“অৱাং নোংপোক অমসুং মনিপুরনা লৈবাক্কী স্পোর্তসকী ত্রেদিসনবু মাংদা পুখৎপদা চাউনা শরুক তমখি”
“অৱাং নোংপোক্না লৈবাক্কী কলচরেল দাইভর্সিতীদা অনৌবা মচুশিং শংলি লোয়ননা লৈবাক্কী স্পোর্তস মলতিপ্লিসিতীদা অনৌবা মাইয়োলশিং পীরি”“চিন্তন শিবির অসি কুপ্না তান্নরগা হৌই, ৱাখল মুন্না খল্লগা মখা চত্থৈ অমসুং অরোইবদা ইমপ্লিমেন্ত তৌই”“তোর্নামেন্ত অমমমগী মতুং ইন্না নখোয়না স্পোর্তস ইনফ্রাস্ত্রকচর অমসুং স্পোর্তস ত্রেনিংদা মীৎয়েং থমগদবনি। নখোয়না শোর্ত-তর্ম, মিদিয়ম তর্ম অমসুং লোং-তর্ম ওইবা পান্দমশিং লেপথোক্কদবনি”“স্পোর্তস ইনফ্রাস্ত্রকচরগা মরী লৈনবা লুপা করোর ৪০০ হেনবা প্রোজেক্তশিংদা ঙসি অৱাং নোংপোক্কী চাউখৎ-থৌরাংদা অনৌবা ইনোৎ অমা হাপ্পি”প্রধান মন্ত্রী, শ্রী নরেন্দ্র মোদীনা ঙসি ভিদিও মেসেসকী থোংদা মনিপুরগী ইম্ফালদা পাঙথোকপা রাজ্য/য়ু.তি.শিংগী য়ুথ এফিয়র্স অমসুং স্পোর্তসকী মন্ত্রীশিংগী ‘চিন্তন শিবির’দা ৱা ঙাংখ্রে।
থৌরম অদুদা ৱা ঙাংলদুনা প্রধান মন্ত্রীনা চহি অসিদা মনিপুরদা ‘চিন্তন শিবির’ পাঙথোকপদা নুংঙাইবা ফোঙদোকখি অমসুং লৈবাক্কীদমক অৱাং নোংপোক্তগী শান্নরোয় কয়ানা মেদলশিং লৌদুনা মচু অহুমগী ফিরালগী মীংচৎ পুরকখি হায়না ফোঙদোকখি। প্রধান মন্ত্রীনা লমদম সগোল কাংজৈ, থাং-তা, য়ুবি লাকপী, মুক্না অমসুং হিয়াং তান্নবা অসিগুম্বা লমদম অসিগী নাৎকী ওইবা মশানাশিংগী মতাংদা পল্লদুনা মখোয় অসি মখোয় মশাগী ওইবা মওং অমদা য়াম্না নীংথিজৈ হায়না ফোঙদোকখি। শ্রী মোদীনা মখা তারদুনা হায়খি, “অৱাং নোংপোক অমসুং মনিপুরনা লৈবাক্কী স্পোর্তসকী ত্রেদিসনবু মাংদা পুখৎপদা চাউনা শরুক তমখি”। লমদম অসিগী ওইবা মশান্নশিংগী মতাংদা মখা তানা ফোঙদোক্লদুনা প্রধান মন্ত্রীনা মনিপুরগী উ-লাওবী অসি কবদ্দীগা মান্নৈ, হিয়াং তান্নবা অসি কেরালাগী হীগী লমজেলগা মান্নৈ হায়খি। মহাক্না মনিপুরগা পোলোগা লৈনরিবা পুৱারী ওইরা মরীগী মতাংদা ফোঙদোকখি অমসুং হায়খি অৱাং নোংপোক্না লৈবাক্কী কলচরেল দাইভর্সিতীদা অনৌবা মচুশিং শংলি লোয়ননা লৈবাক্কী স্পোর্তস মলতিপ্লিসিতীদা অনৌবা মাইয়োলশিং পীরি। প্রধান মন্ত্রীনা লৈবাক শিনবা থুংবদগী স্পোর্তস মন্ত্রীনা ‘চিন্তন শিবির’ অসি লোইরকপদা লৌশিং কয়া ফংলগনি হায়না থাজবা ফোঙদোকখি।
“চিন্তন শিবির অসি কুপ্না তান্নরগা হৌই, ৱাখল মুন্না খল্লগা মখা চত্থৈ অমসুং অরোইবদা ইমপ্লিমেন্ত তৌই” হায়না চিন্তন শিবিরগী মতাংদা প্রধান মন্ত্রীনা ফোঙদোকখি অমসুং তুংগী পান্দমশিং খন্নবা অমসুং মমাংগী কনফরেন্সশিং হন্না য়েংশিনবগী মথৌ তাই হায়নসু ফোঙদোকখি। ২০২২দা কেবারিদা পাঙথোকখিবা মমাংগী মীফম অদু নীংশিংলদুনা প্রধান মন্ত্রীনা মরু ওইবা হীরম কয়া খন্নখি অমসুং স্পোর্তসকী য়াইফনবা ইকোসিস্তেম অমা শেম্নবা রোদ মেপ অমা শেম্নবা য়ান্ন-ৱারোল পীনখি হায়না ফোঙদোকখি। প্রধান মন্ত্রীনা স্পোর্তস সেক্তরদা কেন্দ্র অমসুং রাজ্যশিংগী মরক্তা শরুক য়াবা হেনগৎহন্নবগী মতাংদা ফোঙদোকখি অমসুং ওইথোক্নবা পাইখৎখিবা খোঙথাংশিংগী মতাংদা ফোঙদোকখি। মহাক্না মখা তারদুনা হাখি মসিগী হন্না য়েংশিনবগী থৌওং অসি পোলিসীশিং অমসুং প্রোগ্রামশিংগী থাক্তা খক্তা পাঙথোক্লোইদবনি মসি মমাং চহিগী ইনফ্রাস্তর্কচর দিবেলপমেন্ত অমসুং স্পোর্তসকী মাইপাকপশিংগী মতাংদসু য়াওগদবনি।
মমাং চহিদা ভারতকী এথলিৎশিং অমসুং শান্নরোয়শিংনা উৎখিবা পরফোর্মেন্সকী মতাংদা পল্লদুনা প্রধান মন্ত্রীনা মরু ওইনা ইন্তর্নেস্নেল স্পোর্তস ইভেন্তশিংদা মখোয়না শীংথানীংঙাই ওইনা হোৎনখিবশিং অদুবু থাগৎখি। মহাক্না মাইপাকপশিং অসি পালন তৌবগা লোয়ননা শান্নরোয়শিংদা মতেং পীনবা মখা তানা ফোঙদোকখি। প্রধান মন্ত্রীনা তুংদা লাক্কদবা মতমশিংদা স্ক্বাশ ৱর্ল্দ কপ, হোক্কী এসিয়ন চেম্পিয়নশিপ্স ত্রোফী অমসুং এসিয়ন য়ুথ এন্দ জুনিয়র ৱেৎলিফতিং চেম্পিয়নশিপগুম্বা ইভেন্তশিংদা স্পোর্তস মন্ত্রালয় অমসুং মাগী বিভাগশিংনা শেম-শারিবা অসি চায়েং তৌরগনি হায়না ফোঙদোকখি অমসুং মখা তারদুনা শান্নরোয়শিংনা মখোয় মশাবু শেম-শাবগা লোয়ননা মন্ত্রালয়শিংনা স্পোর্তস তোর্নামেন্তশিংগী মতাংদা তোখাইবা এপ্রোচ অমগা লোয়ননা থবক তৌবগী হৌজিক মতম ওইরে। ফুৎবোল অমসুং হোক্কীগুম্বা মশান্নশিংদা মেন-তু-মেন মার্কী তৌবগা চাংদম্নরদুনা প্রধান মন্ত্রীনা তোর্নামেন্ত অমমমগী ওইনা তোঙানবা লালোংশিং পাইখৎপা অমসুং মেৎচ-তু মেৎচ মার্কিংগী এপ্রোচ পাইখৎপা মথৌ তাই হায়খি। প্রধান মন্ত্রীনা হায়খি, “তোর্নামেন্ত অমমমগী মতুং ইন্না নখোয়না স্পোর্তস ইনফ্রাস্ত্রকচর অমসুং স্পোর্তস ত্রেনিংদা মীৎয়েং থমগদবনি। নখোয়না শোর্ত-তর্ম, মিদিয়ম তর্ম অমসুং লোং-তর্ম ওইবা পান্দমশিং লেপথোক্কদবনি”।
প্রধান মন্ত্রীনা হায়খি মশা-মউ ফবা হায়বা অসি শান্নরোয় খক্তনা ফংবা ঙম্মি অদুবু মসিনা ফজরবা পরফোর্মেন্স মখা তানা পীনবা লম্বী ওইরি। মহাক্না শান্নরোয়শিংনা হেন্না তমশিনবা ঙম্নবা লোকেলগী থাক্তা কম্পিতিসনশিং অমসুং স্পোর্তস তোর্নামেন্ত কয়া কয়াদা শান্নবা মথৌ তাই হায়খি। শ্রী মোদীনা স্পোর্তস মন্ত্রীশিংদা স্পোর্তিং তেলেন্ত অমত্তা নাথৈদুনা থমদনবা হায়খি।
প্রধান মন্ত্রীনা লৈবাক্কী তেলেন্ত লৈবা শান্নরোয় খুদিংমক্তা ক্বালিতী লৈবা স্পোর্তস ইনফ্রাস্ত্রকচর ফংহনবা হায়বা অসি সরকারগী থৌদাংনি অমসুং মসিগীদমক কেন্দ্র অমসুং রাজ্য সরকারশিংনা পুন্না থবক তৌবা মথৌ তাই হায়খি। খেলো ইন্দিয়া স্কিমগী মতাংদা পল্লদুনা প্রধান মন্ত্রীনা হায় মসিনা জিলাগী থাক্তা স্পোর্তস ইনফ্রাস্ত্রকচর ফগৎহনখি অমসুং ব্লোক লেবেলদা ফগৎহন্নবগী খোঙথাংশিং লৌখৎনবা হায়খি। মহাক্না হায়খি প্রাইবেৎ সেক্তর য়াওনা স্তেকহোল্দর পুম্নমক্না শরুক য়াবা অসি মরু ওই। প্রধান মন্ত্রীনা নেস্নেল য়ুথ ফেস্তিবেল অসি হেন্না কান্নবা ওইহন্নবা নৌনা শেমদোক্নবা অপাম্বসু ফোঙদোকখি অমসুং হায়খি রাজ্যশিংদা পাঙথোক্লিবা অসিগুম্বা প্রোগ্রামশিং অসি শুপ্নগী ফোর্মেলিতী খক্তা ওইরগা তোক্তনা হায়খি। প্রধান মন্ত্রীনা হায়খি, “অসিগুম্বা খোঙথাংশিং অসি ওল-রাউন্দ ওইহল্লবা মতমদা খক্তা ভারতনা মশাবু মাংজিল থারিবা স্পোর্তসকী লৈবাক অমা ওইবা ঙমগনি”।
অৱাং নোংপোক্তা পাইখৎলিবা স্পোর্তিং দিবেলপমেন্তশিংগী মতাংদা পল্লদুনা প্রধান মন্ত্রীনা হায়খি লমদম অসি লৈবাক্কীদমক অচৌবা তমজনীংঙাই অমনি। মহাক্না হায়খি স্পোর্তস ইনফ্রাস্ত্রকচরগা মরী লৈনবা লুপা করোর ৪০০ হেনবগী প্রোজেক্তশিংনা ঙসি অৱাং নোংপোক্কী চাউখৎ-থৌরাংদা অনৌবা ইনোৎ অমা পীরি। প্রধান মন্ত্রীনা ইম্ফালগী নেস্নেল স্পোর্তস য়ুনিভর্সিতীনা তুংদা লাক্কদবা মতমশিংদা লৈবাক্কী নহারোলদা অনৌবা খুদোংচাবশিং পীরগনি, অমসুং খেলো ইন্দিয়া স্কিম অমসুং তোপ্সগুম্বা খোঙথাংশিংনা মসিদা অচৌবা থৌদাং লৌখি হায়না খুদমশিং পীখি। অৱাং নোংপোক্কী জিলা খুদিংমক্তা য়ামদ্রবদা খেলো ইন্দিয়া সেন্তর ২ অমসুং রাজ্য খুদিংমক্তা খেলো ইন্দিয়া সেন্তর ওফ এক্সিলেন্স লিংখৎলি হায়না ফোঙদোক্লদুনা প্রধান মন্ত্রীনা হায়খি খোঙথাংশিং অসিনা স্পোর্তসকী লমদা অনৌবা ভারতকী য়ুম্ফম ওইরগনি অমসুং মসিনা লৈবাক্কী অনৌবা শক্তাক অমা পীরগনি। ৱা ঙাংবা লোইশিনবদা, শ্রী মোদীনা স্তেকহোল্দরশিংদা মশা-মশাগী রাজ্যশিংদা অসিগুম্বা থবকশিং খোঙজেল য়াংশিনহন্নবা হায়খি অমসুং মাইকৈ অসিদা চিন্তন শিবিরনা মরু ওইবা থৌদাং অমা লৌরগনি হায়না থাজবা ফোঙদোকখি।
বেকগ্রাউন্দ
অখন্নবা নুমিৎ নিনিগী চিন্তন শিবির অসিদা তোঙান-তোঙানা রাজ্যশিং, য়ুনিয়ন তেরিতোরীশিং অমসুং য়ুথ এফিয়র্স মন্ত্রালয়দগী ইনভাইতী ১০০ হেনবনা শরুক য়ারগনি পান্নরি অমসুং লৈবাক অসিবু মশা-মউ ফবা অমসুং মালেমদা ভারতপু খ্বাইদগী চাউবা স্পোর্তিং পাৱরশিংগী মরক্তা অমা ওইহন্নবা মখোয়গী ৱাখল্লোনশিং পুথোরক্কনি পান্নরি। অমসুং, পর্সনেলিতী-বিল্দিং অমসুং নেসন-বিল্দিংগী পান্দমশিং হায়বদি তোঙান-তোঙানবা লৈবাক শেমগৎপগী থবক-থৌরমশিংদা নহারোলবু য়াওহন্দুনা মখোয়গী পর্সনেলিতী দিবেলপ তৌনবা মাইকৈদা থবকশিং পাইখৎনবা খন্ন-নৈনগনি।
