২০২১গী দিসেম্বর ২৮দা প্রধান মন্ত্রী শ্রী নরেন্দ্র মোদী কানপুর চৎলগনি অমদি নুংথিলগী পুং ১:৩০ তাবা অদুৱাইদা কানপুর মেত্রো রেল প্রোজেক্তকী শাবা লোইরবা সেক্সন অদু শঙ্গারগনি৷ থৌরম অসিগী মনুংদা, প্রধান মন্ত্রীনা বিনা-পানকি মল্তিপ্রদক্ত পাইপলাইন প্রোজেক্তসু শঙ্গারগনি৷ মসিগী মাংওইননা, প্রধান মন্ত্রীনা অয়ুক্কী পুং ১১ মতম অদুৱাইদা আই.আই.তি. কানপুরগী ৫৪শুবা কনভোকেসন থৌরমদা শরুক য়াগনি৷
অর্বান মোর্বিলিতী ফগৎহনবা হায়বসিনা প্রধান মন্ত্রীগী মরু ওইনা মীৎয়েং চংলিবা এরিয়াশিংগী মনুংদা অমনি৷ হিরম অসিদা কানপুর মেত্রো রেল প্রোজেক্তকী শাবা লোইশিল্লবা সেক্সনবু শঙ্গাবা হায়বসিনা অতোপ্পা খোঙথাং অমা ওইরি৷ মসিগী লোইশিল্লবা কি.মি. ৯ শাংলিবা লম্বী অসি আই.আই.তি. কানপুরদগী মোতি ঝীল ফাওবা শাংই৷ প্রধান মন্ত্রীনা কানপুর মেত্রো রেল প্রোজেক্ত য়েংশিনগনি অমদি আই.আই.তি. মেত্রো স্তেসনদগী গীতা নগর ফাওবা ত্রেন তোংদুনা চৎকনি৷ কানপুরদা লৈরিবা মেত্রোল রেল প্রোজেক্তকী অপুনবা অশাংবা অসি কি.মি. ৩২নি, অমদি মসি লুপা কোতি ১১,০০০ হেন্না থাদদুনা শেমগৎলিবনি৷
প্রধান মন্ত্রীনা বিনা-পানকি মল্তিপ্রদক্ত পাইপলাইন প্রোজেক্ত শঙ্গারগনি৷ কি.মি. ৩৫৬ শাংবা প্রোজেক্ত অসিদা চহিগী চাওরাক্না মিলিয়ন মেত্রিক তন ৩.৪৫গী কেপাসিতী অমা লৈ৷ মধ্য প্রদেশকী বিনা রিফাইনরীদগী কানপুরগী পানকি ফাওবা শাংদোক্তুনা, প্রোজেক্ত অসি লুপা কোতি ১৫০০ হেন্না থাদদুনা শেমগৎখিবনি৷ মসিনা লমদম অসিদা বিনা রিফাইনরীদগী পুথোরক্লিবা পেত্রোলিয়ম প্রদক্তশিং অসি ফংহনবদা মতেং পাংলগনি৷
আই.আই.তি. কানপুরগী ৫৪শুবা কনভোকেসন থৌরমদা প্রধান মন্ত্রীনা অথোইবা মীথুংলেন ওইগনি৷ থৌরম অসিদা, নেস্নেল ব্লোকচেন প্রোজেক্তকী মখাদা ইন্সতিত্যুৎ অসিদা শেমজবা ইন-হাউস ব্লোকচেন-দ্রাইবন তেক্নোলোজী অমগী খুৎথাংদা দিজিতেল দীগ্রীশিং মহৈরোই পুম্নমক্তা ইসু তৌগনি৷ প্রধান মন্ত্রীনা ব্লোকচেন বেজ দিজিতেল দিগ্রীশিং লোঞ্চ তৌগনি৷ হায়রিবা দিজিতেল দিগ্রীশিং অসি মালেম পুম্বনা ভেরিফাই তৌবা য়াই অমদি শেমদোকপা ঙমদে৷
