পি.এম.না লুপা করোর ৩৪০০ হেনবগী কন্নেক্তিভিতী প্রোজেক্তশিংগী উরেপ উয়ুং তমগনি
পি.এম.না গৌরিকুন্দগা কেদরনাথকা অদুগা গোবিন্দঘাৎকা হেমকুন্দ সাহিবকা শম্নহনগদবা অনৌবা রোপৱে প্রোজেক্তশিংগী উরেপ উয়ুং তমগনিগৌরিকুন্দতগী কেদরনাৎ ফাওবগী রোপৱেনা খোঙচৎকী মতম পুং ৬-৭তগী শুপ্নতগী মিনৎ ৩০দা হন্থহল্লগনিগোবিন্দঘাত্তগী হেমকুন্দ সাহিব ফাওবগী রোপৱেনা খোঙচৎকী মতম নোংমা চঙলমবদগী শুপ্নতগী মিনৎ ৪৫দা হন্থহল্লগনিপি.এম.না ওল ৱেদর বোর্দর রোদ কন্নেক্তিভিতীগী ফীভম ফগৎহন্নবা লুপা করোর ১০০০রোমগী লম্বী পাকথোকপগী প্রোজেক্তশিংগী উরেপ উয়ুং তমগনিপ্রোজেক্তশিং অসিনা লমদম অসিদা কন্নেক্তিভিতী অমসুং রিলিজিয়স তুরিজমগী ফীভম ফগৎহল্লগনিপ্রধান মন্ত্রী শ্রী নরেন্দ্র মোদী ওক্তোবর ২১দা উত্তরাখন্দদা চৎকদৌরি। কেদরনাথতা অয়ুক পুং ৮::৩০ রোম তারকপা মতমদা, মহাক্না শ্রী কেদরনাথ লাইশঙদা দর্শন অমসুং পুজা পাঙথোক্কনি। অয়ুক পুং ৯লোম তাবা মতমদা, প্রধান মন্ত্রীনা কেদরনাথ রোপৱে প্রোজেক্তকী উরেপ উয়ুং তমগনি। তুংদা, মহাক্না আদি গুরু শঙ্করঅচার্য় সমাধী স্থলদা চৎকনি। অয়ুক পুং ৯:২৫রোম তাবা মতমদা, প্রধান মন্ত্রীনা মন্দাকিনী অস্থপথ অমসুং সরস্বতী অস্থপথ শেমগৎ শাগৎপগী থবক্কী ফীভম য়েংশিনগনি।
তুংদা, প্রধান মন্ত্রীনা বদ্রিনাথ চত্তুনা মফমদুদা অয়ুক পুং ১১:৩০রোম তারকপদা প্রধান মন্ত্রীনা শ্রী বদ্রিনাথ লাইশঙদা দর্শন অমসুং পুজা পাঙথোক্কনি। নুমিৎয়ুংবা পুং ১২ তারকপা মতমদা, মহাক্না রিভরফ্রন্ত শেমগৎপগী থবক্কী ফীভম য়েংশিনগনি, তুংদা নুংথিল পুং ১২:৩০ তাবা মতমদা মনা খুঙ্গঙদা লম্বী অমসুং রোপৱে প্রোজেক্তকী উরেপ উয়ুং তমগনি। তুংদা, নুংথিল পুং ২রোম তারকপদা, এরাইভেল প্লাজা অমসুং পাৎ শেমগৎ শাগৎপগী থবক্কী ফীভম মহাক্না য়েংশিনগনি।
কেদরনাথকী রোপৱে অসি কিলোমিতর ৯.৭লোম শাংই অমদি গৌরিকুন্দবু কেদরনাথকা শম্নহন্দুনা চৎপদা চঙবা মতম পুং ৬-৭তগী শুপ্নতগী মিনৎ ৩০রোমদা হন্থহনগনি। হেমকুন্দ রোপৱেনা গোবিন্দঘাৎকা হেমকুন্দ হাহিবকা শম্নহনগনি। মসি কিলোমিতর ১২.৪রোম শাংগনি অমদি চৎপদা চঙবা মতম নোংমদগী শুপ্নতগী মিনৎ ৪৫রোমদা হন্থহনগনি। রোপৱে অসিনা ভেলী ওফ ফ্লৱার্স নেস্নেল পার্ক্কী চঙফম ওইরিবা ঘঙ্গারিয়াগসু শম্নহনগনি।
লুপা করোর ২৪৩০রোম চঙনা শেমগৎকদবা রোপৱেশিং অসি সেফ, সিক্যুর অমদি স্তেবল ওইবা ত্রান্সপোর্তকী খুদোংচাবা পীগদবা অকোয়বগী ফীভমদা কায়হল্লোইদবা চত্থোক চৎশিনগী পাম্বৈ অমনি। হায়রিবা অচৌবা ইনফ্রাস্ত্রকচর শেমগৎলিবা অসিনা রিলিজিয়স তুরিজমদা ইনোৎ অমা হাপ্তুনা লমদমসিদা শেন্মিৎলোন চাওখৎপদা মতেং ওইগনি অমদি থবক পীনবগী খুদোংচাবা কয়াসু শেম্লক্কনি।
মহাক্কী খোঙচৎ মনুংদা লুপা করোর ১০০০রোমগী ওইগদবা লম্বী পাকথোকপগী প্রোজেক্তশিংগী উরেপ উয়ুংসু তম্লমগনি। মনাদগী মনা পাস (এন.ঐজ. ০৭) অমসুং জোসিমথতগী মলারি (এন.ঐচ. ১০৭বি) হায়রিবা লম্বী পাকথোকপগী প্রোজেক্ত অনিসিনা ঐখোয়গী ঙমখৈগী মফমদা লাস্ত মাইল ওল ৱেদর রোদ কন্নেক্তিভিতী ফংহন্নবগী খোঙথাঙ অমা ওইরগনি। কন্নেক্তিভিতী ফগৎহনবতা নত্তনা, প্রোজেক্তশিং অসিনা স্ত্রেতেজিক ওইবা মীৎয়েঙদগীসু কান্নবা ওইরক্কনি।
কেদরনাথ অমসুং বদ্রিনাথ অসি খ্বাইদগী মরুওইবা হিন্দু লাইশঙশিংগী মনুং চল্লি। মফম অসি শেংলবা সিখকী লাই খুরুম্ফম – হেমকুন্দ সাহিবকীদমকসু খঙনৈ। পায়খৎলিবা কন্নেক্তিভিতী প্রোজেক্তশিং অসিনা লাইনিংগা মরী লৈনবা মফমশিংদা চত্থোক চৎশিন তৌবা লায়হন্নবা অমদি তঙাই ফদনা চঙদবা য়াদ্রবা মচাক মথুমশিংগী ফীভম ফগৎহন্নবগী প্রধান মন্ত্রীগী খোঙফম উৎলি।
