প্রধান মন্ত্রী শ্রী নরেন্দ্র মোদীনা গুজরাত্তা ভিদিও কনফরেন্সিংগী খুত্থাংদা হজীরাদা রো-পেক্স তর্মিনেল শঙ্গাখ্রে অমসুং হজীরা অমসুং ঘোঘাগী মরক্তা রো-পেক্স ফেরী সর্বিস লমথাখ্রে। মহাক্না মদু শীজিন্নরিবা মফম অদুগী মীয়ামগসু ৱারী শাখ্রে। মহাক্না শিপ্পিং মন্ত্রালয় অসি পোর্তস, শিপ্পিং অমসুং ৱাতরৱেজ মন্ত্রালয় হায়না মমিং ওনখ্রে।
থৌরম অসিদা ৱা ঙাংলদুনা ঙসি প্রধান মন্ত্রীনা গুজরাতকী মীয়াম্না মখোয়গী দিৱালীগী খুদোল ফংলে হায়না হায়খি। অফবা কন্নেক্তিবিতী অসিদগী মীপুম খুদিংমক্না কান্নবা ফংলগনি। মহাক্না হায় মসিনা বিজিনেস চাউখৎহল্লগনি অমসুং লম্বী ফাওনবসু হেন্না থুগৎলগনি। মহাক্না মখা তারদুনা হায়খি হজীরা অমসুং ঘোঘাগী মরক্তা লৈরিবা রো-পেক্স সর্বিস অসিনা পুং ১০-১২ চংলম্বা অদু পুং ৩-৪দা হন্থরকপা অসিনা সৌরাস্ত্র অমসুং খা গুজরাতকী মঙলান মঙফাওনহল্লে। মসিনা মতম মাংহল্লোই অমসুং চাদিংসু হন্থহল্লগনি। মহাক্না হায় পেসেঞ্জর ত্রেন ৮০০০০ অমসুং ত্রক ৩০০০০না অনৌবা সর্বিস অসিগী খুদোংচাবা চহি অমগী মনুংদা ফংলগনি।
শ্রী মোদীনা হায়খি সৌরাস্ত্র অমসুং সুরৎকী মরক্তা অফবা কন্নেক্তিবিতী অসিনা লমদমশিং অসিগী মীয়ামগী পুন্সিদা অহোংবা পুরক্লগনি। মহাক্না হায়খি উ-হৈ, মনা-মশিং অমসুং শঙ্গোম হৌজিক্তি ইরাই লাইনা পুথোক-পুশিন তৌরগনি অমসুং সর্বিস অসিনা মরম ওইরগা পোলুসন থোকপসু হন্থহল্লগনি। অৱাবা কয়াগী মরক্তা খুদোংচাবা অসি ফংহন্নবা থৌনা লৈনা হোৎনখিবা ইঞ্জিনীয়র, শিন্মী পুম্নমকপু মহাক্না থাগৎপা ফোঙদোকখি। ভাবনগর অমসুং সুরৎকী মরক্তা সমুদ্রগী ওইবা অনৌবা লম্বী শেমগৎপা অসিদা মীয়ামদা য়াইফ-পাউজেল পীখি।
হৌখিবা দিকেদ অনি অসিদা গুজরাতনা সমুদ্রদা ললোন-ইতিক তৌবগী থবকশিং হেনগৎহনবগী মওং অমসুং পোর্তকী ওইবা চাউখৎ থৌরাং লুম্না লৌবা অসিবু প্রধান মন্ত্রীনা থাগৎখি অমসুং মহাক্না হায়খি মসি গুজরাতি খুদিংমক্কী ওইনদি চাউথোকচনীংঙাই ওই। শিপ বিল্দিং পোলিসী দ্রাফ তৌবা, শিপ বিল্দিং পার্ক অমসুং স্পিসিএলাইজ তর্মিনেলশিং, বেসেল ত্রাফিক মেনেজমেন্ত সিস্তেম অমসুং অনৌবা কন্নেক্তিবিতী প্রোজেক্ত অসিগুম্বা রাজ্য অসিগী শমুদ্রগী ওইবা ললোন-ইতিকশিং চাউখৎহন্নবা রাজ্য সরকারনা থৌরাংশিং পাইখৎখি হায়না মহাক্না পাউদমখি। মহাক্না হায়খি থৌরাংশিং অসিগা লোয়ননা পোর্ত সেক্তর অসি অনৌবা মাইয়োল অমদা চংশিল্লি। ফিজিকেল ইনফ্রাস্ত্রকচর চাউখৎহনবগী মথক্তা সমুদ্র খোংবানগী মফমগী অপুনবা মওং মতৌ অসি মতমগা চান্নবা মওংদা শেমগৎনবা হোৎনরি হায়না মহাক্না ফোঙদোকখি।
ঙসি প্রধান মন্ত্রীনা হায়খি সমুদ্র খোংবানগী মফমদা মখল পুম্নমক্কী ইনফ্রাস্ত্রকচর চাউখৎহন্নবা সরকারনা হোৎনরিবশিং অসিনা মরম ওইরগা গুজরাতনা চাউখৎ থৌরাংগী পুরক্নবা লম্বী অমা ওইরে। মহাক্না হায়খি হৌখিবা দিকেদ অনি অসিদা গুজরাত্তা ত্রেদিস্নেল পোর্ত ওপরেসনশিংদগী তোপ তোপ্পা ইন্তিগ্রেতেদ পোর্তকী মোদেল অমা শেমগৎখিবা অদু ঙসিদি বেঞ্চমার্ক অমা ওইখি। হোৎনরিবশিং অসিগী মহৈনা গুজরাতনা লৈবাক অসিগী মরু ওইবা মেরিতাইম সেন্তর ওইবা ঙমখ্রে। হৌখিবা চহিদা মসিদা লৈবাক অসিগী অপুনবা সমুদ্রগী ললোন-ইতিক্কী চাদা ৪০গী মথক্তা তৌখি।
প্রধান মন্ত্রীনা হায়খি ঙসি গুজরাত্তা সমুদ্রগী ললোন-ইতিক তৌবগা মরী লৈনবা ইনফ্রাস্ত্রকচর অমসুং কেপাসিতী বিল্দিংদা খোঙজেল য়াংনা থবক পাইখৎলি। গুজরাত মেরীতাইম ক্লস্তর, গুজরাত মেরীতাইম য়ুনিভর্সিতী, ভাবনগরদা লৈবাক অসিগী অহানবা সি.এন.জি. তর্মিনেল অসিগুম্বা খুদোংচাবা ময়াম অমা গুজরাত্তা শেমগৎলি। গুজরাত মেরীতাইম ক্লস্তর পোর্তশিং গিফ সিতীদা শাগদৌরিবা অসি লোজিস্তিক্তা য়ুম্ফম ওইবা পোর্তশিংদগী সমুদ্র য়ৌনবা দেদিকেতেদ সিস্তেম অমা ওইরগনি। মহাক্না হায়খি ক্লস্তরশিং অসিনা সরকার, ইন্দস্ত্রী অমসুং এজুকেস্নেল ইন্সতিত্যুসনশিংগী মরক্তা চুংশিন্নবগী মপাঙ্গল কনখৎহনবদা মতেং পাংলগনি অমসুং সেক্তর অসিগী ভেল্যু হেনগৎহনবদসু মতেং ওইরগনি।
প্রধান মন্ত্রীনা হায়খি হন্দক্তা ভারতকী অহানবা কেমিকেল তর্মিনেল দহেজতা লিংখৎখি, ভারতকী অহানবা এল.এন.জি. তর্মিনেল লিংখৎখি, হৌজিক্না ভারতকী অহানবা সি.এন.জি. তর্মিনেল ভাবনগর পোর্ত্তা ইন্সতোল তৌরগনি। ভাবনগর পোর্ততা রো-রো তর্মিনেলগুম্বা খুদোংচাবশিংগী মথক্তা লিক্বিদ কার্গো তর্মিনেল অমসুং অনৌবা কন্তেনর তর্মিনেলসু শেমগৎলি। মহাক্না হায়খি অনৌবা তর্মিনেলশিং অসিগা লোয়ননা ভাবনগর পোর্তকী কেপাসিতী অসি শরুক কয়া হেনগৎলগনি।
প্রধান মন্ত্রীনা হায়খি ঘোঘা-দহেজকী মরক্তা অথুবদা ফেরী সর্বিস অমুক হন্না হৌহন্নবা সরকারনা খোৎথাংশিং লৌখৎলি। মহাক্না হায়খি প্রোজেক্ত অসিদা মহৌশাগী ওইবা খুদোংচাদবা কয়া থেংনখি অমসুং মতমগা চান্নবা তেক্নোলোজীগী খুত্থাংদা মখোয়বু কোকহন্নবা খোঙথাংশিং লৌখৎলি। মহাক্না হায়খি গুজরাত মেরীতাইম য়ুনিভর্সিতী অসি সমুদ্রগী ললোন-ইতিক তৌনবা শেম শানবা মেনপাৱর অমসুং এক্সপর্তশিং ত্রেন তৌনবা অচৌবা সেন্তর অমনি। ঙসি য়ুনিভর্সিতী অসিনা মেরীতাইম লো অমসুং ইন্তরনেস্নেল ত্রেদ লো অমসুং মেরীতাইম মেনেজমেন্ত, শিপ্পিং অমসুং লোজিস্তিকদা এম.বি.এ. তম্নবা খুদোংচাবশিং পীখি। মহাক্না হায়খি য়ুনিভর্সিতী অসিগী মথক্তা লোথালদা লৈবাক অসিগী মেরীতাইম হেরিতেজ য়োকখৎনবা অহানবা নেস্নেল ম্যুজিয়ম শানবা থবকসু চত্থরি।
প্রধান মন্ত্রীনা হায় ঙসিগী রো-পেক্স ফেরী সর্ভিস নত্রগা নুমিৎ খরনিগী মমাংদা শঙ্গাখিবা সি প্লেনগুম্বা ফেসিলিতীশিং অসিনা ৱাতর রিসোর্স বেজ ইকোনোমী কাহেন্না ফগৎহল্লে। মহাক্না হায় চহি কয়াগী মমাংদগী লৈবাক অসিগী ব্লু ইকোনোমী হেনগৎহন্নবা অরুবা খোঙথাংশিং লৌখৎলি। মহাক্না ইকোসিস্তেমশিং অমসুং ঙামীশিংদা অইং-অশা অমসুং সমুদ্রগী লম্বেলশিং চপ-চাবা ই-পাউ পীবা মোর্দর্ন ত্রোল্লর নত্ত্রগা নেবিগেসন সিস্তেমশিংগী শেলগী তেংবাংশিংগুম্বা পীদুনা ঙামীশিং মতেং পাংনবা চহি কয়াগী মমাংদগী পাইখৎলক্লিবা স্কিমশিং পাউদমখি। মহাক্না ঙামীশিংগী সেফ্তী অমসুং প্রোস্পরিতীনা সরকারগী অহানবা মীৎয়েংনি হায়না থাজবা পীখি। মহাক্না মখাতারদুনা হন্দক্তা হৌদোকখিবা প্রধান মন্ত্রী মতস্য সম্পদা য়োজনানসু ঙাগা মরী লৈনবা ললোল-ইতিকশিং প্রমোৎ তৌরি। স্কিম অসিগী মখাদা লাক্কদবা চহিশিংদা ফিসরীজগা মরী লৈননা ইনফ্রাস্ত্রকচরগী লুপা করোর লিশিং ২০ চাদিং তৌগনি।
প্রধান মন্ত্রীনা হায় ঙসিদি লৈবাক শিনবা থুংনা পোর্তশিংগী মশিং হেনগৎলে অমসুং খোংজেল য়াংনা অনৌবা পোর্তশিং শেমগৎলি। মহাক্না মখা তারদুনা লৈবাক অসিগী চাউখৎ থৌরাংগী ওইনা ৱাতরৱেজগী কি.মি. ২১০০০মুক পাক শন্না শিজিন্ননবা থবকশিং পাইখৎখ্রে। মহাক্না মখা তারদুনা ঙসিদি সাগর্মালা প্রোজেক্তকী মখাদা লৈবাক শিনবা থুংনা প্রোজেক্ত ৫০০ হেনবগী থবকশিং পাইখৎলি। মহাক্না হায় ৱাতরৱেজশিংদা পোৎচৈ পুত্থোক-পুশিন তৌবনা লম্বী অমসুং রেলৱেজদগী হীরম কয়ামরুমদা চাদিং হন্থবগা লোয়ননা অকোয়বগী খলদসু অমাং অতা থোকপা হন্থহল্লি। ২০১৪গী মতুংদা হোলিস্তিক এপ্রোচ অমগা লোয়ননা থবক পাইখৎলক্লি। মহাক্না হায় ঙসিদি লেন্দ লোক স্তেৎশিং সমুদ্রদা শম্ননবা লৈবাক শিনবা থুংনা ইনলেন্দ রিবরশিংদা থবক পাইখৎলি। মহাক্না মখা তারদুনা বে ওফ বেঙ্গলদা ইন্দিয়ন ওক্সিনদা অমুক্তা তৌখিদ্রিবা মওংদা ঐখোয়গী তৌবা ঙম্বশিং উত্থোক্লি। লৈবাক অসিগী সমুদ্রগী শরুক অসি আত্মানির্ভর ভারতকী মরুওইবা শরুক অমা ওইরক্লি।
প্রধান মন্ত্রীনা শিপ্পিং মন্ত্রালয় অসি পোর্তস, শিপ্পিং অমসুং ৱার্তরৱেজ মন্ত্রালয় হায়না মমিং ওনখ্রে। মহাক্না হায় চাওখৎলবা লৈবাকশিংদা শিপ্পিং মন্ত্রালয়না পোর্ত অমসুং ৱাতরৱেজশিং পানৈ। মহাক্না মখা তারদুনা হৌজিক্তি মমিংদা ময়েক শেংবগা লোয়ননা থবক্তসু ময়েক শেংলক্লগনি।
প্রধান মন্ত্রীনা হায় আত্মানির্ভর ভারত্তা ব্লু ইকোনোমীগী স্তেক ফগৎহন্নবা মেরিতাইম লোজিস্তিক্স মপাঙ্গল কনখৎহনবা য়াম্না মথৌ তারি। মহাক্না হায় ঙসিদি লৈবাক অসিগী মফম অমদগী অতোপ্পা মফম অমদা পোৎ-চৈ পুত্থোক পুশিন তৌবদা চংবা চাদিং অসি অতোপ্পা লৈবাকশিংদগী হেল্লে। মহাক্না হায় লোজিস্তিক্সকী চাদিং অসি ঈশিংগী ত্রান্সপোর্তকী খুত্থাংদা হন্থহনবা য়াগনি। মরম অদুনা মহাক্না হায় লেপ্পা লৈতনা কার্গো পুত্থোক পুশিন তৌবনা ঐখোয়গী পান্দম ওইগদবনি। মহাক্না মখা তারদুনা হৌজিক লৈবাক অসিনা লোজিস্তিক্সকী চাদিংশিং হন্থনবা মল্তিমোদেল কন্নক্তিবিতীগী মাইকৈদা লেপ্পা লৈতনা চংশিল্লি অমসুং লম্বী, রেল, নোংথক অমসুং শিপ্পিংগী ইনফ্রাস্ত্রকচরগী মরক্তা কন্নেক্তিবিতী ফগৎহন্নবা অমসুং অপনবা কয়ামরু কোকহন্নবা খোঙথাং কয়ামরুম লৌখৎখ্রে। মহাক্না হায় লৈবাক অসিদা মল্তিমোদেল লোজিস্তিক্স পার্ক কয়ামরুম শেমগৎলি। মহাক্না মখা তারদুনা ঐখোয়গী য়ুম্লোন্নবা লৈবাকশিংগসু মল্তিমোদেল কন্নেক্তিবিতী শেমগৎখ্রে। মহাক্না থাজবা থমখি মদুদি মসিগী খোঙথাংশিং অসিনা লৈবাক অসিদা লোজিস্তিক্সকী চাদিং হন্থহন্দুনা ঐখোয়গী শেন্মীৎলোন্দা শাফু অমা পীরগনি।
প্রধান মন্ত্রীনা হরাও-কুমহৈগী মতম অসিদা ভোকেল ফোর লোকেল শীজিন্ননবা মীয়ামগী পুক্নিং চিংশিনখ্রে। মহাক্না অপিকপা ললোন ইতিক তৌবশিং, অপিকপা আর্তিসিয়ানশিং অমসুং খুঙ্গংগী মীওইশিংদগী পোৎ-চৈশিং লৈনবা ফোঙদোকখ্রে। মহাক্না হায় মসিগী হোৎনবা অসিনা দিৱালী মনুংদা খুঙ্গংগী আর্তিসিয়ানশিংগী ময়ুমদসু মৈ থানবা ঙমহনগনি।
आज घोघा और हजीरा के बीच रो-पैक्स सेवा शुरु होने से,
— PMO India (@PMOIndia) November 8, 2020
सौराष्ट्र और दक्षिण गुजरात, दोनों ही क्षेत्रों के लोगों का बरसों का सपना पूरा हुआ है, बरसों का इंतजार समाप्त हुआ है: PM#ConnectingIndia
इस सेवा से घोघा और हजीरा के बीच अभी जो सड़क की दूरी 375
— PMO India (@PMOIndia) November 8, 2020
किलोमीटर की है, वो समंदर के रास्ते सिर्फ 90 किलोमीटर ही रह जाएगी।
यानि जिस दूरी को कवर करने में 10 से 12 घंटे का समय लगता था, अब उस सफर में 3-4 घंटे ही लगा करेंगे।
ये समय तो बचाएगा ही, आपका खर्च भी कम होगा: PM
गुजरात में रो-पैक्स फेरी सेवा जैसी सुविधाओं का विकास करने में बहुत लोगों का श्रम लगा है, अनेक कठिनाइयां रास्ते में आई हैं।
— PMO India (@PMOIndia) November 8, 2020
मैं उन सभी साथियों का आभारी हूं, उन तमाम इंजीनियर्स का, श्रमिकों का आभार व्यक्त करता हूं, जो हिम्मत के साथ डटे रहे: PM
आज गुजरात में समुद्री कारोबार से जुड़े इंफ्रास्ट्रक्चर और कैपेसिटी बिल्डिंग पर तेज़ी से काम चल रहा है।
— PMO India (@PMOIndia) November 8, 2020
जैसे गुजरात मेरीटाइम क्लस्टर, गुजरात समुद्री विश्वविद्यालय, भावनगर में सीएनजी टर्मिनल, ऐसी अनेक सुविधाएं गुजरात में तैयार हो रही हैं: PM
सरकार का प्रयास, घोघा-दहेज के बीच फेरी सर्विस को भी जल्द फिर शुरू करने का है।
— PMO India (@PMOIndia) November 8, 2020
इस प्रोजेक्ट के सामने प्रकृति से जुड़ी अनेक चुनौतियां सामने आ खड़ी हुई हैं।
उन्हें आधुनिक टेक्नोलॉजी के माध्यम से दूर करने का प्रयास किया जा रहा है: PM
समुद्री व्यापार-कारोबार के लिए एक्सपर्ट तैयार हों, trained मैनपावर हो, इसके लिए गुजरात मेरीटाइम यूनिवर्सिटी बहुत बड़ा सेंटर है।
— PMO India (@PMOIndia) November 8, 2020
आज यहां समुद्री कानून और अंतर्राष्ट्रीय व्यापार कानून की पढ़ाई से लेकर मैरीटाइम मैनेजमेंट, शिपिंग और लॉजिस्टिक्स में MBA तक की सुविधा मौजूद है: PM
सामान को देश के एक हिस्से से दूसरे हिस्से में ले जाने पर दूसरे देशों की अपेक्षा हमारे देश में आज भी ज्यादा खर्च होता है।
— PMO India (@PMOIndia) November 8, 2020
वॉटर ट्रांसपोर्ट से Cost of Logistics को कम किया जा सकता है।
इसलिए हमारा फोकस एक ऐसे इकोसिस्टम को बनाने का है जहां कार्गो की Seamless Movement हो सके: PM
Logistics पर होने वाले खर्च को कम करने के लिए अब देश Multimodal Connectivity की दिशा में तेज़ी से कदम बढ़ा रहा है।
— PMO India (@PMOIndia) November 8, 2020
कोशिश ये है कि रोड, रेल, एयर और शिपिंग से जुड़े इंफ्रास्ट्रक्चर की आपस में कनेक्टिविटी भी बेहतर हो और इसमें जो Silos आते हैं, उनको भी दूर किया जा सके: PM
