প্রধান মন্ত্রী শ্রী নরেন্দ্র মোদীনা দিসেম্বর 4, 2023দা মহারাস্ত্রদা চৎকনি। নুংথিল পুং 4:15 রোম তারকপদা প্রধান মন্ত্রীনা মহারাস্ত্রগী সিন্ধুদুর্গদা থুংগনি অমসুং রাজকোত ফোর্ত্তা ছত্রপতি শিবাজী মহারাজকী মীতম মাইখুম হাংদোক্কনি। মসিগী মতুংদা প্রধান মন্ত্রীনা সিন্ধুদুর্গদা ‘নেভী দে 2023’গী পালন থৌরমদা শরুক য়াগনি। প্রধান মন্ত্রীনা নেভীগী জহাজশিং, সবমেরিনশিং, এয়রক্রাফ অমসুং স্পেসিএল ফোর্সশিংগী ‘ওপরেস্নেল দেমোনস্ত্রেসন্স’ সিন্ধুদুর্গগী তারকরলী বীচতগী মীৎয়েং তাগনি।
নেভী দে অসি চহি খুদিংগী দিসেম্বর 4দা পালন তৌই। প্রধান মন্ত্রীনা অহানবা ইন্দিজিনস এয়রক্রাফ কেরিয়র INS বিক্রান কম্মিসন তবা মতমদা মমাং চহিদা শীজিন্নবা হৌখিবা অনৌবা নেভেল এনসাইন অসি ইথিল পীখিবা সীলগী মপু ওইরিবা ছত্রপতি শিবাজী মহারাজকী ইনাক খুল্লবা মেরিতাইম হেরিতেজতা ইকাই খুম্নবা উৎপা ওইনা সিন্ধুদুর্গদা ‘নেভী দে 2023’ পালন তৌরি।
চহি খুদিংগী নেভী দেগী থৌরমদা ভারতকী নেভীগী জহাজশিং, সবমেরিনশিং, এয়রক্রাফ অমসুং স্পেসিএল ফোর্সশিংগী ‘ওপরেস্নেল দেমোনস্ত্রেসন্স’ পাঙথোকপগী চৎনবী অমা লৈ। মসিগী ‘ওপরেস্নেল দেমোনস্ত্রেসন্স’ অসিনা মীয়ামদা ভারতকী নেভীনা পাইখৎখিবা মলতি-দোমেন ওপরেসনশিংগী তোঙান-তোঙানবা শক্লোনশিং উবা ফংহল্লি। মসিনা নেভীনা লৈবাক্কী ঙাকশেলদা শরুক তম্মিবশিং অদু মীয়ামদা খঙহনবগা লোয়ননা প্রজাশিংদা মেরিতাইম কন্সিয়সনেস অসিবু থাগৎহল্লি।
