Quoteপ্রধান মন্ত্রী বিক্রম সরাভাই স্পেস সেন্তর(ভি এস এস সি), তিরুবনন্থাপুরমদা চৎকনি অমসুং লুপা করোর ১৮০০ রোমগী মরুওইবা স্পেস ইনফ্রাস্ত্রকচর প্রোজেক অহুম শঙ্গাগনি
Quoteপ্রোজেকশিংগী মনুংদা সাতিস ধৱান স্পেস সেন্তর, শ্রীহরিকোতাদা ‘পি.এস.এল.ভি ইন্তেগ্রেসন ফেসিলিতি; মহেন্দ্রগিরিদা ইসরো প্রোপুলসন কমপ্লেক্সতা ‘সেমি-ক্রাইয়োজেনিক্স ইন্তেগ্রেতেদ ইঞ্জিন এন্দ স্তেচ ফেসিলিতি’ অমসুং ভি.এস.এস.সিদা ‘ত্রাইসোনিক ৱিন্দ তন্নেল’ য়াওরি
Quoteপ্রধান মন্ত্রীনা গগনয়ানগী থবকশিংগী ফিবম য়েংশিনগনি
Quoteপ্রধান মন্ত্রীনা তামিল নাদুদা লুপা করোর ১৭,৩০০ হেনবগী তোঙান-তোঙানবা ইনফ্রাস্ত্রকচর প্রোজেকশিং শঙ্গাগনি, মীয়ামদা কৎথোক্কনি অমসুং উরেপ-উয়ুং তমগনি
Quoteলৈবাক অসিগী নোংপোক থংবা সমুদ্র মপানগী ত্রান্সসিপমেন্ত হব অমা লিংখৎনবা খোঙথাং অমদা, ভি.ও চিদম্বরনার পোর্ততা আউতর হার্বর কেন্তেন্নর তর্মিনেলগী প্রধান মন্ত্রীনা উরেপ-উয়ুং তমগনি
Quoteপ্রধান মন্ত্রীনা ভারতনা শাজবা অহানবা গ্রিন হায়দ্রোজেন ফুয়েল সেল ইনলেন্দ ৱাতরৱেজ ভেসেল হৌদোক্কনি
Quoteপ্রধান মন্ত্রীনা মদুরাইদা ওতোমেতিপ সেক্তরদা থবক তৌরিবা এম.এস.এম.ই ওন্ত্রেপ্রেনিউয়র লিশিং কয়াদা ৱা ঙাংগনি
Quoteপ্রধান মন্ত্রী শ্রী নরেন্দ্র মোদী ফেব্রুৱারি ২৭-২৮,২০২৪ দা কেরলা, তামিল নাদু অমসুং মহারাস্ত্রাদা চৎকনি।
Quoteনুংথিলগী পুং ৫:১৫ রোম তাবদা, প্রধান মন্ত্রীনা মদুরাই, তামিল নাদুদা ‘ক্রেয়েতিং ফিউচর-দিজিতেল মোবিলিতি ফোর ওতোমেতিপ এম.এস.এম.সি ওন্ত্রেপ্রেনিউরস’ থৌরমদা শরুক য়াগনি।
Quoteভি.এস.এস.সিদা ‘ত্রাইসোনিক ৱিন্দ তন্নেল’ শঙ্গাগদৌরিবা অসি ঐখোয়গী তুংগী তেক্নোলোজিগী দরকার ওইবশিং ফংহন্নবা অরুবা তেক্নোলোজিগী সিস্তেম অমনি।
Quoteগগনয়ান মিসন অসি ভারতকী অহানবা মীওইবা শরুক য়াবা স্পেস ফ্লাইত প্রোগ্রামনি অমসুং মসিগীদমক তোঙান-তোঙানবা ইসরো সেন্তরশিংদা অকনবা শেম-শাবগী থবকশিং চৎথরি।
Quoteঅচৌবা ইনফ্রাস্ত্রকচর প্রোজেক অসিনা লমদম অসিদা থবক ফংবা অমসুং শেন-থুম চাউখৎপা হেনগৎহনগনি।

প্রধান মন্ত্রী শ্রী নরেন্দ্র মোদী ফেব্রুৱারি ২৭-২৮,২০২৪ দা কেরলা, তামিল নাদু অমসুং মহারাস্ত্রাদা চৎকনি।

ফেব্রুৱারি ২৭ তা, চাউরাক্নবা অয়ুক্কী পুং ১০:৪৫ রোম তাবদা, প্রধান মন্ত্রী বিক্রম সরাভাই স্পেস সেন্তর(ভি এস এস সি), তিরুবনন্থাপুরম, কেরলাদা চৎকনি। নুংথিলগী পুং  ৫:১৫ রোম তাবদা, প্রধান মন্ত্রীনা মদুরাই, তামিল নাদুদা ‘ক্রেয়েতিং ফিউচর-দিজিতেল মোবিলিতি ফোর ওতোমেতিপ এম.এস.এম.সি ওন্ত্রেপ্রেনিউরস’ থৌরমদা শরুক য়াগনি।

ফেব্রুৱারি ২৮গী অয়ুক পুং ৯:৪৫ রোম তাবদা, প্রধান মন্ত্রীনা তামিল নাদুগী তোতুকুদিদা লুপা করোর ১৭,৩০০ হেনবগী তোঙান-তোঙানবা ইনফ্রাস্ত্রকচর প্রোজেকশিং শঙ্গাগনি, মীয়ামদা কৎথোক্কনি অমসুং উরেপ-উয়ুং তমগনি। নুংথিল পুং ৪:৩০ রোম তাবদা, প্রধান মন্ত্রীনা মহারাস্ত্রাগী য়াভাতমালদা মীয়ামগী থৌরম অমা শরুক য়াগনি অমসুং মফম অদুদা লুপা করোর ৪৯০০ হেনবগী তোঙান-তোঙানবা ইনফ্রাস্ত্রকচর প্রোজেকশিং শঙ্গাগনি, মীয়ামদা কৎথোক্কনি অমসুং উরেপ-উয়ুং তমগনি। মহাক্না থৌরম অদুদা পি.এম কিষান অমসুং অতোপ্পা স্কিমশিংগী কান্নবশিং য়েন্থোক্কনি।

কেরলাদা প্রধান মন্ত্রী

লৈবাক অসিগী স্পেস সেক্তরগী খুদোংচাবশিং মপুংফানা শীজিন্ননবা সেক্তর অসি অওনবা পুরক্নবা প্রধান মন্ত্রীনা অশানবা মীৎয়েং অমসুং সেক্তর অসিদা তেক্নিকেল অমসুং আর অমসুং দিগী তৌবা ঙম্বা হেনগৎহন্নবা মহাক্না থাজবা পীখিবা অদু থবক ওইনা পাংথোক্তুনা বিক্রম সরাভাই স্পেস সেন্তর(ভি এস এস সি), তিরুবনন্থাপুরমদা মহাক্কী খোঙচৎ মনুংদা লুপা করোর ১৮০০ রোমগী মরুওইবা স্পেস ইনফ্রাস্ত্রকচর প্রোজেক অহুম শঙ্গাগনি। প্রোজেকশিংগী মনুংদা সাতিস ধৱান স্পেস সেন্তর, শ্রীহরিকোতাদা ‘পি.এস.এল.ভি ইন্তেগ্রেসন ফেসিলিতি; মহেন্দ্রগিরিদা ইসরো প্রোপুলসন কমপ্লেক্সতা অনৌবা ‘সেমি-ক্রাইয়োজেনিক্স ইন্তেগ্রেতেদ ইঞ্জিন এন্দ স্তেচ ফেসিলিতি’ অমসুং ভি.এস.এস.সিদা ‘ত্রাইসোনিক ৱিন্দ তন্নেল’ য়াওরি। স্পেসকী লমদা মালেম থাক্কী তেক্নিকেলগী খুদোংচাবশিং পীরিবা প্রোজেক অহুম অসি লুপা করোর ১৮০০ রোমগী অপুনবা শেনফম অমনা শেমগৎপনি।

সাতিস ধৱান স্পেস সেন্তর, শ্রীহরিকোতাগী ‘পি.এস.এল.ভি ইন্তেগ্রেসন ফেসিলিতি(পি আই এফ)না পি.এস.এল.ভি থাগৎপা হেনগৎহন্দুনা চহি অমদা ৬তগী ১৫ ফাওবা থাগৎকনি। অৱাংবা থাক্কী ফেসিলিতি অসিদা এস.এস.এল.ভি অমসুং  লনাই স্পেস কম্পেনিশিংনা দিজাইন তৌবা অপীকপা লঞ্চ ভেহিকলশিং মথৌ পাংথোকপা য়াগনি।

মহেন্দ্রগিরিদা ইসরো প্রোপুলসন কমপ্লেক্সতা লৈরিবা অনৌবা ‘সেমি-ক্রাইয়োজেনিক্স ইন্তেগ্রেতেদ ইঞ্জিন এন্দ স্তেচ ফেসিলিতি’ অসিনা সেমি ক্রাইয়োজেনিক ইঞ্জিনশিং অমসুং স্তেজশিং শেমগৎপা ঙমহনগনি অমসুং হৌজিক লৈরিবা লঞ্চ ভেহিকলশিংগী পেলোদ পুবা ঙম্বগী শক্তি হেনগৎহনগনি। ফেসিলিতি অসিদা তন ২০০ ফাওবগী থ্রস্তকী ইঞ্জিনশিং চাংয়েং তৌনবা লিকুইত ওক্সিজেন অমসুং কেরোসিন সপ্লাই সিস্তেমশিং য়াওরি।

অতিয়াদা পাইরিঙৈ মনুংদা রোক্কেতশিং অমসুং এয়রক্রাফকী মগুনশিং খঙদোক্নবা এরোদাইনামিক্স চাংয়েং তৌনবা ৱিন্দ তন্নেলশিং য়াম্না তঙাইফদে। ভি.এস.এস.সিদা ‘ত্রাইসোনিক ৱিন্দ তন্নেল’ শঙ্গাগদৌরিবা অসি ঐখোয়গী তুংগী তেক্নোলোজিগী দরকার ওইবশিং ফংহন্নবা অরুবা তেক্নোলোজিগী সিস্তেম অমনি।

মহাক্কী খোঙচৎ অদুদা, প্রধান মন্ত্রীনা গগনয়ান মিসনগী পায়খৎলিবা থবকশিংগী ফিবম য়েংশিনগনি অমসুং এস্ত্রোনেত ওইরগদবশিংদা ‘এস্ত্রোনোত ৱিংস’ নপকনি। গগনয়ান মিসন অসি ভারতকী অহানবা মীওইবা শরুক য়াবা স্পেস ফ্লাইত প্রোগ্রামনি অমসুং মসিগীদমক তোঙান-তোঙানবা ইসরো সেন্তরশিংদা অকনবা শেম-শাবগী থবকশিং চৎথরি।

তামিল নাদুদা প্রধান মন্ত্রী

মদুরাইদা, প্রধান মন্ত্রীনা ‘ক্রেয়েতিং ফিউচর-দিজিতেল মোবিলিতি ফোর ওতোমেতিপ এম.এস.এম.সি ওন্ত্রেপ্রেনিউরস’ থৌরমদা শরুক য়াগনি অমসুং ওতোমেতিপ সেক্তরদা থবক তৌরিবা এম.এস.এম.ই ওন্ত্রেপ্রেনিউয়র লিশিং কয়াদা ৱা ঙাংগনি। ভারতকী ওতোমেতিপ সেক্তরদা এম.এস.এম.ইশিং ফগৎহন্নবা অচৌবা দিজাইনগী থবক অনি প্রধান মন্ত্রীনা হৌদোক্কনি। থবকশিং অদুগী মনুংদা তি.ভি.এস ওপন মোবিলিতি প্লেতফোর্ম  অমসুং তি.ভি.এস মোবিলিতি-সি.আই.আই সেন্তর ওফ এক্সলেন্সনি। হায়রিবা থবকশিং অসি লৈবাক অসিদা এম.এস.এম.ইশিং চাউখৎনবা মতেং পাংনবা অমসুং ওপরেসনশিং মওং-মরিল তানা পাংথোক্নবা মখোয়গী মতেং পাংনবা, মালেমগী ভেলু চেনশিংগা পুনশিন্নবা অমসুং অত্মনির্ভর ওইনবা প্রধান মন্ত্রীগী মঙলানা মঙফাওনবা ঙম্নবা মাইকৈদা থাংজিনবা খোঙথাং অমনি।

তোতুকোদিদা পাংথোকপা মীয়ামগী থৌরম অমদা, ভি.ও চিদম্বরনার পোর্ততা আউতর হার্বর কেন্তেন্নর তর্মিনেলগী প্রধান মন্ত্রীনা উরেপ-উয়ুং তমগনি। মসিগী কন্তেন্নর তর্মিনেল অসি নোংপোক থংবা সমুদ্র মপানগীদমক ভি.ও চিদম্বরনার পোর্ত ত্রান্সসিপমেন্ত হব অমা ওন্থোক্নবা মাইকৈদা থাংজিনবা খোঙথাং অমনি। প্রোজেক অসিনা ভারতকী শাংলবা সমুদ্র খোঙবাল অমসুং লম্মিৎ-তুমিৎকী খুদোংচাবা মফমশিং শীজিন্ননবা পান্দম থম্লি অমসুং মালেমগী ললোন-ইতিক্কী লমদা ভারতনা চাংদম্নবা ঙম্বগী  থৌনা হেনগৎহনগনি। অচৌবা ইনফ্রাস্ত্রকচর প্রোজেক অসিনা লমদম অসিদা থবক ফংবা অমসুং শেন-থুম চাউখৎপা হেনগৎহনগনি।

 

ভি.ও চিদম্বরনার পোর্ত অসি লৈবাক অসিগী অহানবা গ্রিন হায়দ্রোজেন হব পোর্ত ওইহন্নবা পান্দম থমদুনা প্রধান মন্ত্রীনা তোঙান-তোঙানবা অতোপ্পা প্রোজেকশিং শঙ্গাগনি। হায়রিবা প্রোজেকশিংগী মনুংদা দিসেলিনেসন প্লান্ত, হায়দ্রোজেন পুথোকপা অমসুং বঙ্করগী খুদোংচাবা য়াওরি।

হরিত নৌকা ইনিসিয়েতিপকী মখাদা প্রধান মন্ত্রীনা ভারতনা শাজবা অহানবা গ্রিন হায়দ্রোজেন ফুয়েল সেল ইনলেন্দ ৱাতরৱেজ ভেসেল হৌদোক্কনি। ভেসেল অসি কোচিন সিপয়ার্দনা শাবনি অমসুং মৈখু থাংবদা ইনর্জি শীজিন্নবা অমসুং লৈবাক অসিগী মৈখু অমতা থাদোক্তবা হায়বা পান্দম অদু ফংনবা মরুওইবা মাঙজিল থাবা থবক অমনি। থৌরম অদুদা, প্রধান মন্ত্রীনা রাজ্য/য়ু.তি ১০ শীনবা থুংনা লাইতহাওস ৭৫দা লমকোয়বা মীওইশিংগী খুদোংচাবশিংশু মীয়ামদা কৎথোক্কনি। 

থৌরম অদুদা, প্রধান মন্ত্রীনা বাঞ্চি মনিয়াচচি-তুরুনেলবেলি সেক্সন অমসুং মেলাপ্পালায়াম-অরালবাইমোলি সেক্সন য়াওনা বাঞ্চি মনিয়াচচি-নাগরকোইল রেল দবল ওনখৎপগী রেল প্রোজেক মীয়ামদা কৎথোক্কনি। লুপা করোর ১,৪৭৭ চঙনা শেমগৎপা দবল ওনখৎপগী প্রোজেক অসিনা চেন্নাইদগী কন্যাকুমারি, নাগরকোইল অমসুং তিরুনেলবেলি য়ৌবা ত্রেনশিংগী চৎথোক-চৎশিনগী মতম হন্থহনবদা মতেং পাংগনি।

প্রধান মন্ত্রীনা তামিল নাদুদা লুপা করোর ৪,৫৮৬ চঙনা পায়খৎপা লম্বীগী প্রোজেক মরি মীয়ামদা কৎথোক্কনি। হায়রিবা প্রোজেকশিংগী মনুংদা এন.ঐচ-৮৪৪গী জিত্তানদাহাল্লি-ধর্মাপুরি সেক্সন লেন মরি ওইহনবা, এন.ঐচ-৮১গী মীনসুরুত্তি-চিদম্বরম সেক্সনগী পেপ সোলজরগা লোয়ননা লেন অনি ওইহনবা, এন.ঐচ-৮৩গী ওদ্দানচাত্রম-মদাতুকুলাম সেক্সন লেন মরি ওইহনবা অমসুং এন.ঐচ-৮৩গী নাগাপত্তিনম-তাঞ্জাপুর সেক্সন পেপ সোলজরগা লোয়ননা লেন অনি ওইহনবা য়াওরি। হায়রিবা প্রোজেকশিং অসিনা চৎথোক-চৎশিন ফগৎহন্নবা, চৎপগী মতম হন্থহন্নবা, খুন্নাইগী শেন-থুমগী ফিবম ফগৎনবা অমসুং লমদম অসিদা লাই খুরুম্বা লাকপশিং খুদোংচাহন্নবা পান্দম থম্লি।

মহারাস্ত্রাদা প্রধান মন্ত্রী

লৌমীশিংগী য়াইফনবা প্রধান মন্ত্রীনা থবক ওইনা পায়খৎপগী অতোপ্পা খুদম অমা ওইনা, য়াবাতমালদা পাংথোকপা মীয়ামগী থৌরম অমদা, দাইরেক্ত বেনিফিতস ত্রান্সফরগী খুৎথাংদা বেনিফিসরিশিংদা, প্রধান মন্ত্রী কিষান সম্মান নিধি(পিএম-কিষান)গী মখাদা লুপা করোর ২১,০০০ রোমগী ১৬শুবা ইন্সতোলমেন্তগী শেনফম থাদোক্কনি। মসিগী শেনফম অসিগা লোয়ননা, লৌমীশিংগী ইমুং করোর ১১ হেনবদা লুপা করোর ৩ হেনবগী শেনফম থাদোকখ্রে।

প্রধান মন্ত্রীনা ‘নমো সেতকারি মহাসন্মান নিধি’গী মখাদা লুপা করোর ৩৮০০ রোমগী ২শুবা অমসুং ৩শুবা ইন্সতোলমেন্ত থাদোক্কনি অমসুং মহারাস্ত্রা শীনবা থুংবগী বেনিফিসরি লৌমী লাখ ৮৮ কান্নবা ফংগনি। স্কিম অসিনা মহারাস্ত্রাগী পি.এম কিষান সম্মান নিধি য়োজনাগী বেনিফিসরিশিংদা চহি অমদা লুপা ৬০০০গী অহেনবা শেনফম অমা পীরি।

প্রধান মন্ত্রীনা মহারাস্ত্রা শীনবা থুংবগী নুপীশিংগী সেল্ফ-হেল্প গ্রুপ লাখ ৫.৫ তা লুপা করোর ৮২৫ গী রিভোলভিং ফন্দ য়েন্থোক্কনি। শেনফম অসি নেসনেল রুরেল লাইফলিহুদ মিসন(এন আর এল এম)গী মখাদা ভারত সরকারনা পীখিবা রিভোলবিং ফন্দগী মথক্তা পীবনি। সেল্ফ-হেল্প গ্রুপশিংগী মনুংদা ওন ওন্দুনা শেন শান্দোকপা পুক্নিং থৌগৎনবা অমসুং খুঙ্গংদা নুপীশিংনা মপু ওইবা মাইক্রো ইন্তরপ্রাইজশিং য়োকখৎতুনা লায়রবা ইমুংশিংগী চহিগী শেন্থোক হেনগৎনবা রিভোলবিং ফন্দ(আর এফ) পীবনি।

প্রধান মন্ত্রীনা মহারাস্ত্রা শীনবা থুংনা অয়ুস্মান কার্দ করোর ১ য়েন্থোকপগী থৌরম হৌদোক্কনি। মসি সরকারগী স্কিমশিং চাদা ১০০ থবক ওইনা পাংথোক্নবা প্রধান মন্ত্রীগী মঙলান মঙফাওন্নবা য়াইফ-থৌরাংগী স্কিমশিংগী বেনিফিসরিশিং য়ৌনবা অতোপ্পা খোঙথাং অমনি। মহারাস্ত্রাগী ও.বি.সি বেনিফিসরিশিংগীদমক প্রধান মন্ত্রীনা মোদী অৱাস ঘরকুল য়োজনা হৌদোক্কনি। স্কিম অসিগী মখাদা শেনবা চহি ২০২৩-২৪ দগী শেনবা চহি ২০২৫-২৬ ফাওবা য়ুম লাখ ১০ শাগনি। প্রধান মন্ত্রীনা য়োজনা অসিগী বেনিফিসরি লাখ ২.৫ তা অহানবা ইন্সতোলমেন্তগী লুপা করোর ৩৭৫ য়েন্থোক্কনি।

প্রধান মন্ত্রীনা মহারাস্ত্রাগী মরাথাৱারা অমসুং বিদরভা লমদমদা কান্নবা পীগদবা তোঙান-তোঙানবা ইথৈ-লৌখোংগী প্রোজেকশিং লৈবাক্কী মীয়ামদা কৎথোক্কনি। প্রোজেকশিং অদু প্রধান মন্ত্রী কৃষি সিঞ্চাই য়োজনা(পি এম কে এস ৱাই) অমসুং বালিরাজা জল সঞ্জীবনি য়োজনা(বি জে এস ৱাই)গী মখাদা লুপা করোর ২৭৫০ হেন্না চঙনা পায়খৎপনি।

প্রধান মন্ত্রীনা মহারাস্ত্রাদা লুপা করোর ১৩০০ হেনবগী তোঙান-তোঙানবা রেল প্রোজেকশিং শঙ্গাগনি। প্রোজেকশিংগী মনুংদা ৱার্ধা-কলাম্বা ব্রোদ গেজ লাইন(ৱার্ধা-য়াবতমাল-নন্দেদ অনৌবা ব্রোদ গেল লাইন প্রোজেক্কী শরুক) অমসুং নিউ এস্তি-অমালনর ব্রোদ গেজ লাইন( অহমেদনাগর-বিদ-পার্লি অনৌবা ব্রোদ গেজ লাইন প্রোজেক্কী শরুক) য়াওরি। অনৌবা ব্রোদ গেজ লাইনশিংনা মরাথাৱারা অমসুং বিদরভা লমদমদা চৎথোক-চৎশিনগী ফিবম ফগৎহনগনি অমসুং খুন্নাই অমসুং শেন-থুম চাউখৎহনগনি।

থৌরম অদুদা প্রধান মন্ত্রীনা ভর্চুএল ওইনা ত্রেন অনি লমথাগনি। মসিগী মনুংদা কলাম্বা অমসুং ৱার্ধা শম্নবা ত্রেন; অমসুং অমালনর অমসুং নিউ অস্তি শম্নবা ত্রেন য়াওরি। অনৌবা ত্রেন চেনবা অসিনা রেলদা চৎথোক-চৎশিনগী খুদোংচাবা হেনগৎহনগনি অমসুং লমদম অসিগী মহৈরোয়শিং, ললোনবশিং অমসুং নুমিৎ খুদিংগী চৎথোক-চৎশিন তৌরিবা মীওইশিংদা কান্নবা পীরগনি।

প্রধান মন্ত্রীনা মহারাস্ত্রদা লম্বীগী সেক্তর ফগৎহন্নবা তোঙান-তোঙানবা প্রোজেকশিং লৈবাক মীয়ামদা কৎথোক্কনি। প্রোজেকশিংগী মনুংদা এন.ঐচ-৯৩০গী ৱারোরা-ৱানি সেক্সন লেন মরি ওইহনবা; সাকোলি-ভান্দারা অমসুং সালাইখুর্দ-তিরোরা শম্নবা মরুওইবা লম্বীশিং ফগৎহন্নবা প্রোজেকশিং য়াওরি। হায়রিবা প্রোজেকশিং অসিনা চৎথোক-চৎশিনগী খুদোংচাবা হেনগৎহনগনি, চৎপগী মতম হন্থহনগনি, খুন্নাইগী শেন-থুমগী ফিবম ফগৎনগনি। প্রধান মন্ত্রীনা য়াবতমাল সহরদা পন্দিৎ দীনদয়াল উপধ্যায়গী মীতম অমা মাইখুম হাংদোক্কনি।

 

 

Explore More
প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল

Popular Speeches

প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল
Raj Kapoor’s Iconic Lantern Donated To PM Museum In Tribute To Cinematic Icon

Media Coverage

Raj Kapoor’s Iconic Lantern Donated To PM Museum In Tribute To Cinematic Icon
NM on the go

Nm on the go

Always be the first to hear from the PM. Get the App Now!
...
Prime Minister Narendra Modi to participate in the Post-Budget Webinar on "Agriculture and Rural Prosperity"
February 28, 2025
QuoteWebinar will foster collaboration to translate the vision of this year’s Budget into actionable outcomes

Prime Minister Shri Narendra Modi will participate in the Post-Budget Webinar on "Agriculture and Rural Prosperity" on 1st March, at around 12:30 PM via video conferencing. He will also address the gathering on the occasion.

The webinar aims to bring together key stakeholders for a focused discussion on strategizing the effective implementation of this year’s Budget announcements. With a strong emphasis on agricultural growth and rural prosperity, the session will foster collaboration to translate the Budget’s vision into actionable outcomes. The webinar will engage private sector experts, industry representatives, and subject matter specialists to align efforts and drive impactful implementation.