With efforts of every Indian over last 7-8 months, India is in a stable situation we must not let it deteriorate: PM Modi
Lockdown may have ended in most places but the virus is still out there: PM ModiGovernment is earnestly working towards developing, manufacturing and distribution of Covid-19 vaccine to every citizen, whenever it is available: PMঐহাক্কী নুংশিরবা লৈবাক মচাশিং,
নুংঙাইবীরিবরা?
কোরোনাগী মায়োক্তা লান্থেংনবা অসিদা মীয়াম্না জনতা কর্ফ্যুদগী হৌদুনা ঙসি ফাওবদা শাংলবা খোঙচৎ অমদা লাকখ্রে। শেন্মিৎলোনগী থবকশিংসু মতমগী মতুং ইন্না য়াংনা হেনগৎলক্লি। ঐখোয় অয়াম্বনা, ইশাগী ইথৌ পাংথোক্নবা, অমুক হন্না পুন্সিদা খোঙজেল হাপ্নবা, নুংতিগী য়ুমদগী মপান্দা থোক্নরি। হন্দক্কী হরাও কুমহৈগী মতমসিদা কৈথেলশিংসু তপ্না তপ্না ফমনরক্লি। অদুবু লোকদাউন অসি লোইখ্রবসু ভাইরসতি লৈরি হায়বসি ঐখোয়না কাওরোইদবনি। হৌখিবা থা ৭-৮দা, ভারত মচা পুম্নমক্না হোৎনদুনা, ভারতনা ঙসিগী ফিভম অসিদা য়ৌরক্লিবসি, ঐখোয়না কাইহল্লোইদবনি।
ঙসিদি লৈবাক অসিদা রিকভরী রেৎ ফরে, ফেতলিতী রেৎ নেম্লে। ভারত্তা মীওই মিলিয়নগী মনুংদা মীওই ৫৫০০না কোরোনা নাবগী মওং লৈবা মতমদা অমেরিকা অমসুং ব্রাজিলদদি মসিগী মশিং অসি লিশিং ২৫গা নক্ননা লৈরিবনি। ভারতকী মীওই মিলিয়নগী মনুংদা মী শিবগী চাং অসি ৮৩নি অমসুং অমেরিকা, ব্রাজিল, স্পেন অমসুং ব্রিতেন্দদি মসিগী মশিং অসি ৬০০তগী হেল্লিবনি। মালেমগী ৱাৎত-পাদবা লৈবাকশিংগা চাংদম্নবদা ভারতনা মসিগী মীওই কয়া অমগী পুন্সি কনবা ঙম্লি। ঙসিদি লৈবাক অসিদা ফমুং লাখ ৯০দগী হেনবদি কোরোনাগী অনাবশিংগী ওইনা খাক্তুনা থম্লিবনি। লৈবাক অসিদা ক্বারেন্তাইন সেন্তর ১২০০০ লৈরি। কোরোনাগী তেস্ত তৌফম চাউরাক্না ২০০০ লেবনা মথৌ তৌরি। লৈবাক অসিদা তেস্ত তৌবগী মশিং অসি মিলিয়ন ১০০ হেনগদৌরে। কোবিদকী লাইচৎ অসিগা লান্থেংনবদা তেস্ত মশিং য়াম্না পাঙথোকপা ঙম্বা অসিনা ঐখোয়গী চাউরবা পাঙ্গল অমনি।
সেবা পরমো ধর্ম: মন্ত্র অসি ইন্দুনা ঐখোয়গী দাক্তর, নর্স, হকশেলগী থৌমীশিংনা কান্নবা থিদনা য়াম্লবা মীয়ামগী সেবা তৌরি। হোৎনরিবা মরম অসিদা ঐখোয়না চেকশিন্দবা তৌরোইদবনি। মতম অসি কোরোনা লৈত্রে নত্ত্রগা কোরোনাদগী কিনীংঙাই লৈত্রে হায়না খনবা য়াদ্রি। মীওই কয়ানা চেকশিন থৌরাং লৌখৎপা লেপখিবগী অমসুং য়াম্না লাইথোকপগী মওং তৌবা ফোতো অমসুং ভিদিও কয়া হৌখিবা নুমিৎ খরা অসিদা ঐখোয়না উরে। মসি অফবা নত্তে। অদোম্না করিগুম্বা চেকশিন্দ্রবা, মাস্ক উপ্তনা মপান থোক্লবা, অদু ওইরবদি নহাক্না নশাবু, নহাক্কী ইমুং-মনুংবু, নহাক্কী ইমুং-মনুংগী অঙাংশিংবু, অহল-লমনশিংবু খুদোংথিবদা তাহল্লবনি। অদোম খঙজিনবীয়ু, ঙসি অমেরিকা ওইরো, নত্ত্রগা য়ুরোপকী অতোপ্পা লৈবাকশিং, হায়রিবা লৈবাকশিং অসিদা কোরোনাগী ফিভম অসি হন্থরম্লবনি, অদুবু খঙহৌদনা অমুক হেনগৎলকপা হৌরক্লি।
মরূপশিং, লম্বোয়বা কবিরদাসজীনা হায়রম্লিবনি – পকি খেতি দেখিকে, গরীব কিয়া কিসান। অজনহু ঝোলা বহুৎ হে, ঘর আৱে তব জানা। মসিনা হায়বদি, ঐখোয়না পাঙথোকপা থবকশিংগী মতুংদা ঐখোয়গী মহৈ-মরোংশিংনা মুল্লকপা উবদা ঐখোয়না য়াম্না হরাওবা ফাওই। অদুবু লৌ-খাওদুনা মদুনা য়ুমদা য়ৌরক্ত্রিবা ফাওবদি মপুং ওইনা মাই-পাকপদি ওইদ্রি। কবিরদাসনা হায়রম্লিবা অসি মসিগী ৱাখল্লোন অসিবুনি। মহাক্কী ৱাফম অসিগী মপুং ওইবা ৱাহন্থোক্তি মাই পাকপা ফংদ্রিবা ফাওবদি লাইথোকপা তৌরোইদবনি হায়বনি।
মরূপশিং, লাইচৎ অসিগী ভেক্সিন পুথোক্ত্রিবা ফাওবদি ঐখোয়না লান্থেংনরিবা অসিদা করিগুম্বা অমত্তগী মওংদা শোন্থহনবা য়াদে। চহি কয়াগী মতুংদা ঐখোয়না মীওইবা খুন্নাই অসি কন্ননবা লান্থেংনবগী থৌওং পাঙথোকপা উবা ফংলি। মসিগীদমক লৈবাক কয়া অমনা থবক তৌরি। ঐখোয়গী লৈবাক্কী সাইন্তিস্তশিংসু ভেক্সিন পুথোক্নবা কন্না হোৎনরি। ভারত্তা হৌজিক কোরোনাগী ভেক্সিন অয়াম্বদা থবক তৌরি। মখোয়শিংসিগী মরক্তা খরদি এদভান্স স্তেজদা লৈরি। ৱাখল নুংঙাইবগী ফিভম অমা উবা ফংই।
মরূপশিং, কোরোনাগী ভেক্সিন অসি থোক্লকপগা মসিবু ভারতকী কাচিন কোয়া খুদিংদা য়ৌহন্নবা সরকারনা থৌরাং তৌদুনা লৈরি। লৈবাক অসিগী মীওই খুদিংদা ভেক্সিন অসিবু য়ৌহন্নবা হায়দুনা সরকারনা অকনবা থবক পায়খৎলি। মরূপশিং, রামচরিৎমানসতা য়াম্না কান্নবা পীবা পাউতাক কয়া অমা য়াওরি। মসিগা লোয়ননা চেকশিনৱা কয়া অমসু য়াওরি অমসুং মসিদা য়াম্না লুবা ৱাফম কয়া অমসু হায়রি। “রিপু রুজ পাৱক পাপ, প্রভু অহি গনিয়া না ছোৎ করি”। মসিনা হায়বদি, মৈ, য়েক্নবা, পাপ, হায়বদি অরানবা তৌবা অমসুং লাইনা অসি কৈদৌনুংদা অপীকপনি হায়না খল্লোয়দবনি। মখোয় অসিবু নীংথিনা লায়েংদ্রিবা মখৈ মখোয়বু লাইনা লৌরোইদবনি। মরম অদুনা অদোম্না নীংশিংগদবদি হিদাক অমা লৈত্রিবা ফাওবদি লাইথোকপা অসি য়াদবনি। হরাও কুমহৈগী মতম অসি ঐখোয়গী পুন্সিদা য়াম্না নুংঙাইবা মতমনি। য়াম্না হরাও তয়াম্বা ফোঙদোকপগী মতম্নি।
অরুবা মতম অমদগী ঐখোয় থোরক্লি, খজিক্তং শোয়বদা ঐখোয়গী খোংজেল অসি তপহনবা য়াই, ঐখোয়গী নুংঙাইবা মাংহনখিবা য়াই। পুন্সিগী থৌদাংশিং পাংথোকপা অমসুং মিৎকুপ-নাহুম শিংবা অনিসি পুন্না চৎমিন্নরবতদা পুন্সিদা নুংঙাইবা ওইগনি। ফুৎ ৬কী অরাপ্পা থম্বীয়ু, শাপোন শিজিন্নদুনা খুৎ-শা চাং নাইনা হাম্বীয়ু অমসুং মতম পুম্বদা মাস্ক উপ্পীয়ু। ঐহাক্না অদোম খুদিংমকপু তেক্ত-কায়দনা লৈবা পাম্মি, অদোমগী ইমুং মনুংশিংসু নুংঙাই য়াইফনা লৈহন্নীংই অমসুং মসিগীদমক্তা ঐহাক্না ঈশ্বরদা থৌনীজরি। লাক্কদৌরিবা কুমহৈশিং অসি অদোমগী পুন্সিগী য়াম্না নুংঙাইবা মতম অমসু ওইগনি অমসুং ঐহাক্না অসিগুম্বা মতম অসিনা নখোয়গী পুন্সিদা নুংঙাইবা পুরকহন্নীংই। মরম অদুনা ঐহাক্না লৈবাক মীয়াম খুদিংদা ৱাফম অসি হঞ্জিন হঞ্জিন্না হায়রিবনি।
ঙসিদি ঐহাক্না মীদিয়াগী মরূপশিং অমসুং সোসিএল মীদিয়াদা থৱাই য়াওবা মীওইশিংদা হায়নিংবদি নখোয়না মীয়ামদা হীরমশিং অসিগী মতাংদা লৈরিবা কাঙলোনশিং অসিবু ইন্নবা হায়রিবা অসিদা নখোয়না লৈবাক্কীদমক্তা সেবা তৌবগী থৌওং অমসু পাঙথোক্লিবনি। নখোয়না ঐখোয়বু তেংবাংবীয়ু অমসুং লৈবাক্কী মীওই করোর কয়াদা তেংবাংবীয়ু।
ঐহাক্কী নুংশিজরবা লৈবাক মচাশিংসু নুংঙাইনা অমসুং হকশেল ফনা লৈবীয়ু, খোঙজেল য়াঙনা মাংদা চৎপীয়ু অমসুং ঐখোয় পুম্নমক্না অমত্তা ওইনা লৈবাক অসিবু তুংলমচৎকীদমক্তা পুদুনা চৎমিন্নসি। ঐহাক্না নখোয়বু নবরাত্রি, দসেহরা, ইদ, দীপাৱলি, ছথ পুজা, গুরু নানক জয়ন্তিগীদমক্তা অমুক্কা হন্না য়াইফ-পাউজেল পীরি।
থাগৎচরি।
