প্রধান মন্ত্রীনা লুপা করোর ৯৭৫০ হেনবগী তোঙান-তোঙানবা চাউখৎ-থৌরাংগী প্রোজেকশিং শঙ্গাগনি, মীয়ামদা কৎথোক্কনি অমসুং উরেপ-উয়ুং তমগনি
প্রধান মন্ত্রীনা গুরুগ্রাম মেত্রো রেল প্রোজেক উরেপ-উয়ুং তমগনিপ্রধান মন্ত্রীনা এ.আই.আই.এম.এস রেৱারি উরেপ-উয়ুং তমগনিপ্রধান মন্ত্রীনা কুরুক্ষেত্রা, জয়তিসরদা নৌবা শাবা ‘অনুভাব কেন্দ্র’ অমা শঙ্গাগনিপ্রধান মন্ত্রী শ্রী নরেন্দ্র মোদী ফেব্রুৱারি ১৬,২০২৪দা হরিয়ানাগী রেৱারিদা চৎকনি। নুংথিলগী পুং ১:১৫ রোম তাবদা, মহাক্না সহরগী চৎথোক-চৎশিন, হকশেল, রেল অমসুং তুরিজমগা মরী লৈনবা লুপা করোর ৯৭৫০ হেনবগী তোঙান-তোঙানবা চাউখৎ-থৌরাংগী প্রোজেকশিং শঙ্গাগনি, মীয়ামদা কৎথোক্কনি অমসুং উরেপ-উয়ুং তমগনি।
প্রধান মন্ত্রীনা লুপা করোর ৫৪৫০ রোম চঙনা পায়খৎকদবা গুরুগ্রাম মেত্রো রেল প্রোজেক উরেপ-উয়ুং তমগনি। কিমি ২৮.৫ শাংবা প্রোজেক অসিনা মিল্লেনিয়ম সিতি সেন্তরদগী উদোগ বিহার ফেজ-৫ ফাওবা শম্নগনি অমসুং সাইবর সিতি ময়াদা মাউলসারি এভেনিউ স্তেসন্দা হৌজিক লৈরিবা রেপিদ মেত্রো রেল গুরুগ্রামগী মেত্রো নেতৱার্কতা পুনশিনগনি। মসিনা দ্বারকা এক্সপ্রেসৱেদা স্পুর অমশু লৈগনি। মীয়ামদা মালেম থাক্কী মহৌশাগী অকোয়বগী ফিবম শোকহন্দবা মাস রেপিদ অর্বান ত্রান্সপোর্ত সিস্তেমশিং লৈহন্নবা প্রধান মন্ত্রীগী মঙলান থবক ওইনা পাংথোক্নবা মাইকৈদা থাংজিনবা মরুওইবা খোঙথাং অমনি।
লৈবাক শীনবা থুংনা মীয়ামগী হকশেলগী মচাকশিং ফগৎহন্নবা প্রধান মন্ত্রীগী পান্দমগী শরুক অমা ওইনা, হরিয়ানাগী রেৱারিদা এ.আই.আই.এম.এস শানবা উরেপ-উয়ুং তমগনি। এ.আই.আই.এম.এস রেৱারি অসি রেৱারিগী মাজ্রা মুস্তিল ভালখি খুঙ্গংদা লম একর ২০৩দা শেমগৎকদবনি। মসিদা ফমুং ৭২০গী হোস্পিতাল কমপ্লেক্স, সিত ১০০গী মেদিকেল কলেজ, সিত ৬০গী নর্সিং কলেজ, ফমুং ৩০গী অয়ুস ব্লোক, ওজা অমসুং স্তাফকী ক্বাতর, য়ু.জি অমসুং পি.জি মহৈরোয়শিংগী হোস্তেল, অহিং য়ারেকফম, গেস্ত হাওস অমসুং ওদিতোরিয়ম অসিনচিংবা য়াওরি।
প্রধান মন্ত্রী শ্বাস্থ্যা সুরক্ষা য়োজনা(পি এম এস এস ৱাই)গী মখাদা লিংখৎপা এ.আই.আই.এম.এস রেৱারিনা হরিয়ানাগী মীয়ামদা মগুন লৈবা অনা-লায়য়েংগী খুদোংচাবশিং ফংহনগনি। খুদোংচাবশিংগী মনুংদা কার্দিওলোজি, গাস্ত্রো-ইন্তেরোলোজি, নেফ্রোলোজি, উরোলোজি, নিউরোলোজি, নিউরোসর্জরি, মেদিকেল ওনকোলোজি, সর্জিকেল ওনকোলোজি, ইন্দোক্রাইনোলোজি, বর্ন অমসুং প্লাস্তিক সর্জরি য়াওনা স্পিলিএলিস্ত ১৭ অমসুং সুপরস্পিসিএলিস্ত ১৭ য়াওরি। ইন্সতিতুৎ অসিদা ইন্তেন্সিপ কিয়ার য়ুনিত, ইমর্জেন্সি অমসুং ত্রোমা য়ুনিত, মোদুলার ওপরেসন থিয়েতর ১৬, দাইগ্নোস্তিক লেবোরেতোরিশিং, ব্লদ বেঙ্ক, ফার্মসিগী খুদোংচাবশিংশু লৈগনি। হরিয়ানাদা এ.আই.আই.এম.এস লিংখৎপা অসিনা হরিয়ানাগী মীয়ামদা অপুনা, মগুন লৈবা অমসুং অৱাংবা থাক্কী অনা-লায়য়েংগী খুদোংচাবশিং ফংহনগনি।
প্রধান মন্ত্রীনা কুরুক্ষেত্রা, জয়তিসরদা নৌবা শাবা ‘অনুভাব কেন্দ্র’ অমা শঙ্গাগনি। মিউজম অসি লুপা করোর ২৪০ রোম চঙনা লিংখৎপনি। মিউজম অসি লম একর ১৭ পাক-চাউই অমসুং মনুংদা ইসক্বার ফিত ১০০০,০০০ হেন্না পাক-চাউই। মসিদা মহাভারত অমসুং পুন্সিদা গীতাগী পাউতাকশিং ময়েক শেংনবা উবা ফংগনি। মিউজম অসিদা ওগমেন্তেদ রিএলিতি(এ আর), ৩-দি লেজর অমসুং প্রোজেক্সন মেপ্পিং য়াওনা অৱাংবা থাক্কী অনৌবা তেক্নোলোজি শীজিন্নদুনা য়েংবা লাকপা মীওইশিং নুংঙাইহনগনি। কুরুক্ষেত্রা, জয়তিসর অসি ভাগবান কৃষ্ণনা অর্জুন্দা লোম্বা নাইদ্রবা ভাগবদ গীতাগী লৌশিং তাকপীখিবা শেংলবা মফমনি।
প্রধান মন্ত্রীনা তোঙান-তোঙানবা রেলৱে প্রোজেকশিং উরেপ-উয়ুং তমগনি অমসুং মীয়ামদা কৎথোক্কনি। উরেপ-উয়ুং তমগদৌরিবা প্রোজেকশিংগী মনুংদা রেৱারি-কাথুৱাস রেল লাইন(কিমি ২৭.৭৩) দবল ওনখৎপা; কাথুৱাস-নারনাউল রেল লাইন(কিমি ২৪.১২) দবল ওনখৎপা; ভিৱানি-দোভ ভালি রেল লাইন(কিমি ৪২.৩০) দবল ওনখৎপা অমসুং মনহেরু-বৱানি খেরা রেল লাইন(কিমি৩১.৫০) দবল ওনখৎপা য়াওরি। রেলৱে লাইনশিং অসি দবল ওইহনবা অসিনা লমদম অসিদা রেল ইনফ্রাস্ত্রকচর ফগৎহনগনি অমসুং মী পুবা অমসুং পোৎ-চৈ পুবা রেল অনিমক মতম চানা চেনবদা মতেং পাংগনি। প্রধান মন্ত্রীনা লৈবাক মীয়ামদা রোহতাক-মেহাম-হান্সি রেল লাইন(কিমি ৬৮) কৎথোক্কনি, মসিনা রোহতাক অমসুং হিসারগী মরক্তা চৎপগী মতম হন্থহনগনি। মহাক্না রোহতাক-মেহাম-হান্সি সেক্সন্দা ত্রেন অমশু লমথাগনি, মসিনা রোহতাক অমসুং হিসার লমদমদা রেল পেসেঞ্জরশিং কান্নবা পীগনি।
