সমিৎকী থীম – পীস তু প্রোস্পেরিতী
সমিৎসিনা উত্তরাখন্দবু অনৌবা ইনভেস্তমেন্তকী পন্থুংফম অমা ওইনা শেমগৎনবা পান্দম থম্লি
প্রধান মন্ত্রী শ্রী নরেন্দ্র মোদী দিসেম্বর ৮, ২০২৩ দা দেহরাদুন, উত্তরাখন্দদা চৎকনি। অয়ুক পুং ১০:৩০ রোম তারকপা মতমদা, মহাক্না দেহরাদুনগী ফোরেস্ত রীছর্চ ইন্সতিত্যুৎতা পাঙথোক্কদৌরিবা ‘উত্তরাখন্দ গ্লোবেল ইনভেস্তর্স সমিৎ ২০২৩’ হৌদোক্কনি। প্রধান মন্ত্রীনা থৌরমদুদা তিল্লিবা মীয়ামগী মফমদসু ৱা ঙাংগনি।
‘উত্তরাখন্দ গ্লোবেল ইনভেস্তর্স সমিৎ ২০২৩’ উত্তরাখন্দবু অনৌবা ইনভেস্তমেন্তগী পন্থুংফম অমা ওইনা শেমগৎপগী মায়কৈদা থাংজিল্লিবা খোঙথাঙ অমনি। নুমিৎ নিনিগী ওইবা সমিৎ অসি ‘পীস তু প্রোস্পেরিতী’ হায়বা থীম অসিদা দিসেম্বর ৮ অমদি ৯, ২০২৩দা পাঙথোক্কদৌবনি।
সমিৎ অসিদা মালেম শিনবা থুংবদগী ইনভেস্তরশিং অমদি দেলিগেৎশিংনা শরুক য়াগনি। মসিদা কেন্দ্র মন্ত্রীশিং, তোঙান তোঙানবা লৈবাকশিংগী এম্বেসেদরশিং, লোয়ননা মকোক থোংবা ইন্দস্ত্রিএলিস্তশিং, অতৈ কয়াসু শরুক য়াগদৌরি।
