প্রধান মন্ত্রী ঐচ.ই. মিস্তর লোরেন্স ৱোংগা লোয়ননা প্রধান মন্ত্রী শ্রী নরেন্দ্র মোদীনা সেমিকন্দক্তর অমসুং ইলেক্ত্রোনিক্স সেক্তরদা সিঙ্গাপুরগী মকোক থোংবা কম্পনী অমা ওইরিবা AEM দা চৎখি। গ্লোবেল সেমিকন্দক্তর ভেল্যু চেনদা AEMগী থৌদাং, মাগী ওপরেসনশিং অমসুং ভারতকীদমক মাগী থৌরাংশিংগী মতাংদা মখোয়দা পাউদমখি। সিঙ্গাপুর সেমিকন্দক্তর ইন্দস্ত্রী এসোসিএসন্না সিঙ্গাপুরদা সেমিকন্দক্তর ইকোসিস্তেম চাউখৎহনবা অমসুং ভারতকা লোয়ননা তেংবাং পীনবগী খুদোংচাবশিংগী মতাংদা পাউদমখি। সেক্তর অসিগী সিঙ্গাপুরগী অতোপ্পা কম্পনী কয়াগী মীহুৎশিংসু শরুক য়াখি। প্রধান মন্ত্রীনা 2024গী সেপ্তেম্বর 11-13দা গ্রেতর নোইদাদা পাংথোক্কদৌরিবা সেমিকোন ইন্দিয়া এক্সপো অসিদা শরুক য়ানবা সিঙ্গাপুরগী সেমিকন্দক্তর কম্পনীশিংদা বর্তন তৌখি।
ভারত্তা সেমিকন্দক্তর মেন্যুফেকচরিং ইকোসিস্তেম শেমগৎনবা ঐখোয়না হোৎনরিবশিং অমসুং সেক্তর অসিদা সিঙ্গাপুরগী মপাঙ্গলশিং য়েংলগা নাকল অনিমক্না লৈবাক অনিগী মরক্তা তেংবাং পীনবা হেনগৎনবা ৱারেপ লৌখ্রে। ইন্দিয়া-সিঙ্গাপুর মিনিস্তরেল রাউন্দ তেবলগী অনিশুবা মীফমগী মনুংদা নাকল অনিমক্না সেমিকন্দক্তরশিংদা মীৎয়েং থমদুনা এদভান্স মেন্যুফেকচরিংবু লৈবাক অনিগী মরক্তা তেংবাং পীনবা হেনগৎহন্নবা য়ানবা পুরকখি। নাকল অনিমক্না ইন্দিয়া-সিঙ্গাপুর সেমিকন্দক্তর ইকোসিস্তেম পার্তনরশিপকী MoU অমা খুৎয়েক পীনখি।
ফেসিলিতী অদুদা, প্রধান মন্ত্রী অনিমক্না সিঙ্গাপুরদা ত্রেনিং ফংলিবা ওরিশাগী ৱর্ল্দ স্কিল সেন্তরগী ইন্দিয়ন ইন্তর্নশিংগা লোয়ননা CII-ইন্তর্প্রাইজ সিঙ্গাপুর ইন্দিয়া রেদী তেলেন্ত প্রোগ্রামগী মখাদা ভারত্তা লাকখিবা সিঙ্গাপুরগী ইন্তর্নশিং অমসুং AEM দা থবক তৌরিবা ভারতকী ইঞ্জিনীয়রশিংগা ৱারী শানখি।
প্রধান মন্ত্রী অনিমক্কী খোঙচৎ অসিনা লম অসিদা তেংবাং পীনবা হেনগৎহন্নবা নাকল অনিমক্না অচেৎপা ৱাফম থম্লি। প্রধান মন্ত্রী মোদীনা প্রধান মন্ত্রী ৱোংবু মহাক্কী খোঙচৎ অসিদা শরুক য়াবীবগীদমক থাগৎপা ফোংদোকখি।
Semiconductors and technology are important facets of India-Singapore cooperation. This is also a sector where India is increasing its presence. Today, PM Wong and I visited AEM Holdings Ltd. We look forward to working together in this sector and giving our youth more… pic.twitter.com/Bdh8nU1w6Y
— Narendra Modi (@narendramodi) September 5, 2024
It was wonderful to interact with interns from Odisha’s World Skill Center who are visiting Singapore and interns from Singapore who have been to India as a part of the CII-Enterprise Singapore India Ready Talent Programme. I also met a team of Indian engineers working at AEM… pic.twitter.com/orXSLE1GEk
— Narendra Modi (@narendramodi) September 5, 2024
