এক্সিলেন্সী,
অদোম্না নুংশিনবগী থম্মোয় শেংনা তরাম্না ওকপগীদমক ঐহাক্না অদোমবু থাগৎচরি। অদোম্না প্রধান মন্ত্রীগী পোস্ত পায়খ্রবা মতুংদা মসি ঐখোয়গী অহানবা মীফমনি। ঐহাক্না অদোমবু থম্মোয় শেংনা নুংঙাইবা ফোংদোকচরি অমসুং য়াইফ পাউজেল পীজরি। ঐহাক্না থাজবা থম্লি মদুদি 4Gগী লুচিং মখাদা সিঙ্গাপুর অসি হেন্না থুনা খুমাং চাউশিল্লগনি।
এক্সিলেন্সী,
সিঙ্গাপুর অসি শুপ্নগী পার্তনর লৈবাক অমা খক্তা নত্তে। সিঙ্গাপুর অসি চাউখৎলক্লিবা লৈবাক খুদিংমক্কী ইথিলনি। ঐখোয়সু ভারত্তা সিঙ্গাপুর কয়া অমা শেমগৎপা পাম্মি। অমসুং ঐহাক্না নুংঙাইবা ফাওই মদুদি ঐখোয়না মসিগী মাইকৈ অসিদা পুন্না থবক তৌমিন্নরি। ঐখোয়গী মরক্তা শেমখিবা মিনিস্তরগী ওইবা রাউন্দ তেবল অসি অনৌবা মেকানিজম অমনি। স্কিলিং, দিজিতেলাইজেসন, মোবিলিতী, এদভান্স মেন্যুফেকচরিং, সেমিকন্দক্তর অমসুং এ.আই., হেল্থকেয়র, সস্তেনেবিলিতী অমসুং সাইবর সেক্যুরিতীগুম্বা লমশিংদা তেংবাং পীননবা ইনিসিএতিবশিং মশক খঙদোকখ্রে।
এক্সিলেন্সী,
সিঙ্গাপুর অসি ঐখোয়গী এক্ত ইস্ত পোলিসীগী মরুওইবা এঙ্কর অমনি। দেমোক্রেসূ ভেল্যুশিংদা ঐখোয়গী মান্নবা থাজবনা ঐখোয়বু অমগা অমগা শম্নহল্লি। ঐহাক্কী অহুমশুবা তর্ম হৌরকপদা সিঙ্গাপুরদা চৎপগী খুদোংচাবা ফংজবা অসিদা ঐহাক নুংঙাইবা ফাওই। ঐখোয়গী স্ত্রেতেজিক পার্তনরশিপকী চহি তরা মপুং ফারক্লে। ঐখোয়গী ত্রেদ অসি হৌখিবা চহি 10দা শরুক অনি হেনগৎলে। ম্যুচ্যুএল ইনভেস্তমেন্ত অসি শরুক অহুম হেনগৎখ্রে অমসুং দোল্লর বিল্লিয়ন 150 হেনখ্রে। সিঙ্গাপুর অসি ঐখোয়না UPIগী পর্সন তু পর্সন পেমেন্ত ফেসিলিতী হৌদোকখিবা অহানবা লৈবাকনি। হৌখিবা চহি 10দা, ভারতনা সিঙ্গাপুরগী সেতেলাইত 17 থাগৎখ্রে। ঐখোয়গী কোওপরেসন অসি স্কিল্লিংদগী হৌরগা দিফেন্স সেক্তর ফাওবা চাউনা খুমাং চাউশিল্লি। সিঙ্গাপুর এয়রলাইন্স অমসুং এয়র ইন্দিয়াগী মরক্তা তৌনখিবা য়ানচে অসিনা কনেক্তিবিতী মপাঙ্গল কনখৎহল্লি। ঙসি ঐখোয়না পুন্না ঐখোয়গী মরীশিং অসি কমপ্রিহেন্সিব স্ত্রেতেজিক পার্তনরশিপকী মওং-মতৌ অমা পীরিবা অসিদা ঐহাক নুংঙাইবা ফাওই।
এক্সিলেন্সী,
সিঙ্গাপুরদা লৈরিবা ভারত মচা লাখ 3.5 অসি ঐখোয়গী মরীগী মপাঙ্গল কনবা য়ুম্ফমনি। সিঙ্গাপুরদা সুভাশ চন্দ্র বোস, আজাদ হিন্দ ফৌজ অমসুং লিtল ইন্দিয়াবু মফম অমসুং ইকাই খুম্নবা পীরকপগীদমক ঐখোয়না সিঙ্গাপুর পুম্নমক্কী মফমদা মতম পুম্নমক্তা থাগৎপা ফোংদোকচরি। ঐখোয়গী মরী অসি 2025দা চহি 60 মপুং ফাহনগদৌরি। মসিগী থৌরম অসিবু শিংথানিংঙাই ওইবা মওংদা পাংথোক্নবগীদমক লৈবাক অনিমক্তা এক্সন প্লান অমা শেম্নবা থবক পায়খৎকদবনি। ভারতকী অহানবা তিরুভল্লুভর কলচরেল সেন্তর অথুবা মতমদা সিঙ্গাপুরদা হাংদোক্লগনি হায়না ঐহাক্না নখোয়দা ফোংদোকচবা ফংজবদা য়াম্না নুংঙাইবা ফাওই। অচৌবা সেন্ত তিরুভল্লুভরনা মালেমদা খ্বাইদগী অরিবা লোল তামিলদা লমজিং-লমতাকপগী ৱাখল্লোনশিং পীরি। মহাক্কী কম্পোজিসন থিরুকুরাল অসি চহি লিশিং অনিগী মমাংদা ইখিবনি, অদুবু মসিদা পীরিবা ৱাখল্লোনশিং অসি ঙসি ফাওবদা মরী লৈনরি। মহাক্না হায়খি, নয়নোদু ননরি প্যুরিন্দ পেয়নুদাইয়র পনবু পারাত্তুম উলগু। হায়বদি, মালেম অসিদা অচুম্বা অমসুং অতোপ্পদা মতেং পাংবগীদমক খঙনরবা মীওইশিংবু থাগৎলি। ঐহাক্না থাজবা থম্লি মদুদি সিঙ্গাপুরদা লৈরিবা ভারত মচা করোর কয়াসু ৱাখল্লোনশিং অসিদগী ইথিল ফংলি অমসুং লৈবাক অনিগী মরক্তা লৈনরিবা মরী অসি মপাঙ্গল কনখৎহনবদা মতেং পাংলি।
এক্সিলেন্সী,
ঐহাক্না সিঙ্গাপুরদা শংগ্রীলা দাইলোগতা ভারতকী ইন্দো-পেসিফিক ভিজন পুথোকখি। ঐখোয়না সিঙ্গাপুরগা লোয়ননা লমদমসিগী শান্তি, তংদু লৈতাবা অমসুং চাউখৎপা পুরক্নবা মখা তানা থবক তৌমিন্নগনি। ঐহাকপু ইকায় খুম্নবা উৎপীবগীদমক ঐহাক অমুক্কা হন্না থাগৎপা ফোংদোকচরি।
PM commends the Delegations for championing India’s Stand on Terrorism
