লৈবাক্কী শেল থুমগী কেন্দ্র মন্ত্রী, শ্রীমতি নির্মলা সিতারামন্না ঙসি লোক সভাদা পুথোকখিবা কেন্দ্রগী বজেৎ 2024-25পু প্রধান মন্ত্রী শ্রী নরেন্দ্র মোদীনা থাগৎপা ফোংদোকখ্রে।
কেন্দ্রগী বজেৎ 2024-25কী মতাংদা প্রধান মন্ত্রীনা পল্লদুনা, লৈবাকপু চাউখৎ থৌরাংগী অনৌবা অৱাংবা থাক্তা পুগদৌরিনা চহিগী বজেৎ অসিগীদমক্তা লৈবাক মীয়াম পুম্ববু থাগৎখ্রে। কেন্দ্রগী শেল থুম মন্ত্রী, শ্রীমতি নির্মলা সিতারামন অমসুং মহাক্কী অপুনবা কাঙবু খুদিংবু ঐখোয়না থাগৎফম থোকই হায়না মহাক্না হায়খ্রে।
“কেন্দ্রগী বজেৎ 2024-25 অসিনা খুন্নাইগী কাঙলুপ খুদিংবু কান্নহনগনি অমসুং মসিনা লৈবাক্কী লৌমীশিংবু য়াইফ নুংঙাইগী লম্বীদা পুগনি”, প্রধান মন্ত্রীনা হায়খি। মীওই করোর 25পু লাইরবগী খয়াত্তগী পুথোক্লকখ্রবা মতুংদা থোক্লকখিবা অনৌবা মিদ্দল ক্লাসশিংবু শকখঙলদুনা, প্রধান মন্ত্রীনা হন্দক্কী চহিগী বজেৎ অসিনা মখোয়গী পাঙ্গল হাপ্পগী থবক মখা চত্থগনি অমসুং মশিং থীঙমদ্রবা থবক্কী খুদোংচাবা কয়া পীগনি হায়খ্রে। “বজেৎ অসিনা এজুকেসন অমসুং স্কিল দিভেলপমেন্তপু হেন্না পাকথোক চাউথোকহল্লগনি”, মহাক্না হায়খি। বজেৎ অসিনা মিদ্দল ক্লাস, ত্রাইবেল, দলিত অমসুং শোত্থবা খুনাইগী মীওইশিংগী পুন্সি মহিং ফগৎহনবগী পান্দম থম্লিবা অসিবু পি.এম. মোদীনা মিৎয়েং চঙখি। হন্দক্কী চহিগী বজেৎ অসিনা নুপীশিংবু শেন্মিৎলোনগী খোঙলোই ওইহনবগা লোয়ননা অপীকপা কারবার অমসুং এম.এস.এম.ই.শিংগী অনৌবা লম্বীশু য়াৎলি হায়না মহাক্না মখা তাখি। “কেন্দ্রগী বজেৎ অসিনা মেন্যুফেকচরিংগা লোয়ননা ইনফ্রাস্ত্রকরচদা অনৌবা ইনোৎ হাপ্লি”, বজেৎ অসিনা শেন্মিৎলোনগী শাহৌ মখা চত্থহনবগা লোয়ননা থৌওং অসিদা অনৌবা পাঙ্গল হাপকনি পল্লদুনা প্রধান মন্ত্রীনা ফোংদোকখি।
থবক পীবা অমসুং মশানা মশাবু থবক পীজবা হায়বসিদা সরকারনা খোঙফম চেৎলিবা অসিবু অমুক্কা হন্না পল্লদুনা, প্রধান মন্ত্রীনা পি.এল.আই. স্কিম্না মাোয় পাক্লিবা অসিগী মতাংদা পনখি অমসুং থবক করোর কয়া অমা পীগদবা ইমপ্লোয়মেন্ত লিঙ্ক ইন্সেন্তিব স্কিমগী মতাংদা ৱাফম থমখি। স্কিম অসিগী মখাদা, মহা অমগী অহানবা তোলোব অসি সরকারনা পীগনি। নহা করোর অমগী হাইয়র এজুকেসন অমসুং ইন্তর্নশিপকী স্কিম লৈরক্কদৌরিবা অসিগী মতাংদা মহাক্না পাউদমখি। “নহাশিংনা স্কিম অসিগী মখাদা লৈবা মকোক থোংবা কম্পেনীশিংদা থবক তৌদুনা অনৌবা খুদোংচাবা কয়া ফংগনি”, মহাক্না হায়খি।
শহর, খুঙ্গং অমসুং ইমুং খুদিংগী ওন্তোপ্রিনর শাবা হায়বা থৌওংদা খোঙফম চেৎলিবা অসিবু নৌনা পল্লদুনা, প্রধান মন্ত্রীনা মুদ্রগী মখাদা কোলেতরেল য়াওদনা পীরিবা লোনগী অকক্নববু লুপা লাক্ষ 10দগী লুপা লাক্ষ 20দা হেনগৎপা, মসিনা অপীকপা কারবার তৌজরিবা নুপা, নপী, দলিত, শোত্থরবা মীওইশিংদা কান্নবা হেন্না পীরগনি হায়না ফোংদোকখি।
ভারতপু মালেমগী মেন্যুফেকচরিং হব ওইহন্নবা খোঙফম চেৎলিবা অসিদা মিৎয়েং চঙলদুনা, প্রধান মন্ত্রীনা এম.এস.এম.ই.গা লৈবাক্কী মিদ্দল ক্লাসশিংগা মরী লৈনরিবা অমসুং মসিনা লাইরবা কাঙলুপ্তা থবক পীবা ঙম্বগী মতিক লৈরিবা অসিগী মতাংদা হায়খি। অপীকপা ইন্দস্ত্রীশিংদা অচৌবা পাঙ্গল হাপ্নবা বজেৎ অসিদা লাউথোক্লিবা অনৌবা স্কিম কয়ানা এম.এস.এম.ই.না ক্রেদিত ফংবা হেনগৎহনগনি হায়না প্রধান মন্ত্রীনা হায়খি। “বজেৎ অসিনা লাউথোক্লিবা ৱাফমশিংনা জিলা খুদিংনা মেন্যুফেকচরিং অমসুং এক্সপোর্ত তৌবা ঙমগনি; ই-কম্মর্স, এক্সপোর্ত হব অমসুং ফুদ ক্বালিতী তেস্তিংনা ৱান দিস্ত্রিক্ত ৱান প্রদক্ত প্রোগ্রামদা অনৌবা ইনোৎ পীগনি”, মহাক্না হায়খি।
কেন্দ্রগী বজেৎ 2024-25 অসিনা ভারতকী স্তার্তঅপ অমসুং ইন্নোভেসন ইকোসীস্তেমগী মশিং য়াম্লবা খুদোংচাবা কয়া পুদুনা লাক্লি হায়না প্রধান মন্ত্রীনা হায়খি। স্পেস ইকোনোমী চাউখৎহন্নবা লুপা করোর লিশিং অমগী কোর্পস ফন্দ অমা পুরক্লিবা অমসুং এঞ্জেল তেক্স মুত্থৎলিবা অসিগী খুদম মহাক্না পীখি।
“রেকোর্দ হাই কেপেক্সনা শেন্মিতলোনগী শাফু ওইগনি”, প্রধান মন্ত্রীনা হায়খিবগা লোয়ননা অনৌবা ইন্দস্ত্রীএল নোদ অমসুং অনৌবা সেতিলাইত তাউন 12 শেম্নবা থৌরাং লৈরিবা অসুং অচৌবা শহর 14গী ত্রাঞ্জিত প্লান লৈরিবা অসিগী মতাংদশু পনখি। মসিনা লৈবাক মনুংদা অনৌবা ইকোনোমিক হব শেমগৎপা অমসুং থবক মশিং য়াম্না পীবা ঙমহনগনি হায়না মহাক্না মখা তাখি।
দিফেন্স এক্সপোর্ত্তা রেকোর্দ ওইবা মশিং য়ৌবা ঙম্লিবা অসিগী মতাংদা প্রধান মন্ত্রীনা পল্লদুনা, হন্দক্কী বজেৎ অসিদা ‘আত্মানির্ভর’ দিফেন্স সেক্তর ওইহন্নবা থৌওং কয়া য়াওরি হায়খি। মালেম্না ভারত্তা পুক্নিং চঙবগী চাং হেনগৎলক্লি, মসিনা তুরিজম ইন্দস্ত্রীগী অনৌবা থোঙ কয়া হাংদোক্লি হায়না মহাক্না হায়খি। হন্দক্কী চহিগী বজেৎ অসিদা তুরিজমদা অহেনবা মিৎয়েং চঙলিবা অসিবু মহাক্না পল্লদুনা তুরিজম ইন্দস্ত্রীনা লাইরবা অমসুং মিদ্দল ক্লাসশিংদা খুদোংচাবা কয়া পীগনি হায়খি।
সরকারনা হৌখিবা চহি 10 অসিদা লাইরবা অমসুং মিদ্দল ক্লাসশিংদা তেক্স রিলীফ পীদুনা লাক্লি অমসুং মখোয়গী ইনকম তেক্স হন্থনবা, স্তেন্দর্দ দিদক্সন হেনগৎহন্নবা, অমসুং তি.দি.এস.কী কাঙলোন লাইথোকহন্নবা ৱারেপ কয়াশু হন্দক্কী চহিগী বজেৎ অসিনা লৌখ্রে হায়না পি.এম. মোদীনা হায়খি। হায়রিবা রিফোর্মশিংনা অসিনা তেক্স থীরিবা মীওইশিংদা শেল হেন্না তুংশিনবা ঙমহনগনি হায়না মহাক্না হায়খি।
ভারতকী নোংপোক মায়কৈগী অপুনবা চাউখৎ থৌরাংগী থবকশিংগী খোঙজেল অমসুং পাঙ্গল অসি ‘পুর্বোদয়া’ মিৎয়েংগী খুত্থাংদগী হেনগৎলগনি হায়না প্রধান মন্ত্রীনা হায়খি। “নোংপোক ভারতকী হাইৱে, ৱাতর প্রোজেক্ত অমসুং পাৱর প্রোজেক্ত কয়াগুম্বা মরু ওইবা ইনফ্রাস্ত্রকচর কয়া চাউখৎহনবগী থৌওংদা ইনোৎ হাপ্লগনি”, মহাক্না মখা তাখি।
প্রধান মন্ত্রীনা হায়খি, “বজেৎ অসিনা অচৌবা মিৎয়েং অমা লৈবাক্কী লৌমীশিংদা চঙলি”। হৱাই চেংৱাই থম্বগী মালেমগী খ্বাইদগী চাউবা স্কিমগী মতুংদা, মনা মশিং পুথোকপা ক্লস্তর অসি হৌজিক হৌদোক্লি অমসুং মসিনা লৌমী অমসুং মিদ্দল ক্লাস অনিমক্তা কান্নবা পীগনি। মহাক্না মখা তানা হায়খি, “ভারতনা লৌউ-শিংউগী সেক্তরদা মরোমদোম লেপচবা ঙম্বা হায়বা অসি হৌজিক্কী মতমগী খ্বাইদগী তঙাই ফদবা অমনি। অদুনা, লৌমীশিংনা হৱাই অমসুং থাউ থোকপা মরু হেন্না পুথোকপা ঙমহন্নবা তেংবাংবগী থৌওং কয়া লাউথোক্লিবনি”।
লাইরবা মুত্থৎপা অমসুং লাইরবশিংদা পাঙ্গল হাপ্পগা মরী লৈনবা মরু ওইবা স্কিম কয়াগী মতাংদা পল্লদুনা, সেচ্যুরেসন এপ্রোচকা লোয়ননা পাংথোক্কদবা লাইরবশিংগী য়ুম করোর অহুম শাবা অমসুং ত্রাইবেল ইমুং করোর 5তা বেসিক ফেসিলিতী ফংহনগদৌরিবা জঞ্জাতিয় উন্নত গ্রাম অভিয়ানগী মতাংদা প্রধান মন্ত্রীনা পাউদমখি। মখা তারকপদা, গ্রাম সরক য়োজনানা খুঙ্গংগী অনৌবা মফম লিশিং 25পু ওল-ৱেদর রোদকী কন্নেক্তিবিতী পীগনি অমসুং মসিনা রাজ্যশিংদা কান্নবা য়াম্না পীগনি।
“ঙসিগী বজেৎ অসিনা অনৌবা খুদোংচাবা, অনৌবা পাঙ্গল, অনৌবা থবক অমসুং মশানা থবক পীজবগী খুদোংচাবা কয়া পুরক্লে। মসিনা অফবা শাহৌ অমসুং তুংগী লমচৎ অমা পুরক্লে”, হায়না প্রধান মন্ত্রীনা হায়খি। ঙসিগী বজেৎ অসিনা ভারতপু মালেমগী খ্বাইদগী অহুমশুবা চাউবা শেন্মিৎলোন ওইহনবদা খোঙজেল য়াঙনা তেংবাংগনি অমসুং চাউখৎ ভারত অমগী ফম্বাক শেমগনি হায়রদুনা প্রধান মন্ত্রীনা মহাক্কী ৱারোল লোইশিনখি।
Click here to read full text speech
#BudgetForViksitBharat benefits every segment of society. pic.twitter.com/IlKhCb2HMq
— PMO India (@PMOIndia) July 23, 2024
इस बजट में सरकार ने Employment Linked Incentive scheme की घोषणा की है।
— PMO India (@PMOIndia) July 23, 2024
इससे देश में करोड़ों नए रोजगार बनेंगे। #BudgetForViksitBharat pic.twitter.com/cWAnnt3I5h
#BudgetForViksitBharat opens up new avenues for StartUps and innovation ecosystem. pic.twitter.com/N5aFatddxd
— PMO India (@PMOIndia) July 23, 2024
इस बजट में भी income tax में कटौती और standard deduction में वृद्धि का बहुत बड़ा फैसला लिया गया है। #BudgetForViksitBharat pic.twitter.com/ki6qSsqqPU
— PMO India (@PMOIndia) July 23, 2024
#BudgetForViksitBharat focuses on welfare of farmers. pic.twitter.com/jnwiY76vsV
— PMO India (@PMOIndia) July 23, 2024
