Quoteপ্রধান মন্ত্রীনা সুরত, ভবনাগর, অহমেদবাদ অমসুং অম্বাজী শিনবা থুংবদা লৈগদবা প্রোগ্রাম কয়াগী চাউরাকপা লুপা করোর ২৯,০০০ চঙগদবা চাউখৎ-থৌরাংগী তোঙানবা প্রোজেক্ত কয়া শঙ্গাবগা লোয়ননা উরেপ উয়ুং তমগনি
Quoteপ্রোজেক্তশিং অসিনা মালেমগী থাক্কী ইনফ্রাস্ত্রকচর শেমগৎপা, চত্থোক-চৎশিন তৌবদা লাইথোকহনবা অমসুং পুন্সি মহিং মশক থোক্না ফগৎহনবগী পান্দম থম্লি
Quoteপি.এম.না অহমেদবাদ মেত্রো প্রোজেক্তকী ফেজ-১ শঙ্গাগনি অমসুং গান্ধীনগর-মুম্বাই সেন্ত্রেল বন্দে ভারত এক্সপ্রেস লমথাগনি
Quoteপি.এম.না বন্দে ভারত এক্সপ্রেস অমসুং অহমেদবাদ মেত্রোসু তোংগনি
Quoteপি.এম.না ভাবনাগরদা লৈগদবা মালেমগী অহানবা সি.এন.জি. তর্মিনেলগী উরেপ উয়ুং তমগনি
Quoteপি.এম.না গুজরাত্তা অহানবা ওইনা পাংথোক্কদৌরিবা ৩৬শুবা নেস্নেল গেম্স হৌদোক্কনি
Quoteপি.এম.না সুরতকী দাইমন্দগী ত্রেদিং ব্যুজিনেস খোঙজেল য়াঙনা চাউখৎলক্লিবা অসিদা হেন্না তেংবাংবগী পান্দম থম্লিবা দ্রীম সিতী প্রোজেক্তকী ফেজ-১ শঙ্গাগনি
Quoteলাইনীংবশিংনা অম্বাজীদা চৎপদা হেন্না খুদোং চাহনগদবা অনৌবা ব্রোদ গেজ লাইনগী উরেপ উয়ুং পি.এম.না তমগনি
Quoteপি.এম.না অম্বাজী লাইশঙদা দর্শন অমসুং পুজা তৌগনি; মহাক্না গব্বর তির্থ
Quoteমখা তারকপা ওইনা, নুমিদাংগী পুং ৯ তাবা মতমদা, প্রধান মন্ত্রীনা অহমেদবাদকী জি.এম.দি.সি. গ্রাউন্দদা পাংথোক্লিবা নবরাত্রী কুহ্মৈদা শরুক য়াগনি।

প্রধান মন্ত্রী, শ্রী নরেন্দ্র মোদীনা সেপ্তেম্বর ২৯ অমসুং ৩০দা গুজরাত্তা চৎকনি। প্রধান মন্ত্রীনা সেপ্তেম্বর ২৯গী অয়ুক্কী পুং ১১দা সুরত্তা চাউরাক্না লুপা করোর ৩৪০০গী তোঙানবা প্রোজেক্ত কয়াগী উরেপ উয়ুং তম্বগা লোয়ননা মীয়ামদসু খুৎশিন্নগনি। মখা তারকপদা, প্রধান মন্ত্রীনা ভাবনাগরদসু চৎকনি। মফমসিদা, নুংথিলগী পুং ২দা, মহাক্না লুপা করোর ৫২০০গী চাউখৎ-থৌরাংগী তোঙানবা থবক-থৌরম কয়া শঙ্গাবগা লোয়ননা উরেপ উয়ুং তমগনি। নুমিৎ অসিমক্কী নুমিদাংগী পুং ৭ তাবা মতমদা প্রধান মন্ত্রীনা অহমেদবাদকী নরেন্দ্র মোদী স্তেদিয়মদা ৩৬শুবা নেস্নেল গেম্স হৌদোক্কনি। মখা তারকপা ওইনা, নুমিদাংগী পুং ৯ তাবা মতমদা, প্রধান মন্ত্রীনা অহমেদবাদকী জি.এম.দি.সি. গ্রাউন্দদা পাংথোক্লিবা নবরাত্রী কুহ্মৈদা শরুক য়াগনি।

সেপ্তেম্বর ৩০গী অয়ুক্কী পুং ১০.৩০ তাবা মতমদা, প্রধান মন্ত্রীনা গান্ধীনগর স্তেসন্দা গান্ধীনগর-মুম্বাই বন্দে ভারত এক্সপ্রেস লমথাগনি অমসুং মফমদুদগী কালুপুর রেলৱে স্তেসন ফাওবদা ত্রেন তোংদুনা চৎকনি। অয়ুক্কী চাউরাকপা পুং ১১.৩০ তাবা মতমদা, প্রধান মন্ত্রীনা অহমেদবাদ মেত্রো রেল প্রোজেক্ত লমথাগনি অমসুং কালুপুর স্তেসন্দগী দুরদর্শন কেন্দ্র মেত্রো স্তেসন ফাওবদা মেত্রো তোংগনি। নুমিৎ য়ুংবগী পুং ১২ তাবা মতমদা, প্রধান মন্ত্রীনা অহমেদবাদকী অহমেদবাদ এজুকেসন সোসাইতীদা পাংথোকপা মীয়ামগী থৌরম অমদা অহমেদবাদ মেত্রো প্রোজেক্তকী ফেজ-১ শঙ্গাগনি। মখা তারকপদা, নুংথিলগী পুং ৫.৪৫ তাবা মতমদা, প্রধান মন্ত্রীনা অম্বাজীদা লুপা করোর ৭২০০গী চাউখৎ-থৌরাংগী তোঙানবা প্রোজেক্ত কয়াগী উরেপ উয়ুং তম্বগা লোয়ননা মীয়ামদসু খুৎশিন্নগনি। মদুদগী, নুমিদাংগী পুং ৭ তাবা মতমদা, প্রধান মন্ত্রীনা অম্বাজী লাইশঙদা দর্শন অমসুং পুজা তৌগনি অমসুং মখা তারকপা ওইনা, পুং ৭.৪৫ তাবা মতমদা, মহাক্না গব্বর তির্থদা পাংথোকপা মহা আর্তীদসু শরুক য়াগনি।

চাউখৎ-থৌরাংগী য়াম্লবা প্রোজেক্ত কয়া শঙ্গাবা অমসুং উরেপ উয়ুং তম্বগী মতৌনা প্রধান মন্ত্রীনা মালেমগী থাক্কী ইনফ্রাস্ত্রকচর শেমগৎপা, অর্বানগী চত্থোক-চৎশিন তৌবগী পাম্বৈ ফগৎহনবা অমসুং মলতি-মোদেল কন্নেক্তিবিতী ফগৎহন্নবা খোঙফম চেৎলিবা অসিগী মমি তারি। মহাক্কী সরকারনা মীচম মীয়ামগী পুন্সি মহিং ফগৎহনবদা মহাক্না মিৎয়েং চঙবগী মতৌবুসু থৌওংশিং অসিনা তাক্লি।

প্রধান মন্ত্রীনা সুরত্তা

প্রধান মন্ত্রীনা চাউরাকপা লুপা করোর ৩৪০০গী তোঙানবা প্রোজেক্ত কয়াগী উরেপ উয়ুং তম্বগা লোয়ননা মীয়ামদসু খুৎশিন্নগনি। হায়রিবা প্রোজেক্তশিং অসিগী মনুংদা ৱাতর সপ্লাই, দ্রেনেজ প্রোজেক্ত, দ্রীম সিতী, বাইওদাইবর্সিতী পার্ক অমসুং মীয়ামগী ইনফ্রাস্ত্রকচর, হেরিতেজ নৌনা শেমগৎ-শাগৎপা, সিতী বস/বি.আর.তি.এস. ইনফ্রাস্ত্রকচর, ইলেক্ত্রিক ভেহিকল ইনফ্রাস্ত্রকচরগুম্বা চাউখৎ-থৌরাংগী অতোপ্পা থবকশিংগা লোয়ননা কেন্দ্র অমসুং রাজ্য সরকারনা পুল্লগা পায়খৎমিন্নবা চাউখৎ-থৌরাংগী থবকশিং য়াওরি।

প্রধান মন্ত্রীনা রোদ ইনফ্রাস্ত্রকচর ৱর্ক্কী ফেজ-১ অমসুং দাইমন্দ রিসর্চ অমসুং মর্কেন্তাইল (দ্রীম) সিতীগী মপুং ওইবা চঙফম শঙ্গাগনি। সুরতকী খোঙজেল য়াঙনা চাউখৎলক্লিবা দাইমন্দ ত্রেদিং ব্যুজিনেস অসিদা তেংবাংনবগীদমক্তা কম্মর্সিএল অমসুং রেসিদেন্সিএল স্পেসকী অপাম্বা হেনগৎলক্লিবা অসিবু থেংনবা ঙম্বগী পান্দমগা লোয়ননা দ্রীম সিতী প্রোজেক্ত হৌদোকখিবনি। প্রধান মন্ত্রীনা প্রোজেক্ত অসিগী ফেজ-২গী উরেপ উয়ুংসু তমগনি।

দাঃ হেদেগ্বার থোংদগী ভিমরাদ-বামরোলী থোং ফাওবদা শন্দোক্লিবা হেক্ত্যার ৮৭ হেনবগী লমদা শারিবা বাইওদাইবর্সিতী পার্ক্কী উরেপ উয়ুংসু প্রধান মন্ত্রীনা তমগনি। প্রধান মন্ত্রীনা সুরতকী সাইন্স সেন্তরদা লৈরিবা খোজ ম্যুজিয়মসু শঙ্গাগনি। অঙাংশিংগীদমক্তা শারিবা ম্যুজিয়ম অসিদা ইন্তরেক্তিব দিস্প্লে, ৱাহং হংবগী থৌওংদা য়ুম্ফম ওইবা থবক-থৌরম কয়া অমসুং করিগুম্বা অমগী মতাংদা খঙনীংবগী মতৌদা য়ুম্ফম ওইবা এক্সপ্লোরেসন কয়া লৈগনি।

 

প্রধান মন্ত্রীনা ভবনাগরদা

প্রধান মন্ত্রীনা ভবনাগরদা চাউরাকপা লুপা করোর ৫২০০গী প্রোজেক্তশিং শঙ্গাগনি অমসুং উরেপ উয়ুং তমগনি। প্রধান মন্ত্রীনা ভবনাগরদা মালেমগী অহানবা সি.এন.জি. তর্মিনেল অসুং ব্রাউনফিল্দ হিথাংফমগী উরেপ উয়ুং তমগনি। হিথাংফম অসি লুপা করোর ৪০০০ চঙনা শাগদবনি অমসুং মালেমগী খ্বাইদগী মরিশুবা চাউবা লোক গেত সীস্তেমগা লোয়ননা মালেমগী খ্বাইদগী অহানবা সি.এন.জি. তর্মিনেলগীদমক্তা স্তেত ওফ দি আর্ত ইনফ্রাস্ত্রকচর লৈগনি। সি.এন.জি. তর্মিনেলদগী হেন্দোকপা ওইনা, হিথাংফম অসিনা লমদম অসিদা পাংথোক্কদৌরিবা প্রোজেক্তশিংগী তুংগী মতমদা লৈরক্কদবা তঙাই ফদবশিং থেংনগনি। হিথাংফম অসিদা অলত্রা মোদর্ন কন্তেনর তর্মিনেল, মলতিপর্পজ তর্মিনেল অমসুং লিক্বিদ তর্মিনেল লৈবগা লোয়ননা হৌজিক লৈরিবা রোদ অমসুং রেল নেতৱর্কশিংগা হথেংনবা দোর-স্তেপ কন্নেক্তিবিতী লৈগনি। মসিনা কার্গো শেন্নবদা শেল চৎপা থিংদুনা শেন্মিৎলোন্দা কান্নবা পীবতা নত্তনা লমদমসিগী মীয়ামদা থবক কয়াসু পীগনি। মসিদা নত্তনা, সি.এন.জি. ইম্পোর্ত তর্মিনেলনা ক্লীন ইনর্জীগী অপাম্বা হেনগৎলক্লিবা অসিবু থেংনবা ঙম্নবা ইনর্জীগী অতোপ্পা পাম্বৈ অমসু পীগনি।

চাউরাকপা লুপা করোর ১০০ চঙনা শাখিবা অমসুং একর ২০ হেনবগী মফম কোন্দুনা ভবনাগরদা লৈরিবা রিজনেল সাইন্স সেন্তর অমসু প্রধান মন্ত্রীনা শঙ্গাগনি। সেন্তর অসিদা থীম কয়াদা য়ুম্ফম ওইবা গেল্লরী মখল কয়া লৈরি অমসুং মসিগী মনুংদা মেরিন এক্বাতিক গেল্লরী, ওতোমোবিল গেল্লরী, নোবেল প্রাইজ গেল্লরী – ফিসিওলোজী অমসুং মেদিসিন, ইলেক্ত্রো মেকানিক্স গেল্লরী, বাইওলোজী সাইন্স গেল্লরী য়াওরি। সেন্তর অসিনা এনিমাত্রোনিক্স দাইনাসাউর, সাইন্স থীমদা য়ুম্ফম ওইবা তোই ত্রেন, নেচর এক্সপ্লোরেসন তুর, মোসন সাইম্যুলেতর, পোর্তেবল সোলর ওবজর্বেতরীনচিংবা আউতদোর ইন্সতোল্লেসন কয়াগী খুত্থাংদা অঙাংশিংগী মফমদা অনৌবা থৌওং কয়া তম্বগী ক্রিএতিব ওইবা প্লেতফোর্ম অমা পীগনি।

প্রধান মন্ত্রীনা থৌরমশিংগী মনুংদা সাউনী য়োজনা লিঙ্ক ২গী পেকেজ ৭, এম.দবল্যু. ২৫গী পালিতানা সোলর পি.ভি. প্রোজেক্ত, এ.পি.পি.এল. কন্তেনর (আৱারক্রুপা প্লাস্মোতেক প্রাইভেত লিমিতেদ) প্রোজেক্ত য়াওনা অতোপ্পা প্রোজেক্ত কয়া শঙ্গাগনি; সাউনী য়োজনা লিঙ্ক ২গী পেকেজ ৯, চোর্ভাদলা জোন ৱাতর সপ্লাই য়াওনা তোঙানবা প্রোজেক্ত কয়াগী উরেপ উয়ুং তমগনি।

 

প্রধান মন্ত্রীনা অহমেদবাদতা

প্রধান মন্ত্রীনা অহমেদবাদকী নরেন্দ্র মোদী স্তেদিয়মদা শীনবা নীংথিরবা ওপনিং সেরেমোনী অমদা ৩৬শুবা নেস্নেল গেম্স হৌদোক্কনি। নেস্নেল গেম্স অসিদা শরুক য়ারিবা লৈবাক্কী তোঙানবা মফমশিংদগী লাক্লিবা শান্নরোইশিংগী মফমদা প্রধান মন্ত্রীনা ৱা ঙাঙগনি। প্রধান মন্ত্রীনা থৌরম অসিগী মনুংদা, দেসরদা লৈবা মালেমগী থাক্কী “স্বর্নিম গুজরাত স্পোর্ত য়ুনিভর্সিতী” শঙ্গাগনি। মসিগী মশক থোক্লবা প্রোজেক্ত অসিনা লৈবাক্কী শান্ন-খোৎনবগী এজুকেসন লেন্দস্কেপ্তা অচৌবা অহোংবা অমা পুরক্কনি হায়বগী থাজবা থম্নরি।

হন্দক্কী অসিনা গুজরাত্তা খ্বাইদগী অহানবা ওইনা পাংথোকপা নেস্নেল গেম্স ওইগনি। গেম্স অসি সেপ্তেম্বর ২৯দগী ওক্তোবর ১২, ২০২২ ফাওবা পাংথোক্কনি। লৈবাক শিনবা থুংবগী শান্নরোই, কোচ অমসুং ওফিসিএল চাউরাকপা ১৫,০০০না মশান্না ৩৬তা শরুক য়াদুনা, হন্দক্কী নেস্নেল গেম্স অসিনা খ্বাইদগী চাউবা অমা ওইগদৌরি। শান্নবগী থৌরমশিং অসি অহমেদবাদ, গান্ধীনগর, সুরত, বদোদরা, রাজকোত অমসুং ভবনাগরগী শহর ৬তা পাংথোক্কনি। মতম অমগী মুখ্য মন্ত্রী অমসুং হৌজিক্কী প্রধান মন্ত্রী, শ্রী নরেন্দ্র মোদীগী লুচিং মখাদা গুজরাতনা মালেমগী থাক্তা লৈবা অচৌবা স্পোর্ত ইনফ্রাস্ত্রকচর শেমগৎ-শাগৎপগী খোঙচৎ অমা চৎপা হৌখি অমসুং মসিনা রাজ্য অসিনা তেল্লবা মতমগী মনুংদা গেম্স অসিগীদমক্তা শেম-শাবদা য়াম্না তেংবাংখি।

অহমেদবাদতা পাংথোকপা মীয়ামগী থৌরম অমদা, প্রধান মন্ত্রীনা অহমেদবাদ মেত্রো প্রোজেক্তকী ফেজ-১ শঙ্গাগনি। মসিদা মোতেরা অমসুং গ্যাস্পুরগী মরক্তা লৈবা এপ্পারেল পার্ক্তগী থালতেজ অমসুং নোর্থ-সাউথ কোরিদোরগী ইস্ত-ৱেস্ত কোরিদোরগী চাউরাকপা কিলোমীতর ৩২গী অশাংবা মনুং চল্লি। ইস্ত-ৱেস্ত কোরিদোরগী থালতেজ-ভাস্ত্রাল লম্বীদা স্তেসন ১৭ লৈ। কোরিদোর অসিদা স্তেসন মরিগা লোয়ননা কিলোমীতর ৬.৬কী লৈনুংগী সেক্সন য়াওরি। গ্যাস্পুরদগী মোতেরা ফাওবা শম্নহল্লিবা কিলোমীতর ১৯গী নোর্থ-সাউথ সেক্সন অসিদা স্তেসন ১৫ লৈ। ফেজ-১গী মপুং ওইবা প্রোজেক্ত অসি লুপা করোর ১২,৯০০ হেন্না চঙদুনা শাখিবনি। অহমেদবাদ মেত্রো অসি লৈনুংগী তন্নেল, ভিয়াদক্ত অমসুং থোং, ৱাংখৎপা অমসুং লৈনুংদা লৈবা স্তেসন বিলদিং, বেল্লাস্ত য়াওদবা রেল ত্রেক অমসুং দ্রাইভর্লেস ত্রেন ওপরেসন কমপ্লাইএন্ত রোল্লিং স্তোক্নচিংবা পথাপ কয়া য়াওবা স্তেত ওফ দি আর্ত ইনফ্রাস্ত্রকচর প্রোজেক্ত অমনি। মেত্রো ত্রেন সেতশিং অসিদা ইনর্জী শিজিন্নবগী চাংবু চাউরাক্না ৩০-৩৫%গী চাংদা হন্থহনবা ঙম্বা ইনর্জী ইফিসিএন্ত প্রোপলজন সীস্তেম হাপ্লি। পেসেঞ্জরশিংনা নুংঙাইনা তোংবগী এক্সপেরিএন্স পীবা স্তেত ওফ দি আর্ত সস্পেন্সন সীস্তেমসু ত্রেন অসিদা হাপ্লি। অহমেদবাদ ফেজ-১ মেত্রো প্রোজেক্ত শঙ্গাবনা শহর অসিগী মীয়ামদা মালেমগী থাক্কী মলতি মোদেল কন্নেক্তিবিতী পীগনি। মলতি মোদেল কন্নেক্তিবিতী অসি ইন্দিয়ন রেলৱেজ, অমসুং বস সীস্তেম (বি.আর.তি.এস., জি.এস.আর.তি.সি. অমসুং সিতী বস সর্ভিস)গা লোয়ননা পীরি। মসিগী মনুংদা রানিপ, ভদাজ, এ.ই.সি. স্তেসন্নচিংবদা বি.আর.তি.এস.কা, অমসুং গান্ধীধাম, কালুপুর অমসুং সাবর্মতী স্তেসনশিংদা ইন্দিয়ন রেলৱেজকা শম্নহল্লিবা কন্নেক্তিবিতী য়াওরি। মেত্রো লাইন অসিনা কালুপুরদা মুম্বাই অমসুং অহমেদবাদকা শম্নরিবা হাই স্পীদ রেল সীস্তেমগা শম্নগনি।

প্রধান মন্ত্রীনা গান্ধীনগর অমসুং মুম্বাইগী মরক্তা চেল্লিবা অনৌবা অমসুং অপগ্রেদ তৌরবা বন্দে ভারত এক্সপ্রেস লম্থাগনি। বন্দে ভারত এক্সপ্রেস অসিনা অতৈদগী হেনবা অমসুং প্লেন তোংদুনা চৎপগী মতৌগা মান্নবা খুদোংচাবা কয়া পীগনি। মসিদা লমদম অসিদা শাজবা ত্রেন কোলিজন এভোইদেন্স সীস্তেম – কবচ য়াওনা তেক্ত-কায়হন্দবগী স্তেত ওফ দি আর্ত ফীচর কয়া য়াওরি। ত্রেন অসিগী ক্লাস খুদিংদা রিক্লাইনিং সীত য়াওরি অমসুং একজেক্যুতিব ক্লাস্তনা দিগ্রী ১৮০ লৈবা য়াবগী অনৌবা খুদোংচাবা য়াওরি। কোচ খুদিংদা ইঞ্চী ৩২”গী স্ক্রীনশিং য়াওরি অমসুং মসিনা পেসেঞ্জরশিংগী মফমদা ই-পাউ অমসুং ইন্তর্তেনমেন্ত পীরি।

 

প্রধান মন্ত্রীনা অম্বাজীদা

প্রধান মন্ত্রীনা অম্বাজীদা লুপা করোর ৭২০০ হেন্না চঙনা শাবা চাউখৎ-থৌরাংগী তোঙানবা প্রোজেক্ত কয়াগী উরেপ উয়ুং তম্বগা লোয়ননা লৈবাক মীয়ামদা খুৎশিন্নগনি। প্রধান মন্ত্রীনা পি.এম. অৱস য়োজনাগী মখাদা শাবা য়ুম ৪৫,০০০ হেনববু মীয়ামদা খুৎশিন্নদুনা উরেপ উয়ুং তমগনি। প্রধান মন্ত্রীনা তরঙ্গা হিল-অম্বাজী-অবু রোদ ন্যু ব্রোদ গেজ লাইন অমসুং প্রসাদ স্কিমগী মখাদা পায়খৎপা অম্বাজী লাইশঙগী লাই নীংবগী ফেসিলিতীশিং চাউখৎহনবগী থবক্কী উরেপ উয়ুং তমগনি। অনৌবা রেল লাইন অসিনা শক্তি পীথ ৫১গী মনুংদা অমা ওইরিবা অম্বাজীদা লাকপা লাইনীংবা লাখ কয়াদা কান্নবা পীগনি, অমসুং হায়রিবা মফমশিংদা অসিদা লাইনীংবশিংনা লাই নীংবগী নুংঙাইরবা এক্সপেরিএন্স ফংহনগনি। উরেপ উয়ুং তমগদবা অতোপ্পা প্রোজেক্তশিংগী মনুংদা দীসাগী এয়রফোর্স স্তেসনগী রনৱে অমসুং মরী লৈনবা ইনফ্রাস্ত্রকচর; অম্বাজী বাইপাস রোদশিং য়াওরি।

প্রধান মন্ত্রীনা ৱেস্তর্ন ফ্রৈত কোরিদোরগী কিলোমীতর ৬২ শাংবা অনৌবা পালনপুর-ন্যু কহেসানা সেক্সন অমসুং কিলোমীতর ১৩ শাংবা ন্যু পালনপুর-ন্যু চতোদর সেক্সন (পালনপুর বাইপাস লাইন) অসিসু মীয়ামদা খুৎশিন্নগনি। মসিনা পিপাবব, দীন্দয়াল পোর্ত ওথোরিতী (কান্দলা), মুন্দ্রা অমসুং গুজরাতকী অতোপ্পা হিংথাংফমশিং চৎপগী কন্নেক্তিবিতী হেন্না ফগৎহনগনি। সেক্সনশিং অসি হাংদোকপদগী, ৱেস্তর্ন দেদিকেতেদ ফ্রৈত কোরিদোরগী কিলোমীতর ৭৩৪ মথৌ তৌবা হৌগনি। লম্বী অসি হাংদোকপনা গুজরাতকী মেহসানা-পালনপুর; রাজস্থানগী স্বরুপগঞ্জ, কেশবগঞ্জ, কিশনগর; হরিয়ানাগী রেৱারী-মনেসর অমসুং নার্নাউলগী ইন্দস্ত্রীশিংদা কান্নবা য়াম্না পীগনি। প্রধান মন্ত্রীনা মিথা-থারদ-দীসা শোরোক পাকথোক চাউথোকহনবা য়াওনা অতোপ্পা রোদ প্রোজেক্ত কয়াসু মীয়ামদা খুৎশিন্নগনি।

  • kumarsanu Hajong August 04, 2024

    Gujarat power full state 2024
  • Babla sengupta December 23, 2023

    Babla sengupta
  • Charpot Vipul June 16, 2023

    હેલો સર હું તમને નિવેદન કરું છું કે અમારી મદદ કરો અને ખાસ કરીને અમારા ગામમાં કોઈ પણ જાતનો કોઈ વિકાસ થયો નથી દાહોદ જિલ્લાના ફતેપુરા મારગાળા ગામથી આ મેસેજ સેન્ડ કરી રહ્યો છું અને અમારા ફળિયાની અંદર બહુ તકલીફ છે લોકોને અને અહીંયા પીવા માટે પાણી પણ નથી પીવા માટે પાણી ભરવા માટે અમારે દૂર જવું પડે છે એટલા માટે અમારા ઘરની લેડીસો ને બહુ તકલીફ પડે છે અમારે ભૂર બકરી ગાય અને પાણી પીવડાવવા માટે પણ બહુ તકલીફ પડે છે અને અહીંયા કોઈ પણ જાતની કોઈ સુવિધા થઈ નથી એટલા માટે હું ખાસ કરીને નમ્ર વિનંતી કરું છું કે સરકાર ને આ જોવું જરૂરી છે કે અમારા ફળિયામાં કોઈ પણ જાતની વિકાસ કરવામાં આવ્યો નથી કોઈ અહીંયા બાથરૂમ પણ નથી બનાવવામાં આવ્યા અને પાણીની પણ કોઈ સુવિધા નથી અને જે અત્યારે સરકારી યોજના છે પાણીના ટાંકા બનાવવાની એ અમારે ટાંકા પણ નથી આવ્યા શું અમારે કોની જોડે જઈને ભીખ માંગવી પ્લીઝ અમારી મદદ કરો આ બધા સરકારી કર્મચારીઓ છે ચેક કરપટ છે એ લોકો અહીંયા કોઈ પણ જાતનો વિકાસ નથી કરી રહ્યા
  • Sudhakar December 20, 2022

    A great leader and a visionary, you are giving importance for development, you are seeing every man kind is a single community ,there is no vote bank politics in our B.J.P government, even then opposition parties are continously attacking B.J.P government, and abuse our B.J.P government by using unparliame'ntary word, people will give answer in coming elections.
  • Jayakumar G December 18, 2022

    We face a huge challenge but already know many solutions Many climate change solutions can deliver economic benefits while improving our lives and protecting the environment. We also have global frameworks and agreements to guide progress, such as the Sustainable Development Goals, the UN Framework Convention on Climate Change and the Paris Agreement. Three broad categories of action are: cutting emissions, adapting to climate impacts and financing required adjustments. Switching energy systems from fossil fuels to renewables like solar or wind will reduce the emissions driving climate change. But we have to start right now. While a growing coalition of countries is committing to net zero emissions by 2050, about half of emissions cuts must be in place by 2030 to keep warming below 1.5°C. Fossil fuel production must decline by roughly 6 per cent per year between 2020 and 2030.  
  • Kodipaka Ramesh December 05, 2022

    GOOD EVENING HONORABLE PRIME MINISTER JI AND THE WHOLE WORLD. I AM GOING TO VISIT GUJARAT ON 9-12-2022. I DEFINITELY ENJOY THE VICTORY. I WILL GO TO VAADNAGAR RAILWAY STATION, I WANT TO VISIT YOUR TEA STALL AND I TAKE A PHOTO. KODIPAKA RAMESH A PRIMARY SCHOOL TEACHER AND SOCIAL ACTIVIST FROM WARANGAL TELANGANA.
  • sureshbhai p patel kucha naya rasta keliy Petel December 04, 2022

    ज़य ज़य सिया राम राम 🚩🚩🚩🚩🚩🌹🌹🌹🌹🌹 एक कानून एक राष्ट् आत्म निर्भर एक राष्ट् सबका साथ सबका विकास सबका विश्र्वास सबका ख्याल सबका प़यास एक राष्ट् भगवा हिन्दुत्व हिंदुस्तान ज़य हो सनातन धर्म की मातृभूमि और संस्कृति एक भारत श्रेष्ठ अंखड भारत ज़य हिन्द वन्दे मातरम भारत माता को नमन 🇮🇳🇮🇳🇮🇳🇮🇳🇮🇳🇮🇳🌹🌹🌹🌹🌹
  • Avantishkumarjain December 02, 2022

    Gujarati main vapas B.J.P. ki bhari bahumath se jeet nichay hain....
  • Avantishkumarjain December 02, 2022

    दुनिया में कोई भी व्यक्ति इस भ्रम में न रहे की बिना गुरु के ज्ञान के भवसागर को पार पाया जा सकता है.....!!!.... 🧐
  • Rajni balla Rajni balla December 02, 2022

    har har Modi gar gar Modi🙏🇹🇯🇹🇯🇹🇯🇹🇯🇹🇯🙏
Explore More
প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল

Popular Speeches

প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল
India's first microbiological nanosat, developed by students, to find ways to keep astronauts healthy

Media Coverage

India's first microbiological nanosat, developed by students, to find ways to keep astronauts healthy
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 20 ফেব্রুৱারি, 2025
February 20, 2025

Citizens Appreciate PM Modi's Effort to Foster Innovation and Economic Opportunity Nationwide