শক্নাইরবশিং,

খুরুমজরি!

অহানবদা, জি-২০ মীফম শীন-লাংবগীদমক অমসুং মহাক্না মাইপাক্না জি-২০ লুচিংবগীদমক ঐনা রাস্ত্রপতি লুলা থাগৎচরি। নিউ দিল্লিগী জি-২০ মীফমদা লৌখিবা মীয়ামগী য়াইফনবা ৱারেপশিং ব্রাজিলনা প্রসিদেন্ত ওইবা মনুংদা থবক ওইনা পায়খৎলে।

ঐখোয়না এস.দি.জি গোলশিং মরুওইনা লৌবা অসি অপেনবা অমনি।

ঐখোয়না থোং মান্ননা চাউখৎপা, নুপীশিংনা লমজিংবা চাউখৎ-থৌরাং অমসুং নহারোলশিংগী শক্তিদা মীৎয়েং চঙলে।

ঐখোয়না গ্লোবেল সাউথকী থাজবশিং অমসুং অনিংবশিংদা মতেং পাংলে।

হৌখিবা চহিগী মীফমগুম্না চহি অসিগী মীফম অসিশু মালেম অমা ইমুং অমা তুংলমচৎ অমগা মরী লৈনরে।

 

|

মরুপশিং,

অহানবা সেসনগী থিম ঐখোয়না ইকায়খুম্নবা উৎলি, ভারতনা খঙজবশিং অমসুং মাইপাকপগী ৱারিশিং অদোমগী মফমদা শরুক য়াবা ঐনা পাম্মী।

হৌখিবা চহি ১০ দা ঐখোয়না মীওই করোর ২৫০ লায়রবা কোকহল্লে।

মীওই মিল্লিয়ন ৮০০ হেন্না লেম্না চেঙ ফংহল্লে।

মীওই মিল্লিয়ন ৫৫০ মালেমদা খ্বাইদগী চাউবা হেল্থ ইন্সুরেন্স স্কিমগী খুদোংচাবা ফংলে।

হৌজিক, চহি ৭০ গী মথক্ত লৈরিবা অহল মিল্লিয়ন ৬০ লেম্না হেল্থ ইন্সুরেন্সকী কান্নবা ফংলে।

নুপীশিংনা লমজিংবা চাউখৎ-থৌরাং অমসুং খুন্নাইগী থোং মান্নবদা ঐখোয়গী মীৎয়েং চঙলদুনা, নুপী মাইক্রো ওন্ত্রেপ্রেনিউয়র মিল্লিয়ন ৩০০ হেন্না বেঙ্কশিংগা শম্নরে অমসুং শেন্থং ফংলে।

মালেমদা খ্বাইদগী চাউবা ক্রোপ ইন্সুরেন্স স্কিমগী মখাদা, লৌমী মিল্লিয়ন ৪০ হেন্না য়ু.এল দোল্লর বিল্লিয়ন ২০ রোমগী কান্নবা ফংলে।

লৌমীশিংগী স্কিমশিংগী মখাদা, লৌমী মিল্লিয়ন ১১০ দা দোল্লার বিল্লিয়ন ৪০ হেন্না মতেং পাংখ্রে।

লৌমীশিংদা য়ু.এস দোল্লার বিল্লিয়ন ৩০০ রোমগী ইন্সতুতুসনেল ক্রেদিদ পীরে।

 

|

ভারতনা চীঞ্জাক ৱাৎহন্দনবা মীৎয়েং চঙবগা লোয়ননা মচি ওইবা চীঞ্জাক ফংহন্নবশু মীৎয়েং চঙলে।

সক্ষম অঙ্গনৱাদি অমসুং ন্যুত্রিসন ২.০ কেম্পেন্না মীরোলবীশিং, পোকপতা ঙাইরিবা অঙাংশিং, চহি ৬ গী মখাদা লৈবা অঙাং অমসুং ইনখৎলক্লিবী নুপীমচাশিংদা মচি ওইবা চীঞ্জাক ফংহন্নবা মীৎয়েং চঙলে।

মিদ দে মিল স্কিমগী খুৎথাংদা স্কুলগী অঙাংশিংদা দরকার ওইবা মচী ওইবা চীঞ্জাকশিং ফংহন্নবা অখন্নবা মীৎয়েং চঙলে।

মালেমগী ওইনা চীঞ্জাক ৱাত্তনা ফংহনবদা ভারতনা মতেং পাংলি।

হন্দক ঐখোয়না মালাৱি, জাম্বিয়া অমসুং জিমবাবৱেদা মতেং পাংখ্রে।

মরুপশিং,

ঐখোয়না মাইপাকপগী মরুওইবা মরম অসি ঐখোয়গী থবক অসিনি: তঙাইফদবা থবকশিংদা হঞ্জিল্লকপা অমসুং তুংলোমদা চঙশিনবনি।

ঐখোয়না মহৌশাগী লৌউ অমসুং ওর্গনিক ফার্মিংদা মীৎয়েং চঙবা খক নত্তনা অনৌবা তেক্নোলোজিশিংদা মীৎয়েং চঙলে।

ঐখোয়না তুংকোইনা চৎনবা য়াবা লৌউ-শিংউ, মহৌশাগী অকোয়বগী ফিবম ঙাক-শেন্নবা, ন্যুত্রিসন অমসুং শ্রী অন্ন নত্ত্রগা মিল্লেতশিং য়োকখৎতুনা চীঞ্জাক ৱাত্তনা ফংহন্নবা মীৎয়েং চঙলে।

 

|

ঐখোয়না নোংজু-নুংশা মায়োক্নবা ঙম্বা মহৈ-মরোং মখল ২০০ হেন্না পুথোক্লে অমসুং দিজিতেল এগ্রিকলচরেল মিসন হৌদোক্লে।

ভারতকী দিজিতেল পব্লিক ইনফ্রাস্ত্রকচর মিসন্না খুন্নাইগী কাংলুপ খুদিংমক শেন-থুমগী খুদোংচাবা ফংহল্লে।

এস্পিরেসনেল দিস্ত্রকশিং অমসুং ব্লোক প্রোজেকশিংগা লোয়ননা খ্বাইদগী চাউখৎত্রিবা মফমশিং চাউখৎনবা ঐখোয়না অনৌবা নমুনা অমা শেম্লে।

মরুপশিং,

চারা হেনবা অমসুং লায়রবা মুৎথৎনবা ব্রাজিলগী মালেমগী চুংশিন্নবা থবক ঐখোয়না শৌগৎলি।

মসি নিউ দিল্লি মীফমদা চৎনবা হৌখিবা ফুদ সেকুরিতিগী দেক্কান হায় লেবেল প্রিন্সিপালশিং থবক ওইনা পায়খৎনবা মাইকৈদা থাংজিনবা মরুওইবা খোঙথাং অমনি।

মরুপশিং,

অরোইবদা, ঐনা হায়নিংলি মদুদি মালেমগী মুক্নবশিং অসিনা মরম ওইদুনা গ্লোবেল সাউথকী লৈবাকশিং চীঞ্জাক, থাউ অমসুং হারগী অৱাবা মায়োক্নরে।

মরম অদুনা গ্লোবেল সাউথকী অৱাবশিং অমসুং দরকার ওইবশিং ঐখোয়না খঙলবা মতমদা ঐখোয়না খন্ন-নৈনরিবা অসি মাইপাক্কনি।

নিউ দিল্লি মীফম মনুংদা অফ্রিকান য়ুনিয়ন জি-২০ গী লেংদ্রবা মেম্বর ওইহন্দুনা ঐখোয়না গ্লোবেল সাউথকী খোল্লাউ কনখৎহল্লে, মালেমগী লৈঙাক্কীদমক ঐখোয়না ইন্সতিতুসনশিং শেমদোক্কনি।

হিরম অসিদা মথংগী মীফমদা খর হেন্না কুপ্না খন্নগনি হায়বগী থাজবা ঐনা থম্লি।

অদোম ঙমখৈ লৈতনা থাগৎপা ফোঙদোকচরি।

 

  • Dheeraj Thakur January 31, 2025

    जय श्री राम।
  • Dheeraj Thakur January 31, 2025

    जय श्री राम
  • Vivek Kumar Gupta January 08, 2025

    नमो ..🙏🙏🙏🙏🙏
  • Vivek Kumar Gupta January 08, 2025

    नमो ...................🙏🙏🙏🙏🙏
  • JYOTI KUMAR SINGH December 08, 2024


  • Preetam Gupta Raja December 08, 2024

    जय श्री राम
  • Chandrabhushan Mishra Sonbhadra December 05, 2024

    🕉️🕉️
  • Chandrabhushan Mishra Sonbhadra December 05, 2024

    🕉️
  • கார்த்திக் December 04, 2024

    🌺ஜெய் ஸ்ரீ ராம்🌺जय श्री राम🌺જય શ્રી રામ🌺 🌺ಜೈ ಶ್ರೀ ರಾಮ್🌺ଜୟ ଶ୍ରୀ ରାମ🌺Jai Shri Ram 🌺🌺 🌺জয় শ্ৰী ৰাম🌺ജയ് ശ്രീറാം 🌺 జై శ్రీ రామ్ 🌺🌹
  • DEBASHIS ROY December 04, 2024

    🇮🇳🇮🇳🇮🇳🇮🇳🇮🇳🇮🇳🇮🇳🇮🇳🇮🇳🇮🇳🇮🇳🇮🇳
Explore More
প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল

Popular Speeches

প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল
Job opportunities for women surge by 48% in 2025: Report

Media Coverage

Job opportunities for women surge by 48% in 2025: Report
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 5 মার্চ , 2025
March 05, 2025

Citizens Appreciate PM Modi's Goal of Aatmanirbhar Bharat - Building a Self-Reliant India