“য়ুম হায়বসি চেক অমসুং বিলামতিনা শাবা অশাবা শক্তম অমখ্তা নত্তে মসিদা ঐখোয়গী ইথিল, ঐখোয়গী অনিংবা-অপাম্বা পুম্বা শাগোন্নদুনা য়াওরিবনি। য়ুমগী অকোইবদা খারিবা ফক্লাং অদুনা ঐখোয়বু ঙাক-শেনবদা নত্তনা ঐখোয়দা হেন্না ফবা হয়েং অমগীদমক্তা থজবা অদু ফাওহল্লি।” হায়রিবা ৱাফম অসিনা প্রধান মন্ত্রী, নরেন্দ্র মোদীনা মধ্য প্রদেশকী সাগর জিলাগী সুধির কুমার জেনদা প্রধান মন্ত্রী আৱাস য়োজনাগী মখাদা পক্কা য়ুম অমা ফংলবদা মঙোন্দা নুংঙাইবা ফোংদোক্লদুনা ঈশাগী য়ুম অমা ফংবদা ফাওরিবা হরাওবা নুংঙাইবা অদু মপাল নাইদে হায়রদুনা চিথি অদুদা ইখিবা অদুনি।
প্রধান মন্ত্রীনা সুধিরদা ইখিবা চিথি অদুদা মখাতানা, “নহাক্কী য়ুম অমগী মঙলান অদু প্রধান মন্ত্রী আৱাস য়োজনাগী খুত্থাংদা মঙফাওনহল্লে। মসিগী এচীবমেন্ত অসিগি মতুংদা নহাক্না ফাওরিবা অপেনবা অদু চিথি অসিদা ইরিবা ৱাহৈশিং অদুদগী ফাওবা ঙম্মি। য়ুম অসিনা নহাক্কী ইমুং-মনুংশিংগী মশক থোকপা পুনশি অমা অমসুং নহাক্কী নচাশিংগী হেন্না ফবা তুংগীদমক অনৌবা য়ুমফম অমগুম্বনি।”
প্রধান মন্ত্রী, মোদীনা হৌজিক ফাওবদা পি.এম.আৱাস য়োজনাগী মখাদা বেনিফসরী করোর কয়া অমনা মখোয়গী পক্কা য়ুম ফংখ্রে। মহাক্না হায়খি মদুদি সরকার অসিনা লাইরবা ইমুং খুদিংমক্তা য়ুমশিং পীনবগী পান্দমদা অচেৎপা ফিরেপ থম্লি। পি.এম.না হায়খি মদুদি সরকার অসিনা মীয়ামগী য়াফনবগী স্কীম কয়া অমগী খুত্থাংদা লৈবাকচাশিংগী পুনশিংদা অফবা অহোংবা অমা পুরক্নবা খন্না হোৎনরি।
সুধিরদা ইখিবা চিথি অদুদা, প্রধান মন্ত্রীনা হায়খি মদুদি মহাক্কুম্বা বেনিফিসরীশিংগী পুনশিদা কাওঙম্লরোইদবা মীকুপশিং অসিনা মহাকপু লৈবাক অসিগী সেবাদা অৱাবা লৈতনা অমসুং লেপ্তনা থবক তৌনবগী থৌনা অমসুং পাঙ্গল অদু পীরি।
তশেংনমক্কীদি, সুধিরনা মহাক্কী পক্কাগী য়ুম অদু পি.এম.অৱাস য়োজনাগী মখাদা হন্দক্তা ফংখিবনি অমসুং প্রধান মন্ত্রী, মোদীবু থাগৎপা ফোংদোক্লদুনা চিথি অমা ইখি। প্রধান মন্ত্রীদা ইখিবা মহাক্কী চিথি অদুদা সুধিরনা ময়ুম-মকৈ লৈজদবা লাইরবা ইমুংশিংগীদমক্তদি পি.এম. অৱাস য়োজনা অসি থৌজালগা পাংখক্নি হায়না হায়খি। সুধিরনা মহাক অসি ভরাগী য়ুম অমদা লৈ অমসুং য়ুম অদু ৬-৭লক হোংখ্রে হায়না ইখি। মহাক্না য়ুম তোইনা হোংবদা মায়োক্নখিবা অৱাবশিং অদুসু তমখি।
