প্রধান মন্ত্রী সেপ্তেম্বর ৭,২০২৩দা জাকারতাদা ২০শুবা অসিয়ান-ইন্দিয়া মীফম অমসুং ১৮শুবা ইস্ত এসিয়া মীফম শরুক য়াখ্রে।

অসিয়ান-ইন্দিয়া মীফমদা, প্রধান মন্ত্রীনা অসিয়ান-ইন্দিয়া কমপ্রেহেন্সিপ স্ত্রাতেজিক পার্তনরশিপ মখা তানা মপাঙ্গল কনখৎহন্নবা অমসুং মসিগী তুংগী লম্বী য়াৎনবা অসিয়ান লুচিংবশিংগা কুপ্না ৱারি শানখ্রে। ইন্দো-পেসিফিক লমদমদা অসিয়ানগী মরুওইবা অদু প্রধান মন্ত্রীনা অমুক হন্না থমখি অমসুং ভারতকী ইন্দো-পেসিফিক ওসিন্স ইনিসিয়েতিপ( আই পি ও আই) অমসুং অসিয়ান আউতলুক ওন ইন্দো-পেসিফিক(এ ও আই পি)গী মরক্তা লৈনরিবা মরীশিং পাউদমখি। অকক্নবা মতম অমগী মনুংদা অসিয়ান-ইন্দিয়া এফ.তি.এ(এ আই তি আই জি এ) হন্না য়েংশিনবা মপুংফানা লোইশিন্নবা মহাক্না তকশিনখি।

চৎথোক-চৎশিন, দিজিতেলগী অওনবা, ললোন-ইতিক অমসুং শেন-থুমগী থবক, হৌজিক থেংনরিবা অৱাবশিং কোকহনবা, মীগা মীগা শম্নবা, অরুবা থবকশিং হেন্না পায়খৎপা য়াওনা ইন্দিয়া-অসিয়ান মতেং পাংনবগী থবক মপাঙ্গল কনখৎহন্নবা ৱাফম ১২ প্রধান মন্ত্রীনা পুথোকখিবা অদু মখাদা পীরি:

• খা-নোংপোক এসিয়া-ভারত-নোংচুপ এসিয়া-য়ুরোপ শম্নবা মখল কয়াগী লম্বী অমসুং শেন-থুমগী কোরিদোর শেমগৎপা

• ভারতকী দিজিতেল ইনফ্রাস্ত্রকচর স্তেক অসিয়ান লৈবাকশিংনা শীজিন্নবগী অয়াবা পীরে

• দিজিতেলগী অওনবা পুরক্নবা অমসুং শেন-থুমগী শম্নবা লৈহন্নবা অসিয়ান-ইন্দিয়া ফন্দ লাউথোক্লে

• ঐখোয় থবক তৌমিন্নবা হেনগৎহন্নবা লৌশিংগী মরুপ অমা ওইনা থবক তৌনবা ইকোনোমিক এন্দ রিছার্স ইন্সতিতুৎ ওফ অসিয়ান অমসুং ইস্ত এসিয়া(ই আর আই এ) অমুক হন্না মতেং পাংনবা লাউথোক্লে

• মালেমগী লৈবাকশিংগী মনুংদা গ্লোবেল সাউথনা মায়োক্নরিবা ৱাফমশিং অপুনবা ওইনা পুখৎনবা খন্নরে

• ৱার্ল্দ হেল্থ ওর্গনাইজেসন্না ভারত্তা লিংখৎলিবা গ্লোবেল সেন্তর ফোর ত্রেদিসনেল মেদিসিনদা শরুক য়ানবা অসিয়ান লৈবাকশিংদা হায়জখ্রে

• মিসন লাইফতা পুন্না থবক তৌমিন্ননবা খঙহনখ্রে

• জন-ঔসাধি কেন্দ্রশিংগী খুৎথাংদা মীয়ামদা মমল হোংবা অমসুং মগুন লৈবা হিদাক-লাংথকশিং ফংহনবদা ভারতনা ফংলিবা লৌশিং অতোপ্পা লৈবাকশিংদা পীগনি

• তেরোরিজম, তেরর ফাইনান্স অমসুং সাইবর-দিসইনফোর্মেসন অপুনবা ওইনা থেংন্নবা তকশিনখ্রে

• কোলিএসন ফোর দিজাস্তর রিসিলিয়েন্ত ইনফ্রাস্ত্রকচর শরুক য়ানবা অসিয়ান লৈবাকশিংদা হায়জখ্রে

• অমাং-অতা থোরকপা মতমদা মতেং পীন্নবা তকশিনখ্রে

• মেরিতাইম সেফতি, সেকুরিতি অমসুং দোমেন এৱারনেসকী লমদা মতেং পীনবা হেনগৎহন্নবা তকশিনখ্রে

মেরিতাইম কোওপরেসন অমসুং ফুদ সেকুরিতিগী মতাংদা অপুনবা ৱারোল অনি চৎনবা হৌখ্রে।
ভারত অমসুং অসিয়ান লুচিংবশিংগী মথক্তা, মীফম অসিদা তিমোর-লেস্ত ওবজার্বর ওইনা শরুক য়াখি।
১৮শুবা ইস্ত এসিয়া মীফমদা, প্রধান মন্ত্রীনা ইস্ত এসিয়া মীফমগী মরুওইবা পনখি অমসুং মসি মপাঙ্গল কনখৎহন্নবা ঐখোয়না শৌগৎকনি হায়না অমুক হন্না থাজবা পীখি। ইন্দো-পেসিফিক্তা অসিয়ান্না ময়াইদা লৈহন্নবা অমসুং মনিংতম্বা, অথিংবা লৈতবা অমসুং নিয়মদা য়ুম্ফম ওইবা ইন্দো-পেসিফিক অমা শেমগৎনবা প্রধান মন্ত্রীনা তকশিনখি।

ভারত অমসুং অসিয়ানগী মরক্তা ইন্দো-পেসিফিক্কী পান্দমশিং প্রধান মন্ত্রীনা ফোঙদোকখি অমসুং ক্বাদকী পান্দমদা অসিয়ান অসি মরুওইবনি হায়বা ৱাফম থমখি।

তেরোরিজম, অইং-অশাগী খল কাইরকপা, চীঞ্জাক অমসুং হিদাক-লাংথকশিং য়াওনা তঙাইফদবা পোৎলমশিংগী সপ্লাই চেন অমসুং ইনর্জি সেকুরিতি য়াওনা মালেম্না মায়োক্নরিবা অৱাবশিং অপুনবা থৌরাং অমদা থেংননবা প্রধান মন্ত্রীনা তকশিনখি। অইং-অশাগী খল কাইরকপা থেংননবা ভারতনা পায়খৎলিবা থবকশিং, আই.এস.এ, সি.দি.আর.আই, লাইফ অমসুং ও.এস.ও.দব্লিউ.ও.জি য়াওনা ঐখোয়না পায়খৎলিবা থবকশিং মহাক্না পাউদমখি।
 

লমদম অসিগী অমসুং মালেমগী ওইবা ৱাফমশিংদা লুচিংবশিংনা মখোয়গী ওইবা ৱাফমশিং ফোঙদোক্নখি।

Click here to read full text of speech at 20th ASEAN-India Summit

Click here to read full text of speech at 18th East Asia Summit

Explore More
প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল

Popular Speeches

প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল
'You Are A Champion Among Leaders': Guyana's President Praises PM Modi

Media Coverage

'You Are A Champion Among Leaders': Guyana's President Praises PM Modi
NM on the go

Nm on the go

Always be the first to hear from the PM. Get the App Now!
...
PM Modi congratulates hockey team for winning Women's Asian Champions Trophy
November 21, 2024

The Prime Minister Shri Narendra Modi today congratulated the Indian Hockey team on winning the Women's Asian Champions Trophy.

Shri Modi said that their win will motivate upcoming athletes.

The Prime Minister posted on X:

"A phenomenal accomplishment!

Congratulations to our hockey team on winning the Women's Asian Champions Trophy. They played exceptionally well through the tournament. Their success will motivate many upcoming athletes."