পি.এম.না অম্বাজী লাইশঙদা পুজা অমসুং দর্শন তৌগনি
পি.এম.না মেহসানাদা চাউরাক্না লুপা করোর 5,800কী প্রোজেক্ত কয়া শঙ্গাগনি, মীয়ামদা খুৎশিন্নগনি অমসুং উরেপ উয়ুংসু তমগনিপি.এম.না কেবারিয়াদা পাংথোক্কদবা রাস্ত্রিয় এক্তা দিবস থৌরমদা শরুক য়াগনিপি.এম.না কেবারিয়াদা চাউখৎ থৌরাংগী প্রোজেক্ত কয়া শঙ্গাবগা লোয়ননা উরেপ উয়ুং তমগনিপি.এম.না আরম্ভ 5.0 লোইশিনবা ওইনা 98শুবা কম্মন ফাউন্দেসন কোর্সকী ওফিসর ত্রেনীশিংগী মফমদা ৱা ঙাঙগনিপ্রধান মন্ত্রী, শ্রী নরেন্দ্র মোদীনা ওক্তোবর 30-31দা গুজরাত্তা চৎকনি। মহাক্না ওক্তোবর 30গী অয়ুক্কী চাউরাকপা পুং 10:30 তাবা মতমদা, অম্বাজী লাইশঙদা পুজা অমসুং দর্শন তৌগনি। মরম অদুনা, মখা তারকপা ওইনা, নুমিৎ য়ুংবা, পুং 12তা মহাক্না খেরালু, মেহসানাদা চাউখৎ থৌরাংগী তোঙান-তোঙানবা প্রোজেক্ত কয়া শঙ্গাগনি, জাতিদা কত্থোক্কনি অমসুং উরেপ উয়ুংসু তমগনি। ওক্তোবর 31গী অয়ুক্কী পুং 8 তাবা মতমদা, মহাক্না কেবারিয়াদা চত্তুনা স্তেচ্যু ওফ য়ুনিতীদা হৈকৎ-লৈকৎ তমগনি। রাস্ত্রিয় এক্তা দিবসকী নুংঙাইবা ফোংদোকপগী থৌরম্না মহাক্কী মহা তারকপা থৌরম ওইগনি। মসিগা লোয়ননা, মহাক্না তোঙান-তোঙানবা প্রোজেক্ত কয়া শঙ্গাবগা লোয়ননা উরেপ উয়ুং তমগনি। মদুগী মতুংদা, অয়ুক্কী চাউরাকপা পুং 11:15দা, মহাক্না আরম্ভ 5.0গী 98শুবা কম্মন ফাউন্দেসন কোর্সকী ওফিসর ত্রেনীশিংগী মফমদা ৱা ঙাঙগনি।
পি.এম.না মেহসানাদা পাংথোক্কদবশিং
প্রধান মন্ত্রীনা রেল, রোদ, থক্নবা ঈশিং অমসুং ইথৈ-লৌখোঙগুম্বা তোঙান-তোঙানবা সেক্তরশিংগী চাউরাকপা লুপা করোর 5,800কী প্রোজেক্তশিং শঙ্গাগনি, লৈবাক মীয়ামদা খুৎশিন্নগনি অমসুং উরেপ উয়ুংসু তমগনি।
ঙসি লৈবাক মীয়ামদা খুৎশিন্নগদবা অমসুং শঙ্গাগদবা প্রোজেক্তশিং অদুদি ৱেস্তর্ন দেদিকেতেদ ফ্রৈত কোরিদোর (WDFC)গী অনৌবা ন্যু ভান্দু-ন্যু সনান্দ (N) সেক্সন; বিরামগম-সমাখিয়ালী রেল লাইনগী দব্লিং তৌবা; কাতোসান রোদ-বেচ্রাজী-মারুতী সুজুকী ইন্দিয়া লিমিতেদ (MSIL সাইদিং) রেল প্রোজেক্ত; মেহসানা অমসুং গান্ধীনগর জিলাগী বিজাপুর তালুকা অমদি মান্সা তালুকাগী খুঙ্গংশিংগী পাৎ কয়া রিচার্জ তৌবা; মেহসানা জিলাগী সাবর্মতী তুরেলদা বলাসানা বেরেজ শাবা; বানসকন্থাগী পালনপুরদা থক্নবা ঈশিং পীবগী স্কিম অনি; অমসুং ধরোই দামদা য়ুম্ফম ওইবা পালনপুর লাইফলাইন প্রোজেক্ত – হেদৱর্ক (HW) অমসুং 80 MLD কেপাসিতীগী ৱাতর ত্রিতমেন্ত প্লান অসিনি।
প্রধান মন্ত্রীনা উরেপ উয়ুং তমগদবা প্রোজেক্তশিং অদুদি খেরালুদা তোঙান তোঙানবা দিবলপমেন্ত প্রোজেক্তশিং; মাহীসাগর জিলাগী সান্তরাম্পুর তালুকাগী মফমশিংদা ইথৈ-লৌখোঙগী খুদোংচাবা ফংহনবা; সাবর্কন্থগী নরোদা – দেহগাম – হর্সোল – ধন্সুরা লম্বী পাকথোকপা অমসুং মপাঙ্গল হাপ্পা; গ্নাধীনগর জিলাগী কলোল নগরপালিকা সিৱরেজ অমসুং সেপ্তাগে মেনেজমেন্তকী প্রোজেক্ত; অমসুং সিধপুর (পাতান), পালনপুর (বানসকন্থা), বয়াদ (অরাবল্লী) অমসুং ভদনাগর (মেহসানা)গী সিৱরেজকী প্রোজেক্তশিং অসিনি।
পি.এম.না কেবারিয়াদা পাংথোক্কদবশিং
প্রধান মন্ত্রীগী লুচিং মখাদা লৈবাক্কী অমত্তা ওইবগী মতৌ, পুম্নমক্কী মরক্তা অচেৎপা মরী লৈবগী মতৌ অমসুং তেক্ত-কায়দবগী মতৌ ঙাকপা অমসুং মপাঙ্গল হেনগৎহনবগী পান্দমগা লোয়ননা সর্দার বল্লবভাই পতেলগী মপোক নুমিৎপু রাস্ত্রিয় এক্তা দিবস হায়না পাংথোকপা হায়বা পুৱারী ওইবা ৱারেপ অমা লৌখ্রে।
প্রধান মন্ত্রীনা ওক্তোবর 31দা পাংথোক্কদৌরিবা রাস্ত্রিয় এক্তা দিবস্তা শরুক য়াগনি অমসুং সর্দার বল্লবভাই পতেলগী মফমদা ইকায় খুম্নবা উৎকনি। মহাক্না BSF অমসুং স্তেত পুলিস কয়াগী মার্চিং কন্তিঞ্জেন্ত কয়ানা শরুক য়াদুনা পাংথোক্কদৌরিবা রাস্ত্রিয় এক্তা দিবস পেরেদসু মিৎয়েং তাগনি। অখন্নবা থৌরম পরেংগী মনুংদা, CRPF নুপী বাইকরসিংগী অকীবা খঙদবা উৎপগী শো; BSFকী নুপীগী পাইপ বেন্দ; গুজরাত নুপী পুলিস্কী কোরিওগ্রাফ তৌরবা শো; NCCগী অখন্নবা শো; স্কুল বেন্দ কয়া; ইন্দিয়ন এয়র ফোর্সনা ফ্লাইপাস্ত তৌবা; ভাইব্রেন্ত ভিলেজশিংগী ইকোনোমিক ভাইএবিলিতী উৎপনচিংবা কয়া য়াওগনি।
প্রধান মন্ত্রীনা কেবারিয়াদা লুপা করোর 160গী চাউখৎ থৌরাংগী প্রোজেক্ত কয়া শঙ্গাগনি অমসুং উরেপ উয়ুংসু তমগনি। শঙ্গাগদবা প্রোজেক্তশিং অদুদা এক্তা নগরদগী অহমেদবাদ ফাওবা চেনগদবা হেরিতেজ ত্রেন; নর্মদা আর্তী লাইবকী প্রোজেক্ত; কামলম পার্ক; স্তেচ্যু ওফ য়ুনিতী মনুংগী ৱাকৱে অমা; অনৌবা ই-বস 30, ই-বাইসাইকল 210 অমসুং গোল্ফ কার্ত কয়া অমা; গুজরাত স্তেত কোওপরেতিব বেঙ্ককী এক্তা নগর অমসুং শঙ্কর ভবনগী সিতী গ্যাস দিস্ত্রিব্যুসন নেতৱর্ক য়াওরি। প্রধান মন্ত্রীনা কেবারিয়াদা ত্রোমা সেন্তর লৈবা সব-দিস্ত্রিক্ত হোস্পিতাল অমসুং সোলর পেনেল অমগী উরেপ উয়ুংসু তমগনি।
প্রধান মন্ত্রীনা আরম্ভ 5.0গী লোইশিনবগী থৌরমদা 98শুবা কম্মন ফাউন্দেসন কোর্সকী ওফিসর ত্রেনীশিংগী মফমদা ৱা ঙাঙগনি। আরম্ভকী 5শুবা মীফম অসি ‘হার্নেসিং দি পাৱর ওফ দিসরপ্সন’গী থীমগা লোয়ননা পাংথোকপনি। মসিদি হৌজিক অমসুং তুংগী মতমগী মওং-মতৌবু লেপ্তনা শেমদোকহল্লিবা দিসরপসনশিং অসি লৌথোক্নবা অমসুং ইনক্লুসিব দিভেলপমেন্ত অমা পুরক্নবগীদমক্তা লৈঙাকপগী থৌওংদগী দিসরপ্সনগী শক্তি শিজিন্ননবা লম্বী অমা শেম্নবগীদমক্তা হোৎনবগী থৌওং অমনি। ‘মে নহি হম’ হায়বা থীমগা শাগোন্নবা 98শুবা কম্মন ফাউন্দেসন কোর্স অসিদা ভারতকী সিভিল সর্ভিস 16 অমসুং ভুতানগী সিভিল সর্ভিস 3 য়াওনা ওফিসর ত্রেনী 560 য়াওরি।
