এক্সিলেন্সী, চান্সেলর কার্ল নেহাম্মর,
লৈবাক অনিমক্কী দেলিগেতশিং,
মীদিয়াগী ইচীল ইনাওশিং,
ইকাইখুম্নজরি।
ইহান হানবদা ঐহাক্না চান্সেলর নেহাম্মরবু তরাম্না ওকপীবগীদমক অপেনবা ফোংদোকচরি। ঐহাক্কী অহুমশুবা তার্মগী হৌরকপদা ওস্ত্রিয়াদা চৎপগী খুদোংচাবা ফংবসি অপেনবা পোকচৈ। ঐহাক্কী হন্দক্কী খোঙচৎ অসি পুৱারীগী ওইবা অমসুং অখন্নবা খোঙচৎ অমনি। চহি নিফুমাথোইগী মতুংদা, ভারতকী প্রধান মন্ত্রী অমনা ওস্ত্রিয়া তম্না লাক্লি। মসিগী খোঙচৎ অসি ঐখোয়গী লৈবাক অনিগী মরীনা চহি ৭৫ শুরকপদা তাবসি য়াম্না নুংঙাইবা পোকচৈ।
মরুপশিং,
ঐখোয়গী মান্নবা গনতন্ত্রগী থাজবা অমসুং মান্নবা আইনগী মওং মতৌনা ঐখোয়গী মরুপ মপাংগী মরীগী য়ুম্ফম য়াম্না কলহল্লি। মান্নবা থাজবা অমসুং মান্নবা অপাম্বশিংনা ঐখোয়গী মরীবু হেন্না চেৎশিলহল্লি। ঙসিদি, চান্সেলর নেহাম্মর অমসুং ঐহাক্না য়াম্না মহৈ য়ানিংঙাই ওইবা মওংদা খন্ননৈনখি। ঐখোয়গী মরী অসিবু হেন্না চেৎশিলহন্নবা অনৌবা খুদোংচাবা কয়া খঙদোক্লে। ঐখোয়না ঐখোয়গী মরীদা স্ত্রেতেজিক ওইবা মায়কৈ পীনবা লেপ্লে। লাক্কদবা চহি তরারোম অসিদা লৈগদবা মরীগী ব্লুপ্রিন্ত অমা শেম্লে। মসি শেন্মিৎলোন অমসুং ইনভেস্তমেন্তখক্কী মপাংদা নত্তে। ঐখোয়না ঐখোয়গী পাঙ্গল অসি ইনফ্রাস্ত্রকচর শেমগৎপা, ইন্নোভেসন, রিন্যুএবল এনর্জী, হায়দ্রোজেন, ঈশিং অমসুং ফত্ত হাওথিগী মেনেজমেন্ত, আর্তিফিসিএল ইন্তেলিজেন্স, অমসুং ক্বান্তম তেক্নোলোজীদসু হোৎনমিন্নগনি। লৈবাক অনিমক্কী নহাশিং অমসুং ৱাখলশিং শম্ননবগীদমক, স্তার্ত অপ ব্রিদজ অসি খোঙজেল য়াঙহল্লগনি। মোবিলিতী অমসুং মাইগ্রেসন পার্তনর্শিপকী য়ানবসু মমাংদগী হৌনা লৈখ্রে। মসিনা আইনগী মখাদা মাইগ্রেত তৌবা অমসুং স্কিল্দ ৱার্কফোর্সশিং চৎথোক চৎশিন তৌবা য়াহল্লগনি। নাৎকী অমসুং এজুকেসনেল ইন্সতিত্যুসনশিংগী মরক্তা লান্থোক্নবসু হেনগৎহনগনি।
মরুপশিং,
ঐখোয়না ঙসি লেপ্লিবা হোল অসি য়াম্না পুৱারীগী মশক লৈ। ১৯শুবা চহি চাদা, পুৱারী ওইদুনা লৈরবা ভিএন্না কংগ্রেসসু মফম অসিদা পাঙথোকখি। কনফরেন্স অদুনা য়ুরোপতা শান্তি অমসুং তংদু লৈতাবগী মায়কৈ অমা পুরকখি। চান্সেলর নেহাম্মর অমসুং ঐহাক্না মালেমদা চত্থরিবা চয়েৎনবশিংগী, য়ুক্রেনবু ওইরো নত্ত্রগা নোংচুপ এসিয়াগী মতাংদবু ওইরো, হায়রিবা মতাংশিং অসিদসু খন্নখি। ঐহাক্না মমাংদা হায়খ্রে, হৌজিক লান তৌনবগী মতম নত্তে। চয়েৎনবশিং অসি লানফমদা লোইশিন্নবা য়ারোই। মফম কয়াদা পুন্সি কয়া মাঙলিবা অসি য়াবা ঙম্লোই। ভারত অমসুং ওস্ত্রিয়ানা ৱারী শানবা অমসুং দিপ্লোমেসী তৌদুনা শান্তি অমসুং তংদু লৈতাবা পুরক্নবা হোৎনগনি। মসি ফংনবগীদমক ঐখোয় অনিনা অঙম্বা মতেং পাংনবা শেম শাদুনা লৈ।
মরুপশিং,
ঙসিদি ঐখোয়না মীওইবা খুনাই অসিনা থেংনরিবা অইং অশা হোংলকপা অমসুং হিংশাগী শীংনবশিংগী মতাংদা ৱাখল লান্থোক্নখি। অইং অশাগী মতাংদা, ঐখোয়না ওস্ত্রিয়াবু ঐখোয় থৌরাং অমা ওইরিবা ইন্তর্নেসনেল সোলার এলাইএন্স, কোএলিজন ফোর দিজাস্তর রেজিলিএন্ত ইনফ্রাস্ত্রকচর, অমসুং বাইওফ্যুল এলাইএন্সতা শরুক য়াবীনবা কৌজরি। ঐখোয়না অনিমক্না হিংশাবু কন্না য়ানিংদবা ফোংদোকচরি। ঐখোয়না য়ানখ্রে মদুদি মসি মওং অমহেক্তদা য়াবা ঙম্লোই অমসুং চুমহনবসু য়ারোই। য়ুনাইতেদ নেসন্স অমসুং অতৈ ইন্তর্নেসনেল ইন্সতিত্যুসনশিংদা হেন্না মতমগা চুন্নবা অমসুং কান্নবা ফংবা হেলহন্নবা রিফোর্ম পুরকপা তঙাইফদে হায়না য়ানরি।
মরুপশিং,
লাক্কদবা থাশিং অসিদা, ওস্ত্রিয়াদা মীখল পাঙথোক্লগনি। গনতন্ত্রগী ইমা অমসুং মালেমদা খ্বাইদগী চাউবা গনতন্ত্র, ভারতকী মীয়ামগী মহুৎ শিঞ্জদুনা ঐহাক্না চান্সেলর নেহাম্মর অমসুং ওস্ত্রিয়াগী মীয়ামগী মফমদা য়াইফ পাউজেল পীজরি। অতেনবা মতম খরদা, ঐখোয়না লৈবাক অনিমক্তগী সি.ঈ.ওশিংগা উনরগনি। ঐহাক্না ওস্ত্রিয়াগী রাস্ত্রপতিগা উনবগী তাঞ্জা অমসু ফংজগনি। অমুক্কা হন্না ঐহাক্না চান্সেলর নেহাম্মরবু মহাক্কী মরুপ ওইবগী মতৌগীদমক থাগৎচরি অমসুং ভারত্তা কোইবীরক্নবা বার্তোন তৌজরি। অদুক্কী মতীক থাগৎচরি।
मुझे ख़ुशी है कि मेरे तीसरे कार्यकाल की शुरुआत में ही ऑस्ट्रिया आने का अवसर मिला।
— PMO India (@PMOIndia) July 10, 2024
मेरी यह यात्रा ऐतिहासिक भी है और विशेष भी।
41 साल के बाद किसी भारतीय प्रधानमंत्री ने ऑस्ट्रिया का दौरा किया है।
ये भी सुखद संयोग है कि ये यात्रा उस समय हो रही है जब हमारे आपसी संबंधों के 75 साल…
लोकतंत्र और rule of law जैसे मूल्यों में साझा विश्वास, हमारे संबंधों की मजबूत नींव हैं।
— PMO India (@PMOIndia) July 10, 2024
आपसी विश्वास और shared interests से हमारे रिश्तों को बल मिलता है: PM @narendramodi
आज मेरे और चांसलर नेहमर के बीच बहुत सार्थक बातचीत हुई।
— PMO India (@PMOIndia) July 10, 2024
हमने आपसी सहयोग को और मज़बूत करने के लिए नई संभावनाओं की पहचान की है।
हमने निर्णय लिया है कि संबंधों को स्ट्रैटेजिक दिशा प्रदान की जाएगी: PM @narendramodi
मैंने और चांसलर नेहमर ने विश्व में चल रहे विवादों, चाहे यूक्रेन में संघर्ष हो या पश्चिम एशिया की स्थिति, सभी पर विस्तार में बात की है।
— PMO India (@PMOIndia) July 10, 2024
मैंने पहले भी कहा है कि यह युद्ध का समय नहीं है: PM @narendramodi
हम दोनों आतंकवाद की कठोर निंदा करते हैं। हम सहमत हैं कि ये किसी भी रूप में स्वीकार्य नहीं है। इसको किसी तरह भी justify नहीं किया जा सकता: PM @narendramodi
— PMO India (@PMOIndia) July 10, 2024
हम संयुक्त राष्ट्र संघ और अन्य अंतराष्ट्रीय संस्थाओं में रिफॉर्म के लिए सहमत हैं ताकि उन्हें समकालीन और effective बनाया जाये: PM @narendramodi
— PMO India (@PMOIndia) July 10, 2024
