম্বরশিং থাগৎলদুনা প্রধান মন্ত্রীনা মহাক্কী ৱারোল লোইশিনখি।
ৱা ঙাংখিবগী মপুংফাবা ৱারোল পানবা মসিদা নম্বীয়ু
देश ने एक सफल चुनाव अभियान को पार करते हुए विश्व को दिखा दिया है कि ये दुनिया का सबसे बड़ा चुनाव अभियान था। pic.twitter.com/90LqV1Weij
— PMO India (@PMOIndia) July 2, 2024
The people of India have reposed faith in our government’s track record over the past 10 years and have given us the opportunity for the third time to continue good governance. pic.twitter.com/kZtM5TGBfK
— PMO India (@PMOIndia) July 2, 2024
जनता ने देखा है कि हमने गरीबों के कल्याण के लिए समर्पण भाव से 'जनसेवा ही प्रभुसेवा' के मंत्र को चरितार्थ किया है। pic.twitter.com/fyMmfyYSco
— PMO India (@PMOIndia) July 2, 2024
Zero-tolerance towards corruption. pic.twitter.com/hpVug2wW7A
— PMO India (@PMOIndia) July 2, 2024
हमारा एकमात्र लक्ष्य Nation First है। pic.twitter.com/HTNFmCVm1h
— PMO India (@PMOIndia) July 2, 2024
देश जब विकसित होता है, तब आने वाली पीढ़ियों के सपनों को पूरा करने के लिए एक मजबूत नींव तैयार हो जाती है। pic.twitter.com/8lRMj6gDfp
— PMO India (@PMOIndia) July 2, 2024
तीसरे टर्म में हम तीन गुना स्पीड से काम करेंगे, तीन गुना शक्ति लगाएंगे और देशवासियों को तीन गुना परिणाम लाकर देंगे। pic.twitter.com/ztgm2dpvs3
— PMO India (@PMOIndia) July 2, 2024
