প্রধান মন্ত্রীনা সুল্তানপুর জিলাদা এক্সপ্রেসৱেদা শারিবা কিলোমীতর ৩.২ শাংবা এয়রস্ত্রিপতা এয়রশোসু য়েংগনি
নবেম্বর ১৬, ২০২১দা প্রধান মন্ত্রী শ্রী নরেন্দ্র মোদী উত্তর প্রদেশতা চৎকনি অমদি চাউরাক্না নুংথিল পুং ১.৩০ তাবা মতমদা সুল্তানপুর জিলাগী কর্ৱাল খেরিদা পুর্বাঞ্চল এক্সপ্রেসৱে শঙ্গাগনি।
শঙ্গারবা মতুং, প্রধান মন্ত্রীনা অথু-অকায়গী মতমদা ইন্দিয়ান এয়র ফোর্সকী ফাইতর প্লেনশিং তাবা/পায়খৎপা ঙম্বা সুল্তানপুর জিলাগী এক্সপ্রেসৱেদা শারিবা কিলোমীতর ৩.২ শাংবা এয়রস্ত্রিপতা ইন্দিয়ান এয়র ফোর্সনা পাংথোকপা এয়রশোসু য়েংগনি।
পুর্বাঞ্চল এক্সপ্রেসৱে অসি কিলোমীতর ৩৪১ শাংই। মসি লখনৌ-সুল্তানপুর লম্বী (এন.ঐচ.-৭৩১)দা লৈরিবা লখনৌ জিলাগী চৌদসরাই খুঙ্গংদগী হৌই অমদি য়ু.পি.-বিহার ঙমখৈদগী নোংপোক্তা কিলোমীতর ১৮ চৎলগা নেস্নেল হায়ৱে নম্বর ৩১দা লৈরিবা হায়দরিয়া খুঙ্গংদা লোইশিল্লি। এক্সপ্রেসৱে অসি লেন ৬ পাক চাউই মদু তুংদা লেন ৮ ফাওবা পাকথোকপা য়াই। চাউরাক্না লুপা করোর ২২৫০০গী শেনফমগা লোয়ননা শেমগৎলিবা পুর্বাঞ্চল এক্সপ্রেসৱে অসিনা উত্তর প্রদেশকী নোংপোক থংবা শরুকশিং অখন্ননা লখনৌ, বরাবঙ্কি, অমেথি, অয়োধ্যা, সুল্তানপুর, অম্বেদকর নগর, অজমগর, মাউ অমসুং ঘাজিপুর জিলাশিংগী ইকোনোমিক দিবেলপমেন্তদা ইনোৎ অমা পীরগনি।
