১. ইতালিগী অপুলিয়াদা পাংথোক্লিবা জি-৭ মীফমগী নাকলদা ঙসি প্রধান মন্ত্রী শ্রী নরেন্দ্র মোদীনা য়ুনাইতেদ কিংদমগী প্রধান মন্ত্রী রিসি সুনাক্কা লোয়ননা লৈবাক অনিগী মীফম অমা পাংথোকখ্রে। মহাক্না অহুমলকশুবা তার্মগী ওফিস পায়রকপদা প্রধান মন্ত্রী সুনাক্না প্রধান মন্ত্রী মোদী থাগৎপা ফোঙদোকখি। লৈবাক অনিগী মরীশিং মখা তানা মপাঙ্গল কনখৎহনবা হায়না লুচিংবা অনিনা অমুক্না থাজবা পীনখি।
২. লুচিংবা অনিনা রোদমেপ ২০৩০ থবক ওইনা পাংথোক্নবা খন্নখি অমসুং অৱাংবা থাক্কী রাজনিতিগী ৱারি শানবা, ঙাক-শেন অমসুং সেকুরিতি, ললোন-ইতিক অমসুং শেন-থুমগী মতেং পীনবা, মরুওইবা অমসুং অৱাংবা থাক্কী তেক্নোলোজি অমসুং মীগা মীগা লৈনবা মরীশিং য়াওনা কমপ্রেহেন্সিপ স্ত্রাতেজিক পার্তনরশিপকী হিরম খুদিংমক খুমাঙচাউশিনবদা মখোয়না হরাওবা ফোঙদোকখি। লৈবাক অনিগী মরক্তা ফ্রি ত্রেদ এগ্রিমেন্তগী ৱারি শানবা খুমাঙচাউশিনবদা মখোয়না অপেনবা ফোঙদোকখি। লুচিংবা অনিনা মখোয়না দরকার ওইবা লৈবাক অনিগী অমসুং মালেমগী মরুওইবা ৱাফম কয়া খন্নখি।
৩. মথংগী থাদা মখোয়গী সাধারন মীখলগী থৌরাং তৌরিবা অদুগীদমক প্রধান মন্ত্রী শ্রী নরেন্দ্র মোদীনা য়ুনাইতেদ কিংদমগী মীয়ামদা য়াইফ-পাউজেল পীখি।
It was a delight to meet PM @RishiSunak in Italy. I reiterated my commitment to further strengthen the India-UK Comprehensive Strategic Partnership in the third term of the NDA Government. There is great scope to deepen ties in sectors like semiconductors, technology and trade.… pic.twitter.com/ehjhFY89cE
— Narendra Modi (@narendramodi) June 14, 2024
