প্রধান মন্ত্রীনা বরানাসীদা ইন্তরনেসনেল ক্রিকেত স্তদিয়মগী উরেপ-উয়ুং তমগনি
ভাগবান সিবদগী ইথিল লৌরগা স্তদিয়াম দিজাইন তৌবনিলুপা করোর ১১১৫ চঙনা উত্তর প্রদেস শীনবা থুংনা শেমগৎপা অতল অৱাসিয়া বিদ্যলায়া ১৬ প্রধান মন্ত্রীনা শঙ্গাগনিকাসি সংসদ সংস্কৃতিক মহোৎসব ২০২৩ লোইশিনবা থৌরমদা প্রধান মন্ত্রী শরুক য়াগনিপ্রধান মন্ত্রী শ্রী নরেন্দ্র মোদী সেপ্তেম্বর ২৩,২০২৩ দা বরানাসীদা চৎকনি। নুংথিলগী পুং ১:৩০ রোম তাবদা প্রধান মন্ত্রীনা ইন্তরনেসনেল ক্রিকেত স্তদিয়মগী উরেপ-উয়ুং তমগনি। নুংথিল পুং ৩:১৫ রোম তাবদা, প্রধান মন্ত্রী রুদ্রক্ষ ইন্তরনেসনেল কোওপরেসন এন্দ কনভেন্সন সেন্তরদা থুংগনি অমসুং কাসি সংসদ সংস্কৃতিক মহোৎসব ২০২৩ লোইশিনবা থৌরমদা শরুক য়াগনি। থৌরম মনুংদা মহাক্না লুপা করোর ১১১৫ চঙনা উত্তর প্রদেস শীনবা থুংনা শেমগৎপা অতল অৱাসিয়া বিদ্যলায়া ১৬ শঙ্গাগনি।
বরানাসীগী ইন্তরনেসনেল ক্রিকেত স্তদিয়ম অসি অনৌবা মালেম থাক্কী শান্নবগী ইনফ্রাস্ত্রকর শেমগৎনবা প্রধান মন্ত্রীগী মঙলান মঙফাওন্না মাইকৈদা থাংজিনবা খোঙথাং অমনি। বরানাসীগী রাজাতালাব, গঞ্জারিদা লুপা করোর ৪৫০ চঙনা লম একর ৩০দা অনৌবা ইন্তরনেসনেল ক্রিকেত স্তদিয়ম অসি শাগদবনি। স্তদিয়ম অসিগী থিমেতিক আর্কিতেকচর অসি ভাগবান সিবদগী লৌবনি অমসুং মসিদা থা মচেৎকী য়ুমথকশিং, ত্রিশুল মওংগী ফ্লত-লাইতশিং ঘাতকী সিরিশিংদা য়ুম্ফম ওইবা ফম্ফমশিং, ফেসেদতা বিলবিপাত্র মওংগী ধাতু মপাকশিং য়াওগনি। স্তদিয়ম অসি ভাবক ৩০,০০০ চনগনি।
মখা তানা মগুন লৈবা লাইরিক-লাইশু তম্বগী খুদোংচাবা ফংবা হেনগৎহন্নবা পান্দম অমদা, শিন্মীশিংগী মচাশিং অমসুং কোবিদ-১৯ লাইচৎতা মমা-মপা লৈখিদ্রবা অঙাংশিংগী অখন্ননা লুপা করোর ১১১৫ চঙনা উত্তর প্রদেস শীনবা থুংনা শেমগৎপা অতল অৱাসিয়া বিদ্যলায়া ১৬ থবক হৌরে। লম একর ১০-১৫ পাক-চাউবা মফমদা স্কুল অমমম শাবনি মসিদা কাশিং, শান্নবুং, পোথাফম, মিনি ওদিতোরিয়ম অমা, হোস্তেল কমপ্লেক্স, মেস অমসুং স্তাফশিংগী লৈফম ফ্লেতশিং য়াওরি। হায়রিবা রেসিদেন্সিএল স্কুল অমমমদা মহৈরোয় ১০০০ তম্বা য়াগনি।
কাসিগী নাৎকী থবকশিং মপাঙ্গল কনখৎহন্নবা প্রধান মন্ত্রীগী পান্দমনা লমজিংদুনা কাসি সংসদ সংস্কৃতিক মহোৎসব পায়খৎলকপনি। ঈশৈ শকপা, ইন্সত্রুমেন্তশিং খোঙবা, নুক্কাদ নাতক, জগোয় শাবা অসিনচিংবা হৈবা মীওইশিংনা হিরম ১৭দা মীওই ৩৭,০০০ হেন্না মহোৎসব অসিদা শরুক য়াগনি। রুদ্রক্ষ ইন্তরনেসনেল কোওপরেসন এন্দ কনভেন্সন সেন্তরদা পাংথোকপা থৌরমদা হৈথোই-শিংথোইবা মীওইশিংনা মখোয়গী কলচরগী হৈজবশিং উৎনবগী খুদোংচাবা অমা ফংগনি
