প্রধান মন্ত্রী শ্রী নরেন্দ্র মোদীনা ২০২০গী ফেব্রুৱারী ৫দা উত্তর প্রদেশকী লখনৌদা পাংথোক্কদৌরিবা দেফএক্সপো ২০২০গী হৌদোকপগী থৌরমদা সভাপতি ওইগনি।
মসি বাইএলিয়েল মেগা দফেন্স একজিবিসন দেফএক্সপোগী ১১শুবা এদিসন্নি। এক্সপোদা মখোয়গী পোত্থোক উৎনবগীদমক নেস্নেল অমসুং ইন্তরনেস্নেল কম্পেনী ১০০০ হেনবগা লোয়ননা মসিনা ভারত্তা হৌজিক ফাউবদা খ্বাইদগী চাউবা দেফএক্সপোনি।
এক্সপো অসিগী থিমদি ‘ইন্দিয়া: দি ইমর্জিং দিফেন্স মেনুফেকচরিং হব’ অসিনি। মসিগী পান্দম্না রুফ অমগী মখাদা দিফেন্স সেক্তরদা মাংজিল থাবা তেক্নোলোজীশিং পুরকপা অমসুং গবর্নমেন্ত, প্রাইবেত মেনুফেকচরশিং অমসুং স্তার্তঅপশিংগীদমক মশিং থিঙমদ্রবা খুদোংচাবশিং ফংহনবনি। থৌরম অসিনা লৈবাক্কী এরোস্পেস, দিফেন্স অমসুং সেক্যুরিতী ইন্তরেস্তশিংগী স্পেক্ত্রম পুম্বা কোন্সিনগনি।
একজিবিসন অসিগী সব থিমদি ‘দিজিতেল ত্রান্সফোর্মেসন ওফ দিফেন্স’নি মদুনা অনৌবা তেক্নোলোজীশিং শিজিন্নবগী থোংদা তুংগী লানফমগী ৱাখল্লোনগা লোয়ননা চৎমিন্দুনা মীৎয়েংসু থমগনি।
প্রর্থনাগী থৌরম লোইরবা মতুং প্রধান মন্ত্রী শ্রী নরেন্দ্র মোদীনা ইন্দিয়া অমসুং য়ু.পি. পেভিলিয়োনশিংদা চৎকনি।
‘ইন্দিয়া পেভিলিয়োন’না স্মোল এন্দ মেদিয়ম ইন্তরপ্রাইজেস (এস.এম.ই.শিং)/মাইক্রো,স্মোল এন্দ মেদিয়ম ইন্তরপ্রাইজেস (এম.এস.এম.ই.শিং) য়াওনা পব্লিক অমসুং প্রাইবেত সেক্তরগী মরক্তা অচেৎপা পার্তনরশিপ অদু উৎকনি।
উত্তর প্রদেস পোভিলিয়োন্না রাজ্যদা শকখংলবা দিফেন্স কোরিদোরদা ইনবেস্তরশিংগীদমক রাজ্যগী ইন্দস্ত্রীগী থৌনা অমসুং অচৌবা পোতেন্সিয়েল অদু উৎকনি। উত্তর প্রদেশ সরকারনা অৱাংথংবা রাজ্যগী ইনাক খুল্লবা কলচরেল হেরিতেজ উৎনবা কলচরেল প্রোগ্রাম কয়াসু শিল লাংলি। ভিজিতরশিংগীদমক তোপ তোপ্পা এক্সপরিয়েন্স অমা তেন্ত সিতীদা প্লান তৌরি।
পেভিলিয়োন অনিদা চৎলবা মতুং প্রধান মন্ত্রীনা লেন্দ সিস্তেমশিংগী ফুল লাইব দেমোন্সত্রেসন, এরো প্লেতফোর্মশিংগী ফ্লাইয়িং দিসপ্লে অমসুং নেভেল সিস্তেমশিংগী ওপরেসন দেমোন্সত্রেসন প্রিসাইদ তৌগনি।
দেফএক্সপো ২০২০ অসিদা লৈবাক ৭০ হেনবনা শরুক য়ারবা য়ারি অমসুং মসি ইন্তরনেস্নেল দিফেন্স একজিবিসনগী খ্বাইদগী চাউবা মতৌ ওইগনি।
এক্সপো মনুংদা মেমোরেন্দা ওফ অন্দরতেকিং কয়া অমা খুৎয়েক পীনরবা য়াই।
