প্রধান মন্ত্রীনা ইন্দিয়া ইনর্জি ৱিক ২০২৪ হৌদোক্কনি
প্রধান মন্ত্রীনা মালেমগী থাউ অমসুং গ্যাসকী সি.ই.ওশিং অমসুং অখঙ-অহৈশিংগশু ৱারি শানগনিপ্রধান মন্ত্রীনা বিকসিত ভারত, বিকসিত গৱা ২০৪৭ থৌরমদা লুপা করোর ১৩৩০ হেনবগী প্রোজেকশিং শঙ্গাগনি অমসুং উরেপ-উয়ুং তমগনিপ্রধান মন্ত্রীনা নেসনেল ইন্সতিতুৎ ওফ তেক্নোলোজি গৱাগী পর্মনেন্ত কেম্পস শঙ্গাগনিপ্রধান মন্ত্রীনা রোজগার মেলাগী মখাদা তোঙান-তোঙানবা বিভাগশিংদা নৌনা থবক হাপ্লবা মীওই ১৯৩০ দা এপোইন্তমেন্ত লেত্তরশিং য়েন্থোক্কনিপ্রধান মন্ত্রী শ্রী নরেন্দ্র মোদী ফেব্রুৱারি ৬,২০২৪ দা গৱাদা চৎকনি। অয়ুক পুং ১০:৩০ রোম তাবদা প্রধান মন্ত্রীনা ও.এন.জি.সি সি সর্ভাইবেল সেন্তর শঙ্গাগনি। অয়ুক পুং ১০:৪৫ রোম তাবদা, মহাক্না ইন্দিয়া ইনর্জি ৱিক ২০২৪ হৌদোক্কনি। তুংদা, নুংথিল পুং ২:৪৫ রোম তাবদা, মহাক্না বিকসিত ভারত, বিকসিত গৱা ২০৪৭ থৌরম শরুক য়াগনি।
ইন্দিয়া ইনর্জি ৱিক ২০২৪
ইনর্জিগী দরকার ওইবশিং মশাগী ওক্নবা পুথোকচবা হায়বসি প্রধান মন্ত্রীগী মরুওইবা হিরম অমনি। মাইকৈ অসিদা থাংজিনবা অতোপ্পা খোঙথাং অমদা, ফেব্রুৱারি ৬-ফেব্রুৱারি ৯,২০২৪ দা গৱাদা ইন্দিয়া ইনর্জি ৱিক ২০২৪ পাংথোক্কনি। মসি ভারতকী খ্বাইদগী চাউবা ওইগনি অমসুং ইনর্জি একজিবিসন অমসুং কনফরেন্স পুনশিন্দুনা, অপুনবা ইনর্জি ভেলু চেন শরুক য়াগনি অমসুং ভারতকী ইনর্জিগী অওনবশিং পুরক্নবা পান্দম ফংনবা হোৎনবদা মতেং ওইগনি। প্রধান মন্ত্রীনা মালেমগী থাউ অমসুং গ্যাসকী সি.ই.ওশিং অমসুং অখঙ-অহৈশিংগা রাউন্দ তেবল অমসু পাংথোক্কনি।
স্তার্দঅপশিং পুক্নিং থৌগৎপা অমসুং মখোয় ইনর্জি ভেলু চেন্দা পুশিল্লকপা অসি ইন্দিয়া ইনর্জি ৱিক ২০২৪গী মরুওইবা পান্দম অমা ওইগনি। মসিদা তোঙান-তোঙানবা লৈবাকশিংগী ইনর্জি মিনিস্তর ১৭ রোম, মীওই ৩৫,০০০ রোম অমসুং একজিবিতর ৯০০ হেন্না শরুক য়াগনি। মসিদা অখন্নবা লৈবাক তরুক-কনাদা, জর্মনি, নেদরলেন্দস, রুসিয়া, য়ু.কে অমসুং য়ু.এস.এগী কন্ত্রি পেভিলিয়নশিং হাংদোক্কনি। ইনর্জিদা ভারতকী এম.এস.এম.ইশিংনা মাঙজিল থানা শরুক য়ারিবা অনৌবা পাম্বৈশিং উৎনবা অখন্নবা মেক ইন ইন্দিয়া পেভিলিয়ন অমশু হাংদোক্কনি।
বিকসিত ভারত, বিকসিত গৱা ২০৪৭
প্রধান মন্ত্রীনা বিকসিত ভারত, বিকসিত গৱা ২০৪৭ থৌরমদা লুপা করোর ১৩৩০ হেনবগী প্রোজেকশিং শঙ্গাগনি অমসুং উরেপ-উয়ুং তমগনি।
প্রধান মন্ত্রীনা এন.আই.তি গৱাগী লেংদ্রবা কেম্পস লৈবাক মীয়ামদা কৎথোক্কনি। অনৌবা শেমগৎলিবা কেম্পস অসিদা তোঙান তোঙানবা খুদোংচাবশিং হায়বদি তুতোরিএল কমপ্লেক্স, দিপার্তমেন্তেল কমপ্লেক্স, সেমিনার কমপ্লেক্স, এদমিনিস্ত্রেতিপ কমপ্লেক্স, হোস্তেল, হেল্থ সেন্তর, স্তাফ ক্বাতরশিং, এমেনিতি সেন্তর, শান্নবুং অমসুং মহৈরোয়শিং, ওজাশিং অমসুং ইন্সতিতুৎকী স্তাফশিংগী অতোপ্পা দরকার ওইবশিং য়াওরে।
প্রধান মন্ত্রীনা নেসনেল ইন্সতিতুৎ ওফ ৱাতরস্পোর্তসকী অনৌবা কেম্পস মীয়ামদা কৎথোক্কনি। ৱাতরস্পোর্তসশিং চাউখৎনবা অমসুং মীয়াম অমসুং আর্মদ ফোর্স অনিমক্তা ঈশিংদগী মী কনবগী থবকশিং ফগৎহন্নবা ইন্সতিতুৎ অসিদা কোর্স ২৮ হৌদোক্কনি। প্রধান মন্ত্রীনা সাউথ গৱাদা ১০০ তি.পি.দিগী ইন্তেগ্রেতেদ ৱেস্ত মেনেজমেন্ত ফেসিলিতি অমা শঙ্গাগনি। মসি ৬০ তি.পি.দি ৱেত ৱেস্ত অমসুং ৪০ তি.পি.দি দ্রাই ৱেস্ত সাইন্তিফিক ওইনা লোইশিন্নবা অমসুং কিলোৱাত ৫০০গী অহেনবা মৈ পুথোক্নবা পান্দম অমগী মখাদা দিজাইন তৌবনি।
প্রধান মন্ত্রীনা পানাজি অমসুং রৈস মাগোস অনি শম্নবা পেসেঞ্জর রোপৱে শানবা উরেপ-উয়ুং তমগনি। সাউথ গৱাদা ১০০ এম.এল.দিগী ঈশিং শেংদোক্নবা প্লান্ত অমা শানবা প্রধান মন্ত্রীনা উরেপ-উয়ুং তমগনি। মহাক্না রোজগার মেলাগী মখাদা তোঙান-তোঙানবা বিভাগশিংদা নৌনা থবক হাপ্লবা মীওই ১৯৩০ দা এপোইন্তমেন্ত লেত্তরশিং য়েন্থোক্কনি অমসুং তোঙান-তোঙানবা য়াইফ-থৌরাংগী স্কিমশিংগী বেনিফিসরশিংদা সেঙ্কসন লেত্তরশিংশু য়েন্থোক্কনি।
ও.এন.জি.সি সি সর্ভাইবেল সেন্তর
ও.এন.জি.সি সি সর্ভাইবেল সেন্তর অসি ভারকী সমুদ্রদা মী কনবগী ত্রেনিং পীবগী থবক অসি মালেমদা থাক য়ৌহন্নবা অপুনবা সি সর্ভাইবেল ত্রেনিং সেন্তর অমা ওইনা শেমগৎপনি। মসিদা চহি অমদা পর্সোনেল ১০,০০০ দগী ১৫,০০০ ফাওবা ত্রেনিং পীনবা থাজবা থম্লি। সিমুলেতেদ অমসুং কন্ত্রোল তৌরবা নোংজু-নুংশাগী ফিবমশিংদা ত্রেনিং পীবা অসিনা ত্রেনিশিংগী সি সর্ভাইবেল স্কিলশিং হেনগৎহনগনি অমসুং পুন্সিদা অশেংবা ওইনা থেংনবা খুদোংথিবশিংদগী অশোই-অঙাম থোক্তনা নান্থোক্নবগী খুদোংচাবশিং ফংবা হেনগৎহনগনি।
