পুৱারি ওইরবা বোরো এগ্রিমেন্ত খুৎয়েক পীনখিবগী হরাওবা ফোংদোকপা থৌরম শরুক য়ানবা ফেবুৱারি ৭, ২০২০দা অসামগী কোক্রাঝারদা প্রধান মন্ত্রী নরেন্দ্র মোদী চৎকনি ।
থৌরম অদুদা বি তি এ দি জিলাশিং অমসুং অসাম পুম্নমক্তগী মীওই ৪,০০,০০ হেনবা শরুক য়ারবা য়ারি । রাজ্য অসিগী খেন্নবশিং উৎনবা রাজ্য সরকারনা শীন্দুনা অসামগী ফুরুপশিংগী কলচরগী থৌরম অমা পাংথোক্কনি ।
মরুওইবা মরি লৈনবশিং ঙাক্লৌ অমগী মখাদা থমদুনা চহি অসিগী জনুৱারিদা খুৎয়েক পীনখিবা পুৱারি ওইরবা বোরো এগ্রিমেন্ত থাগৎনবা পুনগদৌরিবা মীয়ামদা প্রধান মন্ত্রী নরেন্দ্র মোদীনা ৱা ঙাংগনি ।
য়ানচে অদু জনুৱারি ২৭, ২০২০দা নিউ দিল্লিদা খুৎয়েক পীনখিবনি ।
মহাক্কী লনাই ওইবা তুইত অমদা নুমিৎ অদু ভারতকী ওইনা য়াম্না অখন্নবা নুমিৎ অমনি হায়না প্রধান মন্ত্রীনা হায়খি অমসুং একোর্দ অদুনা শান্তি, নুংশিনবা অমসুং অপুনবগী অনৌবা মতম অমা পুরক্তুনা বোরো মীয়ামগী অওনবা অমা লাক্লগনি হায়খি ।
প্রধান মন্ত্রীগী ‘সবকা সাথ সবকা বিকাস’ হায়বা পান্দম অদুগা লোয়ন্না য়ানবা পুরকখিবনি অমসুং চহি ৫০শুরবা বোরো ৱাথোক লোইশিন্দুনা চাউখৎপা অৱাং-নোংপোক অমা পুরক্নবা পান্দম থম্লি ।
মহাক্কী তুইত্তা প্রধান মন্ত্রীনা হায়খি মরম কয়াদগী বোরো এগ্রিমেন্ত অসি তোমথিন ঙাল্লি । মমাংদা খুৎলায় পায়রম্বশিং হৌজিক মহৌশাগী পুন্সিদা হল্লক্লগনি অমসুং ঐখোয়গী লৈবাক্কী চাউখৎ-থৌরাংদা মতেং পাংলগনি ।
য়ানচে খুৎয়েক পীনখিবা নুমিৎ নিনিগী মনুংদা এন দি এফ বিগী তোঙান-তোঙানবা কাংলুপগী কেদর ১৬১৫ মখোয়গী খুৎলায়শিংগা লোয়ন্না চংজরকখি অমসুং মহৌশাগী পুন্সিদা তিল্লখি ।
মহাক্কী তুইত্তা প্রধান মন্ত্রীনা হায়খি বোরো কাংলুপশিংগা য়ানবা অসিনা মখা তানা বোরো মীয়ামগী অখন্নবা কলচর অসি ঙাকশেনগনি অমসুং মমিং চৎহনগনি । মখোয়না চাউখৎ-থৌরাংগী থবক কয়াগী কান্নবা ফংলগনি । মখোয়গী অনিংবশিং থুংহন্নবা ঐখোয়না বোরো মীয়ামদা পাংবা য়াবা মতেং পাংগনি ।
লমদম অসিগী চাউখৎ-থৌরাংগীদমক লুপা ক্রোর ১৫০০গী অখন্নবা পেকেজ অমা খাক্তুনা থম্লে ।
ভারত সরকার অমসুং মিজোরম সরকার অমসুং ত্রিপুরা সরকারগী মরক্ত হন্দক য়ানচে খুৎয়েক পীনখিবা অদুনা ব্রু-রিয়াং রিফুজি ৩৫,০০০ হেন্না কান্নবা ফংলগনি অমসুং অৱাং-নোংপোক্ত শান্তি থম্নবা অমসুং চাউখৎনবা প্রধান মন্ত্রীগী মঙলানদা থাজবা থমদুনা ত্রিপুরাদা এন এল এফ তি কেদর ৮৫ হেন্না চংজরকখি ।
গনতন্ত্র নুমিৎতা মন কি বাত থৌরমদা প্রধান মন্ত্রীনা লৈবাক্কী মীয়ামদা মহৌশাগী ইচেলদা লাক্নবা হিংশাগী লম্বীদা লৈরিবশিং খুৎলায় থাদোক্নবা খঙহনখিবনি ।
গনতন্ত্র নুমিৎতা মহাক্না হায়খি, লৈবাক অসিগী মফম খুদিংদা লৈরিবা হিংশা অমসুং খুৎলায়শিংগী মতেংনা পাম্বৈশিং থিরবশিং মহৌশাগী ইচেলদা অমুক হল্লক্নবা ঐনা হায়জরি । মখোয় মশাগী তৌবা ঙম্বশিংদা মখোয়না থাজবা থমগদবনি অমসুং মসিনা ৱাথোক খুদিংমক শান্তি ওইনা ৱারোইশিন পুরকপা ঙমগনি ।
Japanese delegation includes leaders from Corporate Houses from key sectors like manufacturing, banking, airlines, pharma sector, engineering and logistics
