প্রধান মন্ত্রী, শ্রী নরেন্দ্র মোদীনা জি.৭গী মীফমগা ইরোইননা হিরোশিমাদা ২০২৩গী মে ২১দা ব্রাজিলগী রাস্ত্রপতি, হিস এক্সেলেন্সী শ্রী লুইজ ইনাসিয়ো লুলা দা সিলভাগা উনখি।
লুচিংবা অনি অসিগী মরক্তা মসিনা খ্বাইদগী ইহান-হান্না উনখিবনি। লুচিংবশিং অদুনা হন্দক্কী চহি অসিনা দিপ্লোমেতিক্কী ওইবা মরি শেমখিবগী চহি ৭৫ শুবা কুমওন্নি হায়না পনখি। মখোয়না মখোয়গী স্ত্রেতেজিক পার্তনর্শিপ অসিবু অমুক হন্না য়েংশিনখি অমসুং মসিবু হেন্না চেৎশিনহন্নবগী মতাংদা খন্নখি, মরু ওইনা দিফেন্স প্রোদক্সন, ত্রেদ, ফার্মস্যুতিকেলস, এগ্রিকলচর, দেরি অমসুং এনিমল হসবেন্দ্রী অমসুং বায়ো-ফ্যুএলশিং অমসুং ক্লীন ইনর্জীগী সেক্তরশিংগী মতাংদা খন্নখি। লুচিংব অনিমক্না লৈবাক অনিমক্কী মাইকৈদগী বিজনেস লীদরশিংগী ওইবা অৱাংবা থাক্কী মীফম অমা শিনবগী তঙাইফদবগী মতাংদা মরু ওইনা পনখি।
লুচিংবশিং অসিনা রিজনেল দেবেলপমেন্তকী মতাংদা মখোয়গী ৱাখল্লোনশিং অদুসু তানখি। মখোয়না মল্তিলেতরেল প্লেতফোর্মশিংদা মখাতানা খুৎশম্নদুনা থবক তৌমিন্নবগী মরু ওইবা অমসুং মল্তিলেতরেল ইনস্তিত্যুশনশিংদা অওনবা অমা পুরক্নবগী মতম কুইনদগী লৈরক্লবা তঙাইফদবা অদুগী মতাংদা য়াম্না মরু ওইনা পনখি।
প্রধান মন্ত্রীনা হন্দক্কী চহি অসিগী সেপ্তেম্বরদা পাংথোক্কদবা জি.-২০গী মীফমগীদমক্তা ভারত্তা রাস্ত্রপতি লুলাবু ওক্নবগী খৌরাংনা ঙাইরি।
The talks with President @LulaOficial were productive and wide ranging. India and Brazil will keep working together to deepen trade ties. We also discussed diversifying cooperation in sectors like agriculture, defence and more. pic.twitter.com/xEwAdN1lzx
— Narendra Modi (@narendramodi) May 21, 2023
As conversas com o presidente @LulaOficial foram produtivas e amplas. A Índia e o Brasil continuarão trabalhando juntos para aprofundar os laços comerciais. Também discutimos a diversificação da cooperação em setores como agricultura, defesa e mais. pic.twitter.com/s6ZQqcH9wD
— Narendra Modi (@narendramodi) May 21, 2023
