Quoteপি.এম.না পুনে মেত্রোগী অরোইবা শরুক অদুবু শ্ঙ্গাবা ওইনা মত্রো ত্রেনশিং লমথারগনি
Quoteমেত্রো স্তেশন খরা অমগী দিজাইন অদু ছত্রপতি শিৱাজি মহারাজদা য়ুমফম ওইরগা শাগৎলকখিবা ৱাখল্লোন্নি
Quoteপি.এম.না পি.এম.এ.ৱাই.গী মখাদা শাখিবা য়ুমশিং অদুবু মীয়ামদা শিন্নরগনি অমসুং উরেপ-উয়ুং তম্লগনি
Quoteপি.এম.না ৱেস্ত তু ইনর্জী প্লান্তশু শঙ্গারগনি
Quoteপি.এম.বু লোমান্যা তিলক নেস্নেল এৱার্দকা লোইননা ইকাইখুম্নরগনি

প্রধান মন্ত্রী, শ্রী নরেন্দ্র মোদীনা ওগস্ত ১দা মহারাস্ত্রগী পুনেদা চৎলগনি। অয়ুক্কী পুং ১১ তাবা মতমদা, প্রধান মন্ত্রীনা দগদুশেথ মন্দিরদা দর্শন অমসুং পুজা পাংথোক্লগনি। অয়ুক্কী পুং ১১.৪৫ তাবা মতমদা মহাকপু লোকমান্যা তিলক নেস্নেল এৱার্দকা লোইননা ইকাইখুম্নরগনি। মসিগী মতুংদা, নুমিৎ য়ুংবা মতুং ১২.৪৫ তাবা মতমদা, প্রধান মন্ত্রীনা মেত্রো ত্রেনশিং লমথারগনি অমসুং চাউখৎ-থৌরাংগী প্রোজেক্তশিং শঙ্গারগনি অমসুং উরেপ-উয়ুং তম্লগনি।

প্রধান মন্ত্রীনা পুনে মেত্রো ফেজ Iগী কোরিদোর অনিগী অরোইবা সেক্সনশিংদা সর্বিসশিং হৌদোকপা ওইনা মেত্রো ত্রেনশিং লমথারগনি। মসিগী সেক্সনশিং অদুদি ফুগেৱাদি স্তেশনদগী সিভিল কোর্ত স্তেশন অমসুং গারৱারে কোলেজ স্তেশনদগী রুবী হোল ক্লিনিক স্তেশন ফাওবনি। ২০১৬দা প্রধান মন্ত্রীনা প্রোজেক্ত অসিগী উরেপ-উয়ুংশু তমখি। অনৌবা সেক্সনশিং অসিনা পুনে সহরগী মরু ওইবা শরুকশিং খুদম ওইনা শিৱাজি নাগর, সিভিল কোর্ত, পুনে মুনিসিপাল কোর্পোরেশন ওফিস, পুনে আর.তি.ও. অমসুং পুনে রেলৱে স্তেশননি। শঙ্গবা অসিনা লৈবাক শিনবা থুংনা নাগ্রিকশিংদা মতম অসিগী অনৌবা অমসুং এনভাইরনমেন্ত ফ্রেনলী ওইবা মাস রেপিদ অর্বান ত্রান্সপোর্ত সীস্তেমশিং পীনবা প্রধান মন্ত্রীগী ভিজন অদুবু মঙফাওনহন্নবগী মাইকৈদা য়াম্না মরু ওইবা খোংথাং অমনি।

রুত অসিদা লৈরিবা মেত্রো স্তেশন খরা অমগী দিজাইনদি ছত্রপতি শিৱাজি মহারাজতগী শাগৎলকপা ৱাখল্লোনদগী শেমখি। ছত্রপতি সমভাজি উদ্যান মেত্রো স্তেশন অমসুং দেকান জীমখানা মেত্রো স্তেশনশিং অসিদা “মাৱালা পগরি” হায়নশু খঙনবা ছত্রপতি শিৱাজি মহারাজকী লান্মীশিংনা উপ্পা লুহুপকা মান্নবা তোপ-তোপ্পা দিজাইন ওই। শিৱাজি নাগর অন্দরগ্রাউন্দ মেত্রো স্তেশনদা ছত্রপতি শিৱাজি মহারাজনা শাবা লানবনবু নিংশিংহনবা য়াম্না তোপ-তোপ্পা দিজাইন ওই।

মসিগী তোপ-তোপ্পা মগুন অমনা, সিভিল কোর্ত মেত্রো স্তেশন অসিদা খ্বাইদগী লুবা শরুক অদু মিতর ৩৩.১ লুদুনা লৈবাক অসিগী খ্বাইদগী লুবা মেত্রো স্তেশনশিংগী মনুংদা অমা ওই। স্তেশনগী রুফ অদু পএলতফোর্মদা নুমিৎ মঙাল চঙগদবা মওংদা শাখি।

প্রধান মন্ত্রীনা পিমপ্রি চিঞ্চৱাদ মুনিসিপাল কোর্পোরেশন (পি.সি.এম.সি.)গী মখাদা ৱেস্ত তু ইনর্জী প্লান্ত শঙ্গারগনি। মসি চাউরাক্না লুপা করোর ৩০০ রোম চংনা শাখি, মসিনা ইলেক্ত্রিসিতী পুথোক্নবা চহি অমদা ৱেস্ত এম.তি. লাখ ২.৫ শিজিন্নরগনি। 

মীপুম খুদিংমক্কী লৈননবা য়ুমশিং পীনবগী মিসন অদুবু ফংনবগী মাইকৈদা চংশিল্লদুনা, প্রধান মন্ত্রীনা পি.সি.এম.সি.না প্রধান মন্ত্রী আৱাজ য়োজনাগী মখাদা শাখিবা য়ুম ১২৮০ হেন্না খুৎশিন্নরগনি। মহাক্না পুনে মুনিসিপাল কোরপোরেশন্না শাবা পি.এম.এ.ৱাই. য়ুম ২৬৫০গী মথক্তা খুৎশিন্নরগনি।  মখাতানা, প্রধান মন্ত্রীনা পি.সি.এম.সি.না শাগদবা পি.এম.এ.ৱাই. য়ুম ১১৯০ রোম উরেপ-উয়ুং তম্লগনি, অমসুং পুনে মেত্রোপোলিতান রিজন দেবেলপমেন্ত ওথোরিতীনা শাগদবা য়ুম ৬৪০০ হেন্না উরেপ-উয়ুং তম্লগনি।

প্রধান মন্ত্রীবু লোকমান্যা তিলক নেস্নেল এৱার্দকা লোইননা ইকাইখুম্নরগনি। এৱার্দ অসি লোকমান্যাতিলক্কী লিগেসীবু ইকাইখুম্ননবা ১৯৮৩দা তিলক স্মারক মন্দির ত্রস্তনা হৌদোকখিবনি। এৱার্দ অসি লৈবাক অসিগী চাউখৎ-থৌরাংগীদমক্তা থবক তৌখিবা অমসুং মখোয়না লৌখিবা থৌদাং অদুবু য়াম্না শিংথানিংঙাই ওইবা অমসুং ময়ামদগী থোইদোক-হেন্দোকপা মীশিংদা পীখি। মসি চহি খুদিংগী ওগস্ত ১ – লোকমান্যা তিলক্না লৈখিবগী কুমওনদা পী।

প্রধান মন্ত্রীনা এৱার্দ অসিবু ফংবা ৪১শুবা মীশক ওইরগনি। মসি মমাংদা শক্নাইরবা মীওই খুদম ওইনা  ফংখিবা কয়া অমগী মনুংদা দা. শঙ্কর দয়াল শর্মা, শ্রী প্রানব মুখর্জী, শ্রী অতল বিহারি ৱাজপায়ী, শ্রীমতি ইন্দিরা গান্ধি, দা. মনমোহন সিং, শ্রী এন.আর. নরায়না মুর্তী, দা. ই. শ্রীধরন য়াওখি।

 

  • bhaskar sen August 08, 2023

    honourable prime minister sir in his visit to Pune was so spontaneous . He signalled off new trains of upgraded types . Honourable prime minister was awarded the rarest Lok Manya Tilak AWARD, All kudos to honourable prime minister sir jai hind 🙏
  • bhaskar sen August 07, 2023

    Honourable prime minister sir 's visit to Pune carries immense importance and honour when Prime minister was awarded the Lok Manya Tilak AWARD,an accolade worth remembering ..ALL KUDOS TO MODIJI JAI HIND 🙏👑
  • bhaskar sen August 06, 2023

    honourable prime minister 's visit to Pune is strategically very well placed , where he was awarded the Lokmanya Tilak AWARD. Congratulations honourable prime minister. many felicitations much glory sir 🙏👏
  • bhaskar sen August 05, 2023

    Honourable prime minister 's to Pune is so important and full of strategic mainstay . Wherever Prime minister visits ,there is a phenomenon created and there lies his innate ability of striking intensity. MODI JI HAI TO MUMKIN HAI. SAAB KA SATH SABKA BIKASH JAI HIND 🙏👑
  • bhaskar sen August 04, 2023

    honourable prime minister 's visit to Pune is marked my mammoth importance and priority
  • bhaskar sen August 03, 2023

    honourable prime minister 's visit is always marked by a unique concept and sensitivity , unparalleled among the leaders the world over . jai hind 🙏
  • VenkataRamakrishna August 03, 2023

    జై శ్రీ రామ్
  • Dr Sudhanshu Dutt Sharma August 03, 2023

    Jai Siya Ram
  • bhaskar sen August 02, 2023

    honourable prime minister 's visit is significant and impactful. jai hind 🙏
  • pramod bhardwaj दक्षिणी दिल्ली जिला मंत्री August 02, 2023

    jaiho
Explore More
প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল

Popular Speeches

প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল
Over 28 lakh companies registered in India: Govt data

Media Coverage

Over 28 lakh companies registered in India: Govt data
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 19 ফেব্রুৱারি, 2025
February 19, 2025

Appreciation for PM Modi's Efforts in Strengthening Economic Ties with Qatar and Beyond