প্রধান মন্ত্রীনা বিহারদা লুপা করোর ১২,১০০ রোমগী তোঙান-তোঙানবা চাউখৎ-থৌরাংগী প্রোজেকশিং শঙ্গাগনি, উরেপ-উয়ুং তমগনি অমসুং মীয়ামদা কৎথোক্কনি
লমদম অসিদা হকশেলগী মচাক-মথুমশিং য়াম্না চাউনা ফগৎলকপা অমা ওইনা, প্রধান মন্ত্রীনা এ.আই.আই.এম.এস, দরভঙ্গাগী উরেপ-উয়ুং তমগনিঅখন্নবা মীৎয়েং চঙলিবা প্রোজেকশিং: লম্বী অমসুং রেলপাইপতা নেচরেল গ্যাস ফংহন্দুনা মৈখু চেন্দবা ইনর্জি ফংহনবগী থবক ফগৎহন্নবা প্রধান মন্ত্রীনা প্রোজেকশিং উরেপ-উয়ুং তমগনিঅঙকপা থবক অমদা, প্রধান মন্ত্রীনা লৈবাক শীনবা থুংবগী রেলৱে স্তেসনশিংদা জন ঔসাধি কেন্দ্র ১৮ কৎথোক্কনিপ্রধান মন্ত্রী শ্রী নরেন্দ্র মোদী নবেম্বর ১৩ দা বিহারদা চৎকনি। মহাক দরভঙ্গাদা চৎকনি অমসুং অয়ুক পুং ১০:৪৫ রোম তাবদা, বিহারদা মহাক্না লুপা করোর ১২,১০০ রোমগী তোঙান-তোঙানবা চাউখৎ-থৌরাংগী প্রোজেকশিং শঙ্গাগনি, উরেপ-উয়ুং তমগনি অমসুং মীয়ামদা কৎথোক্কনি।
লমদম অসিদা হকশেলগী মচাক-মথুমশিং য়াম্না চাউনা ফগৎলকপা অমা ওইনা, প্রধান মন্ত্রীনা লুপা করোর ১২৬০ রোম চঙনা এ.আই.আই.এম.এস, দরভঙ্গা শানবা উরেপ-উয়ুং তমগনি। মসিদা সুপর-স্পিলিএলিতি হোস্পিতাল অমা/অয়ুস ব্লোক, মেদিকেল কলেজ, নর্শিং কলেজ, অহিং লেকফম অমসুং লৈফমশিং য়াওগনি। মসিনা বিহার অমসুং মসিগা নক্নবা মফমশিংদা অৱাংবা থাক্কী অনা-লায়েংগী খুদোংচাবশিং পীগনি।
লমদম অসিদা লম্বী অমসুং রেলগী অনৌবা প্রোজেকশিং পায়খৎতুনা চৎথোক-চৎশিনগী খুদোংচাবা হেনগৎহন্নবা প্রোজেকশিংদা অখন্নবা মীৎয়েং অমা চঙলে। প্রধান মন্ত্রীনা বিহারদা লুপা করোর ৫,০৭০ রোমগী তোঙান-তোঙানবা নেসনেল হায়ৱে প্রোজেকশিং শঙ্গাগনি অমসুং উরেপ-উয়ুং তমগনি।
মহাক্না নেসনেল হায়ৱে-৩২৭ই গী গালগালিয়া-অরারিয়া সেক্সনগী লেন-৪ শঙ্গাগনি। কোরিদোর অসিনা গালগালিয়াদা ইস্ত-ৱেস্ত কোরিদোর (এন.ঐচ-২৭) দা অরারিয়াদগী য়ুম্লোন্নরিবা রাজ্য নোংচুপ বেঙ্গলদা চৎনবা অতোপ্পা লম্বী অমা পীগনি। মহাক্না নেসনেল হায়ৱে-৩২২ অমসুং নেসনেল হায়ৱে-৩১ দা রেল ওভর ব্রিজ (আর ও বি) অনিশু শঙ্গাগনি। মখা তানা প্রধান মন্ত্রীনা নেসনেল হায়ৱে-১১০ দা বন্ধুগঞ্জদা জেহনাবাদ অমসুং বিহারসরিফ শম্নগদবা অচৌবা থোং অমা শঙ্গাগনি।
প্রধান মন্ত্রীনা নেসনেল হায়ৱে প্রোজেক ৮ উরেপ-উয়ুং তমগনি, উরেপ-উয়ুং তমদবা প্রোজেকশিংগী মনুংদা রামনগরদগী রোসেরা ফাওবা পেপ সোলজরগা লোয়ননা লেন অনিগী লম্বী শেমগৎপা, নেসনেল হায়ৱে-১৩১এ গী বিহার-নোংচুপ বেঙ্গল ঙমখৈদগী মনিহারি সেক্সন, মাহনার অমসুং মোহিউদ্দিন ফাওরগা হাজিপুরদগী বাছৱারা ফাওবা, সরৱান-চাকাই সেক্সন য়াওরি। মহাক্না নেসনেল হায়ৱে-৩২৭ই দা রানিগঞ্জ বাইপাস; নেসনেল হায়ৱে-৩৩৩এ দা কাতোরিয়া, লাখপুরা, বঙ্কা অমসুং পঞ্জৱারা বাইপাস অমসুং নেসনেল হায়ৱে-৮২ দগী নেসনেল হায়ৱে-৩৩ দা লেন মরিগী লিঙ্ক রোদকী উরেপ-উয়ুং তমগনি।
প্রধান মন্ত্রীনা লুপা করোর ১৭৪০ রোমগী রেলৱে প্রোজেকশিং মীয়ামদা কৎথোক্কনি অমসুং উরেপ-উয়ুং তমগনি। মহাক্না বিহারগী ঔরাঙ্গবাদ জিলাদা লুপা করোর ২২০ রোমগী চিরালাপোতুদগী বাঘ বিষ্ণুপুর ফাওবা সোনেনগর বাইপাস রেলৱে লাইনগী উরেপ-উয়ুং তমগনি।
মহাক্না লুপা করোর ১৫২০ হেনবগী রেলৱে প্রোজেকশিং মীয়ামদা কৎথোক্কনি। হায়রিবা প্রোজেকশিং অসিগী মনুংদা ঝানঝারপুর-লাউকাহা বাজার রেল সেক্সনগী গেজ ওনখৎপা, দরভঙ্গা জঙ্কসন্দা রেলৱে ত্রাফিক চিনবা ফনবা দরভঙ্গা বাইপাস রেলৱে লাইন, লমদম অসিদা চৎথোক-চৎশিন হেন্না নুংঙাইনবা রেলৱে লাইন প্রোজেকশিং দবল ওইহনবা য়াওরি।
প্রধান মন্ত্রীনা ঝানঝারপু-লাউকাহা বাজার সেক্সনদা ত্রেনশিংশু লমথাগনি। সেক্সন অসিদা মেমু ত্রেনশিং চেনবা হৌদোকপা অসিনা অনকপদা লৈরিবা তাউনশিং অমসুং সহরশিংদা থবক ফংবা, লাইরিক-লাইশু তম্বা অমসুং অনা-লায়েংগী খুদোংচাবশিং লাইনা ফংহনগনি।
প্রধান মন্ত্রীনা লৈবাক শীনবা থুংবগী রেলৱে স্তেসনশিংদা জন ঔসাধি কেন্দ্র ১৮ কৎথোক্কনি। হায়রিবা কেন্দ্রশিং অসিনা রেলৱে স্তেসনশিংদা পেসেঞ্জরশিংদা অহোংবা মমলদা হিদাক-লাংথকশিং ফংহনগনি। মসিনা জেনেরিক মেদিসিনশিং মীয়ামদা খঙহনবা অমসুং শীজিন্নবা হেনগৎহন্দুনা অনা-লায়েংদা চঙবা শেনফম হন্থহনগনি।
প্রধান মন্ত্রীনা লুপা করোর ৪০২০ হেনবগী পেত্রোলিয়ম অমসুং নেচরেল গ্যাস সেক্তরগী তোঙান-তোঙানবা থবকশিং উরেপ-উয়ুং তমগনি। য়ুমথোংশিংদা পাইপতা নেচরেল গ্যাস ফংহন্নবা অমসুং ললোন-ইতিক অমসুং উদ্যোগশিংদা মৈখু থাংদবা ইনর্জি ফংহন্নবা পান্দমদা, ভারত পেত্রোলিয়ম কোর্পোরেসন লিমিতেদনা বিহারগী মরুওইবা জিলা মরি হায়বদি দরভঙ্গা, মধুবানি, সুপাউল, সিতামারহি অমসুং সিওহারদা সিতি গ্যাস দিস্ত্রিবুসন (সি জি দি) শেমগৎনবা প্রধান মন্ত্রীনা উরেপ-উয়ুং তমগনি। মহাক্না ইন্দিয়ান ওইল কোর্পোরেসনগী বরাউনি রিফাইনরিগী বিতুমেন পুথোক্নবা য়ুনিত অমশু উরেপ-উয়ুং তমগনি অমসুং মসিনা লৈবাক অসিদা বিতুমেন পুথোক্তুনা মপান লৈবাকশিংদগী পুশিল্লকপগী মখা পোনবা হন্থহনবদা মতেং পাংগনি।
