ইতালিগী অপুলিয়াদা পাংথোক্লিবা জি-৭ মীফমগী নাকলদা ঙসি প্রধান মন্ত্রী শ্রী নরেন্দ্র মোদীনা ফ্রান্সকী রাস্ত্রপতি ইম্মানুয়েল মেক্রোনগা লোয়ননা লৈবাক অনিগী মীফম অমা পাংথোকখ্রে। অহুমলকশুবা তার্মগী ওফিস পায়বগী মহাক্না য়াইফ-পাউজেল পীরকপগীদমক প্রধান মন্ত্রীনা রাস্ত্রপতি থাগৎপা ফোঙদোকখি।
‘হোরাইজন ২০৪৭’ রোদমেপ অমসুং ইন্দো-পেসিফিক রোদমেপ্তা মীৎয়েং থমদুনা, লুচিংবশিংনা ভারত-ফ্রান্সকী নাকল অনিগী মরীশিংগী ফিবম হন্না য়েংশিনখি। ঙাক-শেনগী মতেং পীনবা, নিউক্লিয়ার, স্পেস, ইজুকেসন, ক্লাইমেত এক্সন, দিজিতেল পব্লিক ইনফ্রাস্ত্রকচর, চৎথোক-চৎশিন অমসুং নেসনেল মিউজম পার্তনরশিপ য়াওনা নাৎকী ওইবা থবকশিং অমসুং মীগা মীগা লৈনবা মরীশিংগী মতাংদা খন্নখি। ‘মেক ইন ইন্দিয়া’দা মীৎয়েং থমদুনা মখা তানা ঙাক-শেনগী মতেং পীনবা হেনগৎহনবা হায়না মখোয়না য়ানখি।
এ.আই. মরুওইবা অমসুং অনৌবা তেক্নোলোজিশিং, ইনর্জি অমসুং শান্ন-খোৎনবগী হিরমশিংদা মতেং পাংনবা পাকথোক-চাউথোকহনবা হায়না মখোয়না য়ানখি। লোয়ননা ২০১৫দা ফ্রান্সনা য়ুম্বু ওইরিবা এ.আই সম্মিৎ অমসুং য়ুনাইতেদ নেসন্স ওসিন্স কনফরেন্সকী মতাংদা নকশিন্ননা থবক তৌমিন্নবা খন্নখি।
লুচিংবা অনিনা মালেমগী অমসুং লৈবাক অনিগী মরুওইবা ৱাফমশিংদা মখোয়গী ওইবা ৱাখল্লোনশিং ফোঙদোক্নখি। তুংদু লৈতাবা অমসুং নুংঙাই-য়াইফবা মালেম অমগীদমক ভারত অমসুং ফ্রান্সকী মরক্তা মপাঙ্গল কনবা অমসুং থাজবা য়াবা স্ত্রাতেজিক পার্তনরশিপ অমা লৈহনবগী মরুওইবা অদু মখোয়না ফোঙদোকখি অমসুং মসি হেন্না পাকথোক-চাউথোক্নবা অমসুং অৱাংবা থাকশিংদা পুখৎনবা নকশিন্ননা থবক তৌমিন্নবা হায়না য়ানখি।
হন্দক পাংথোক্কদৌরিবা পেরিস ওলেম্পিক অমসুং পেরালেম্পিক গেমসগীদমক প্রধান মন্ত্রীনা রাস্ত্রপতি মেক্রোন্দা মহাক্কী য়াইফ-পাউজেল পীখি।
Had an excellent meeting with my friend President @EmmanuelMacron. This is our fourth meeting in one year, indicating the priority we accord to strong India-French ties. Our talks covered numerous subjects such as defence, security, technology, AI, Blue Economy and more. We also… pic.twitter.com/l52eHhJclL
— Narendra Modi (@narendramodi) June 14, 2024
J'ai eu une excellente réunion avec mon ami le Président @EmmanuelMacron. Il s'agit de notre quatrième rencontre en un an, ce qui indique la forte priorité que nous accordons aux liens solides entre l'Inde et la France. Nos échanges ont porté sur de nombreux sujets tels que la… pic.twitter.com/rDsy5FPCHu
— Narendra Modi (@narendramodi) June 14, 2024
