ফার্মাস্যুতিকেল সেক্তরদা আত্মনির্ভর ওইহন্নবা মাইকৈদা লৌখৎপা খোঙথাংশিং শাহৌ পীনবা উনাদা প্রধান মন্ত্রীনা বল্ক দ্রগ পার্ক্কী উরেপ-উয়ুং তমগনি
প্রধান মন্ত্রীনা জাতিদা আই.আই.আই.তি. উনা খুৎশিন্নগনি – মসিগী ২০১৭তা প্রধান মন্ত্রীনা উরেপ-উয়ুং তমখিবনিপ্রধান মন্ত্রীনা উনা হিমাচলদগী নই দিল্লী ফাওবা ভন্দে ভারত এক্সপ্রেসসু লমথাগনিচম্বাদা প্রধান মন্ত্রীনা হাইদ্রোপাৱর প্রোজেক্ত অনিগী উরেপ-উয়ুং তমগনিপ্রধান মন্ত্রীনা হিমাচল প্রদেশতা প্রধান মন্ত্রী গ্রাম সরক য়োজনা (পি.এম.জি.এস.ৱাই.)-IIIসু হৌদোক্কনিপ্রধান মন্ত্রী, শ্রী নরেন্দ্র মোদীনা ওক্তোবর ১৩দা হিমাচল প্রদেশতা চৎকনি। উনাদা প্রধান মন্ত্রীনা উনা হিমাচল রেলৱে স্তেসন্দগী ভন্দে ভারত এক্সপ্রেস লমথাগনি। মসিগী মতুংদা প্রধান মন্ত্রীনা মীয়ামগী মীতিন অমদা জাতিদা আই.আই.আই.তি. উনা খুৎশিন্নগনি অমসুং উনাদা বল্ক দ্রগ পার্ক্কী উরেপ-উয়ুং তমগনি। মদুগী মতুংদা চম্বাদা মীয়ামগী মীতিন অমদা প্রধান মন্ত্রীনা হাইদ্রোপাৱর প্রোজেক্ত অনিগী উরেপ-উয়ুং তমগনি অমসুং হিমাচল প্রদেশতা প্রধান মন্ত্রী গ্রাম সরক য়োজনা (পি.এম.জি.এস.ৱাই.)-III হৌদোক্কনি।
উনাদা পি.এম.
প্রধান মন্ত্রীগী আত্মনির্ভর ভারতগীদমক ময়েক শেংনা অপাম্বা থমখিবা অসিনা সরকারগী তোঙান-তোঙানবা অনৌবা থৌশিলশিংগী মতেংগী খুত্থাংদা সেক্তর কয়ামরুমদা মরোমদোম লেপচবা ঙম্নবগী মাইকৈদা লৈবাক অসিনা খোঙজেল য়াংনা চংশিল্লি। মরু ওইবা সেক্তরশিংগী মরক্তা ফার্মাস্যুতিকেল্স অসি অমনি অমসুং সেক্তর অসিদা আত্মনির্ভর ওইহনবা ঙম্নবা প্রধান মন্ত্রীনা উনা জিলাগী হরোলীদা লুপা করোর ১৯০০ হেন্না চংনা শাগদৌরিবা বল্ক দ্রগ পার্ক্কী উরেপ-উয়ুং তমগনি। পার্ক অসিনা এ.পি.আই. ইম্পোর্তশিংদা মীপাল তাংবা হন্থহনবদা মতেং পাংগনি। মসিনা লুপা করোর ১০,০০০রোমগী ইনভেস্তমেন্ত লাকহল্লগনি অমসুং মীওই ২০,০০০ হেনবদা থবক পীরগনি হায়না পানরি। মসিনা লমদম অসিগী শেন্মীৎলোনগী থবক-থৌরমশিংদা ইনোৎ অমসু পীরগনি।
প্রধান মন্ত্রীনা জাতিদা ইন্দিয়ন ইন্সতিত্যুত ওফ ইনফোর্মেসন তেক্নোলোজী (আই.আই.আই.তি.) উনা খুৎশিন্নগনি। মসি ২০১৭দা প্রধান মন্ত্রীনা উরেপ-উয়ুং তমখি। হৌজিক ইন্সতিত্যুত অসি হৌজিক্কী ওইনা মহৈরোয় ৫৩০না মহৈ তম্লি।
প্রধান মন্ত্রীনা অনৌবা ভন্দে ভারত এক্সপ্রেসকী অহানবা খোঙচৎ লমথাগনি। অম্ব অন্দৌরাদগী নই দিল্লী ফাওবা চেনগদবা অসিনা লৈবাক অসিদা হৌদোকখিবা মরিশুবা ভন্দে ভারত ত্রেন ওইরগনি অমসুং মসি মমাংগীশিংগা চাংদম্নবদা এনভান্স ভর্জন ওইরি, মসি অরুম্বা হন্থৈ অমসুং অতেনবা মতমগী মনুংদা হেন্না য়াংবা খোঙজেলদা চেনবা ঙম্মি। মসিনা পুংদা কিমি ১০০ অসি শুপ্নগী সেকেন্দ ৫২দা য়ৌবা ঙম্মি। ত্রেন অসি চেলহনবা অসিনা লমদম অসিগী তুরিজমদা শাহৌ পীবদা মতেং পাংলগনি অমসুং নুংঙাইবা অমসুং হেন্না থুবা চৎথোক-চৎশিনগী পাম্বৈ অমা ফংহল্লগনি।
চম্বাদা পি.এম.
প্রধান মন্ত্রীনা হাইদ্রোপাৱর প্রোজেক্ত অনিগী উরেপ-উয়ুং তমগনি – ৪৮ এম.দবল্যু চাঞ্জু-III হাইদ্রো-ইলেক্ত্রিক প্রোজেক্ত অমসুং ৩০ এম.দবল্যু. দিওথাল চাঞ্জু হাইদ্রো-ইলেক্ত্রিক প্রোজেক্ত। প্রোজেক্ত অনিমক্না চহিগী ওইনা ইলেক্ত্রিসিতীগী য়ুনিত মিলিয়ন ২৭০ হেন্না পুথোক্লগনি অমসুং প্রোজেক্ত অসিদগী হিমাচল প্রদেশনা চহিগী ওইবা রেভেন্যু লুপা করোর ১১০ রোম লাক্লবা য়াই পানরি।
প্রধান মন্ত্রীনা হিমাচল প্রদেশত রাজ্য অসিগী লম্বীগী কিমি ৩১২৫রোম অপগ্রেদ তৌনবগীদমক প্রধান মন্ত্রী গ্রাম সরক য়োজনা (পি.এম.জি.এস.ৱাই.)-III হৌদোক্কনি। রাজ্য অসিগী ঙমখৈ অমসুং মনুং হঞ্জিনবা ব্লোক ১৫দা লৈবা লম্বীগী কিমি ৪৪০ অপগ্রেদ তৌনবগীদমক ফেস অসিগী মখাদা কেন্দ্র সরকারনা লুপা করোর ৪২০ হেন্না কাইথখি।
