প্রধান মন্ত্রী শ্রী নরেন্দ্র মোদীনা মার্চ ১১গী অয়ুক পুং ১০ তাবদা নিউ দিল্লিগী ইন্দিয়ান এগ্রিকলচরেল রিছার্স ইন্সতিতুৎ, পুসাদা সশক্ত নারী-বিকসিত ভারত থৌরম শরুক য়াগনি অমসুং নমো দ্রোন দিদিশিংনা লৌউ-শিংউগী দ্রোনশিং পাইবা য়েংগনি। লৈবাক্কী তোঙান-তোঙানবা মফম ১১গী নমো দ্রোন দিদিশিং মতম অমতদা দ্রোন পাইবা উৎপগী থৌরম শরুক য়াগনি। থৌরম অদুদা প্রধান মন্ত্রীনা নমো দ্রোন দিদি ১০০০দা দ্রোনশিং খুৎশীন্নগনি।
নমো দ্রোন দিদি অমসুং লাখপদি দিদি স্কিম অসি খুঙ্গংগী নুপীশিংগী শেন-থুমগী ফিবম ফগৎনবা অমসুং শেন-থুমগী নিংতম্বা লৈনবা প্রধান মন্ত্রীগী পান্দমগী শরুক অমনি। পান্দম অসি মখা তানা থবক ওইনা পাংথোক্নবা, দিনদয়াল অন্তয়োদয়া য়োজনা-নেসনেল রুরেল লাইফলিহুদস মিসনগী মতেংদগী মাইপাক্লবা লাখপদি দিদিশিং প্রধান মন্ত্রীনা ইকায়খুম্নবা উৎকনি।
প্রধান মন্ত্রীনা বেঙ্কশিংনা লিংখৎপদা বেঙ্ক লিঙ্কেজ কেম্পশিংগী খুৎথাংদা সবসিদি পীরবা শন্দোয়গী চাংদা সেল্ফ হেল্প গ্রুপশিংদা লুপা করোর ৮০০০গী বেঙ্ক লোনশিং অমসুং লুপা করোর ২০০০গী কেপিতেল য়েন্থোক্কনি।
