পি.এম.না বিহারগী মধুবানিদা নেস্নেল পঞ্চায়তি রাজ দে পালন তৌবগী থৌরমদা শরুক য়াগনি
পি.এম.না বিহারদা লুপা করোর 13,480 হেনবগী তোঙান তোঙানবা চাউখৎ-থৌরাংগী প্রোজেক্ত কয়ামরুম শঙ্গাগনি, উরেপ-উয়ুং তমগনি অমসুং জাতিদা কত্থোক্কনিপি.এম.না বিহারদা অমৃত ভারত এক্সপ্রেস অমসুং নমো ভারত রেপিদ রেল লমথাগনিপ্রধান মন্ত্রী শ্রী নরেন্দ্র মোদীনা এপ্রিল 24দা বিহারদা চৎকনি। মহাক্না মধুবানিদা চৎকনি অমসুং অয়ুক্কী পুং 11:45 রোম তাবদা, মহাক্না নেস্নেল পঞ্চায়তি রাজ দেগী থৌরম অমদা শরুক য়াগনি। মহাক্না লুপা করোর 13,480 হেনবগী চাউখৎ-থৌরাংগী প্রোজেক্ত কয়ামরুমসু শঙ্গাগনি, উরেপ উয়ুং তমগনি অমসুং মীয়ামদা কত্থোক্কনি অমসুং থৌরম অসিদা ৱা ঙাংগনি।
প্রধান মন্ত্রীনা বিহারগী মধুবানিদা পাংথোক্কদৌরিবা নেস্নেল পঞ্চায়তি রাজ দেগী থৌরমদা শরুক য়াগনি। মহাক্না নেস্নেল পঞ্চায়ৎ এৱার্দসু পীগনি, মসিনা খ্বাইদগী ফবা থবক তৌরিবা পঞ্চায়ৎশিংবু মশক খঙহল্লগনি অমসুং থৌনা পীরগনি।
প্রধান মন্ত্রীনা বিহারগী গোপালগঞ্জ দিস্ত্রিক্তকী হাথুয়াদা চাউরাক্না লুপা করোর 340 রোম ওইগদবা রেল অনলোদিং ফেসিলিতীগা লোয়ননা LPG বোতলিং প্লান্ত অমগী উরেপ-উয়ুং তমগনি। মসিনা সপ্লাই চেন অসি স্ত্রীমলাইন তৌবদা অমসুং বাল্ক LPG ত্রান্সপোর্তেসনগী ইফিসেন্সী হেগৎহনবদা মতেং পাংগনি।
লমদম অসিদা পাৱর ইনফ্রাস্ত্রকচর হেনগৎহন্নবা প্রধান মন্ত্রীনা লুপা করোর 1,170গী প্রোজেক্তশিংগী উরেপ উয়ুং তমগনি অমসুং রিভেম্প দিস্ত্রিব্যুসন সেক্তর স্কিমগী মখাদা বিহারদা পাৱর সেক্তরদা লুপা করোর 5,030গী প্রোজেক্ত কয়া অমসু শঙ্গাগনি।
লৈবাক শীনবা থুংনা রেল কন্নেক্তিবিতী হেনগৎহন্নবা মহাক্কী অচেৎপা ফিরেপ অদুগী মতুং ইন্না প্রধান মন্ত্রীনা সাহারসা অমসুং মুম্বাইগী মরক্তা অমৃত ভারত এক্সপ্রেস, জয়নগর অমসুং পতনাগী মরক্তা নমো ভারত রেপিদ রেল অমসুং পিপ্রা অমসুং সাহারসা অমসুং সাহারসা অমসুং সমস্তিপুরগী মরক্তা ত্রেনশিং লমথাগনি। মহাক্না সুপৌল পিপ্রা রেল লাইন, হাসানপুর বিথান রেল লাইন অমসুং চাপ্রা অমসুং বগাহাদা লেন অনিগী রেল ওভর ব্রিজ অনিসু উরেপ উয়ুং তমগনি। মহাক্না খাগরিয়া-আলাউলি রেল লাইন জাতিদা কত্থোক্কনি। প্রোজেক্তশিং অসিনা কন্নেক্তিবিতী ফগৎহল্লগনি অমসুং লমদম অসিগী অপুনবা সোসিও-ইকনোমিক দিবেলপমেন্ত পুরক্কনি।
প্রধান মন্ত্রীনা কম্ম্যুনিতী ইনভেস্তমেন্ত ফন্দগী মখাদা বিহারগী SHG লাখ 2 হেনবদা লুপা করোর 930গী কান্নবশিং দীনদয়াল অন্ত্যোদয়া য়োজনা - নেস্নেল রুরেল লাইবলিহুদস মিসন (DAY-NRLM) গী মখাদা য়েন্থোক্কনি।
প্রধান মন্ত্রীনা PMAY-গ্রামিনগী অনৌবা কান্নবা ফংলবা মীওই লাখ 15দা সেংসন লেত্তরশিংসু খুৎশিন্নগনি অমসুং লৈবাক শীনবা থুংনা PMAY-Gগী কান্নবা ফংলবা মীওই লাখ 10দা ইন্সতোলমেন্ত পীগনি। মহাক্না বিহারদা PMAY-Gগী য়ুম লাখ 1 অমসুং PMAY-Uগী য়ুম 54,000গী গ্রীহ প্রবেস তৌদুনা কান্নবা ফংলবা মীওই খরদা সোশিং খুৎশিন্নগনি।
