শক্নাইরবশিং,

খুরুমজরি!

২শুবা ভোইস ওফ গ্লোবেল সাউথ মীফম লোইশিনবা থৌরমদা তরাম্না ওকচরি।

নুমিৎ চুপ্পা অমা পাংথোক্লিবা মীফম অসিদা লেতিন অমেরিকা, কেরিব্বিয়ান, অফ্রিকা, এসিয়া অমসুং পেসিফিক ইথৎশিংদগী লৈবাক ১৩০ রোম শরুক য়াবা অসিদা ঐ হরাওবা ফোঙদোক্লি।

চহি অমগী মনুংদা গ্লোবেল সাউথকী মীফম অনি পাংথোক্তুনা ময়াম পুম্নমক মশিং য়াম্না শরুক য়াবা অসি মালেমদা পীবা অচৌবা পাউজেল অমা পীরে।

গ্লোবেল সাউনা পাম্লিবা পাউজেলদি মসিগী ওতোনোমি অসিনি।

গ্লোবেল সাউথকী পাউজেলদি মালেমগী লৈঙাক্লোন্দা মসিগী খোল্লাউ তাবনি।

গ্লোবেল সাউথকী পাউজেলদি মালেমগী থবক-থৌরমশিংদা হেন্না থৌদাং লৌনবা থৌরাং তৌবনি।

শক্নাইরবশিং,

ঐখোয়গী মান্নবা অনিংবশিং অমসুং অপাম্বশিং খন্ন-নৈন্নবগী খুদোংচাবা অমা ঙসিগী মীফম অসিনা ঐখোয়দা অমুক হন্না পীরে।

জি-২০গুম্বা মরুওইবা ফোরম অমদা গ্লোবেল সাউথকী খোল্লাউ তানবা খুদোংচাবা পীবা অসিদা ভারতনা চাউথোকচবা অমা ফাওই।

মসি অদোম্না মপুংফানা শৌগৎপা অমসুং অদোম্না ভারত্তা চেৎনবা থাজবদগী ওইহনবনি। মসিগীদমক, ঐনা অদোম ঐগী থম্মোয়দগী থাগৎপা ফোঙদোকচরি।

জি-২০ মীফমদা ৱাফম কয়া পুখৎপা অসিনা মতম মতমগী মতুংইন্না মালেমগী লৈবাকশিংনা অমনা অমগী খোল্লাউ তাগনি হায়না ঐনা থাজবা থম্লি।

শক্নাইরবশিং,

অহানবা ভোইস ওফ গ্লোবেল সাউথ মীফমদা ঐনা থাজবা কয়া পীখ্রে।

থাজবা পীখিবশিং অদু থবক ওইনা পাংথোকপা হৌরকপা অসিদা ঐ হরাওবা ফোঙদোক্লি।

ঙসি অয়ুক “দাক্ষিন” কৌবা গ্লোবেল সাউথ সেন্তর ফোর এক্সলেন্স হাঙদোক্লে। সেন্তর অসিনা চাউখৎলক্লিবা লৈবাকশিংনা চাউখৎ-থৌরাংগী লমদা থেংনরিবা ৱাফমশিং থিজিনবগী থবক তৌগনি।

হায়রিবা থবক অসিনা গ্লোবেল সাউথকী খুদোংচাদবশিং কোকহন্নবা পাম্বৈশিংসু থিগনি।

অরোগ্যা মাইত্রিগী মখাদা, ভারতনা হিদাক-লাংথকশিং অমসুং তঙাইফদবা পোৎলমশিং ফংহল্লে।

হৌখিবা থাদা, ঐখোয়না পেলেস্তাইন্দা তন ৭গী হিদাক-লাংথকশিং অমসুং মেদিকেলগী পোৎলমশিং পীখ্রে।

নবেম্বর ৩দা নেপালদা য়ুহা হাখ্রবা মতুংদা, ভারতনা নেপালদা তন ৩গী হিদাক-লাংথকশিং থাখ্রে।

গ্লোবেল সাউথকী লৈবাকশিংদা ভারতনা দিজিতেল হেল্থ সর্বিস ফংহনবদা লৈবাক অসিনা হরাওবা ফোঙদোক্লি।

গ্লোবেল-সাউথ সাইন্স অমসুং তেক্নোলোজি ইনিসিয়েতিপকী খুৎথাংদা, কেপাসিতি বিল্দিং অমসুং রিছার্সকী লমদা গ্লোবেল সাউথ মতেং পাংনবা ঐখোয়না থাজবা থম্লি।

“জি-২০ সেতিল্লাইত মিসন ফোর ইনভাইরোনমেন্ত এন্দ ক্লাইমেত ওবজর্বেসন”না গ্লোবেল সাউথকী লৈবাকশিংদা ক্লাইমেত অমসুং ৱেদের দেতা শরুক য়ামিন্নগনি।

গ্লোবেল সাউথ স্কোলারশিপ প্রোগ্রাম হৌদোকপদা ঐ হরাওই। হৌজিক গ্লোবেল সাউথকী লৈবাকশিং ভারত্তা অৱাংবা থাক্কী মহৈ-মশিং তম্বগী খুদোংচাবশিং ফংলগনি।

চহি অসিদা তাঞ্জানিয়াদা ভারতকী অহানবা ইন্দিয়ান ইন্সতিতুৎ ওফ তেক্নোলোজি কেম্পস হাংদোক্লে। মসিগী অনৌবা থবক অসিনা গ্লোবেল সাউথতা কেপাসিতি বিল্দিং শেমগৎপদা মতেং পাংলগনি।

ঐখোয়গী নহা ওইরিবা দিপ্লোমেতশিংগীদমক, জনুৱারিদা গ্লোবেল-সাউথ য়ুং দিপ্লোমেতস ফোরম পাংথোক্নবা ঐনা ৱাফম হৌদোক্লে। মসি হৌদোকপগী ইদিসন অসিদা ঐখোয়গী লৈবাক্কী নহা ওইরিবা দিপ্লোমেতশিং শরুক য়াগনি।

শক্নাইরবশিং,

মথং চহিদগী ভারত্তা চহিগী ওইবা মালেমগী মীফম অমা পাংথোকপা হৌনবা ৱাফম ঐখোয়না হৌদোক্লে। মসিদা গ্লোবেল সাউথকী চাউখৎ-থৌরাংগী থবকশিংদা মরুওইবা মীৎয়েং থমগনি।

মীফম অদু গ্লোবেল সাউথকী রিছার্স সেন্তরশিং অমসুং থিঙ্ক-তেঙ্কশিংগা পুন্না পাংথোকমিন্নগদবনি।

মীফম অসিগী মরুওইবা পান্দমদি গ্লোবেল সাউথকী চাউখৎ-থৌরাংগা মরী লৈনবা খুদোংচাদবশিং কোকহন্নবা পাম্বৈশিং মশক খঙদোকপনি।

শক্নাইরবশিং,

মালেমগী শান্তি অমসুং তুংদু-লৈতাবদা ঐখোয়গী মান্নবা অপাম্বশিং লৈরি।

নোংচুপ এসিয়াগী অরুবা ফিবমগী মতাংদা ঙসি অয়ুক ঐগী ওইবা ৱাখল্লোনশিং ফোঙদোকখ্রে।

হায়রিবা মুক্নবশিং অসিনা গ্লোবেল সাউথতা অচৌবা চৈথেং অমা পীরে।

অপুনবা থবকশিং, অমতা ওইবা খোল্লাউদা হায়রিবা খুদোংচাদবশিং কোকহন্নবা পাম্বৈ অমা থিবা হায়বসি য়াম্না মরুওই।

শক্নাইরবশিং,

ঐখোয়গী ইরক্তা মথংগী জি-২০গী প্রসিদেন্ত ওইগদৌরিবা ব্রাজিলগী প্রসিদেন্ত, ঐগী মরুপ, ব্রাজিলগী প্রসিদেন্ত লুলা শরুক য়ারি।

ব্রাজিলনা জি-২০গী প্রসিদেন্ত ওইবগী মখাদা, গ্লোবেল সাউথকী মরুওইবা থবকশিং মখা তানা পায়খৎকনি হায়না ঐনা থাজবা থম্লি।

ত্রোইকাগী মেম্বর অমা ওইনা ভারতনা ব্রাজিল মপুংফানা শৌগৎকনি। মহাক্কী ৱাখল্লোনশিং ফোঙদোক্নবা ঐনা ঐগী মরুপ প্রসিদেন্ত লুলাদা হায়জরি।

অদোম থাগৎচরি!

 

  • कृष्ण सिंह राजपुरोहित भाजपा विधान सभा गुड़ामा लानी November 21, 2024

    जय श्री राम 🚩 वन्दे मातरम् जय भाजपा विजय भाजपा
  • Devendra Kunwar October 08, 2024

    BJP
  • रीना चौरसिया September 29, 2024

    bjp bjp
  • दिग्विजय सिंह राना September 20, 2024

    हर हर महादेव
  • JBL SRIVASTAVA May 27, 2024

    मोदी जी 400 पार
  • Vaishali Tangsale February 12, 2024

    🙏🏻🙏🏻🙏🏻
  • ज्योती चंद्रकांत मारकडे February 11, 2024

    जय हो
  • KRISHNA DEV SINGH February 09, 2024

    jai shree ram
  • Uma tyagi bjp January 27, 2024

    जय श्री राम
  • Dr Guinness Madasamy January 23, 2024

    BJP seats in 2024 lok sabha election(My own Prediction ) Again NaMo in Bharat! AP-10, Bihar -30,Gujarat-26,Haryana -5,Karnataka -25,MP-29, Maharashtra -30, Punjab-10, Rajasthan -20,UP-80,West Bengal-30, Delhi-5, Assam- 10, Chhattisgarh-10, Goa-2, HP-4, Jharkhand-14, J&K-6, Orissa -20,Tamilnadu-5
Explore More
প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল

Popular Speeches

প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল
Namo Drone Didi, Kisan Drones & More: How India Is Changing The Agri-Tech Game

Media Coverage

Namo Drone Didi, Kisan Drones & More: How India Is Changing The Agri-Tech Game
NM on the go

Nm on the go

Always be the first to hear from the PM. Get the App Now!
...
We remain committed to deepening the unique and historical partnership between India and Bhutan: Prime Minister
February 21, 2025

Appreciating the address of Prime Minister of Bhutan, H.E. Tshering Tobgay at SOUL Leadership Conclave in New Delhi, Shri Modi said that we remain committed to deepening the unique and historical partnership between India and Bhutan.

The Prime Minister posted on X;

“Pleasure to once again meet my friend PM Tshering Tobgay. Appreciate his address at the Leadership Conclave @LeadWithSOUL. We remain committed to deepening the unique and historical partnership between India and Bhutan.

@tsheringtobgay”