প্রধান মন্ত্রীনা লুপা করোর ৬,১০০ হেনবগী তোঙান-তোঙানবা এয়রপোর্ত প্রোজেকশিং শঙ্গানি অমসুং উরেপ-উয়ুং তমগনি
প্রধান মন্ত্রীনা আর.জে সঙ্কারা আই হোস্পিতাল শঙ্গাগনিপ্রধান মন্ত্রীনা বারানসীদা তোঙান-তোঙানবা চাউখৎ-থৌরাংগী থবকশিংশু হৌদোক্কনিপ্রধান মন্ত্রী শ্রী নরেন্দ্র মোদী ওক্তোবর ২০ দা বারানসীদা চৎকনি। নুংথিলগী পুং ২ রোম তাবদা, প্রধান মন্ত্রীনা আর.জে সঙ্কারা আই হোস্পিতাল শঙ্গাগনি। তুংদা, নুংথিলগী পুং ৪:১৫ রোম তাবদা, প্রধান মন্ত্রীনা তোঙান-তোঙানবা চাউখৎ-থৌরাংগী প্রোজেকশিং শঙ্গানি অমসুং উরেপ-উয়ুং তমগনি।
প্রধান মন্ত্রীনা আর.জে সঙ্কারা আই হোস্পিতাল শঙ্গাগনি। হোস্পিতাল অসিনা তোঙান-তোঙানবা মীৎকী অনাবশিং লায়েংগনি। থৌরম অদুদা প্রধান মন্ত্রীনা মীয়ামদা ৱা ঙাংগনি।
লম্বী-থোং ফগৎহন্নবা মহাক্না থাজবা পীখিবগী মতুংইন্না, এয়রপোর্ত রনৱে পাকথোক্নবা অমসুং অনৌবা তর্মিনেল বিল্দিং অমা শানবা অমসুং লুপা করোর ২৮৭০ রোমগী লাল বহাদুর শাস্ত্রি ইন্তরনেসনেল এয়রপোর্ত, বারানসীগী মরী লৈনবা থবকশিং প্রধান মন্ত্রীনা উরেপ-উয়ুং তমগনি। মহাক্না অগ্রা এয়রপোর্ততা লুপা করোর ৫৭০, দরভঙ্গা এয়রপোর্ততা লুপা করোর ৯১০ অমসুং বাগদোগ্রা এয়রপোর্ততা লুপা করোর ১৫৫০গী নিউ সিবিল ইনক্লেপ শানবা উরেপ-উয়ুং তমগনি।
প্রধান মন্ত্রীনা লুপা করোর ২২০গী রেৱা এয়রপোর্ত, মা মহাময়া এয়রপোর্ত, অম্বিকাপুর অমসুং সারসাৱা এয়রপোর্তকী অনৌবা তর্মিনেল বিল্দিংশিং শঙ্গাগনি। হায়রিবা এয়রপোর্তশিং অসিগী অপুনবা চহিদা পেসেঞ্জর চৎথোক-চৎশিন তৌবা য়াবা অসি পেসেঞ্জর করোর ২.৩ হেনগনি। লমদম অসিগী অরিবা বিল্দিংশিংদগী লৌদুনা হায়রিবা এয়রপোর্তশিং অসি দিজাইন তৌখিবনি।
মগুন লৈবা শান্নবগী ইনফ্রাস্ত্রকচর ফংহন্নবা মহাক্না থাজবা পীখিবগী মতুংইন্না, খেলো ইন্দিয়া স্কিম অমসুং স্মার্দ সিতি মিসনগী মখাদা লুপা করোর ২১০ রোম চঙনা বারানসী স্পোর্তস কমপ্লেক্স অমুক হন্না শেমগৎপগী ফেজ-২ অমসুং ফেজ-৩ প্রধান মন্ত্রীনা শঙ্গাগনি। প্রোজেক অসিগী পান্দমদি নেসেনেল সেন্তর ওফ এক্সলেন্স অমা, শান্নরোয়শিংগী হোস্তেলশিং, স্পোর্তস সাইন্স সেন্তর, তোঙান-তোঙানবা মশান্নশিংগী প্রাক্তিস ফিল্দ ইন্দোর সুতিং রেঞ্জশিং, কম্বেৎ স্পোর্তস এরেনা য়াওরবা অনৌবা মখলগী স্পোর্তস কমপ্লেক্স অমা শেমগৎনবা পান্দম থম্লি। মহাকনা ফমুং ১০০ লৈবা নুপীমচাশিং অমসুং নুপামচাশিংগী হোস্তেলশিং অমসুং দোক্তর ভিমরাও অম্বেদকার স্পোর্তস স্তদিয়ম, লালপুরদা পব্লিক পেভিল্লিয়ন অমা শঙ্গাগনি।
প্রধান মন্ত্রীনা সরনাথতা বুদ্ধিজমগা মরী লৈনবা তুরিজম চাউখৎনবা থবকশিং শঙ্গাগনি। হায়রিবা থবকশিং অসিগী মনুংদা খোঙনা চৎপা মীওইশিং নুংঙাইনবা লম্বীশিং শেমগৎপা, অনৌবা সিৱের লাইনশিং অমসুং খোংবালশিং ফগৎহনবা, ভেন্দিং জোন অমসুং লমদম অদুগী হেন্দিক্রাফ য়োকখৎনবা অনৌবা দিজাইনগী ভেন্দিং কার্তশিং য়াওরি।
প্রধান মন্ত্রীনা বানাসুর লাইশঙ অমসুং গুরুধাম লাইশঙদা তুরিজমগী থবকশিং অমসুং পাকশিং অমুক হেন্না শেমগৎপা অমসুং মকে শেম্বগী থবকশিংশু শঙ্গাগনি।
