পরম বীর চক্র এৱার্দীশিংগী মমিং লৌদুনা ঈথৎশিং মমিং থোনবা অসিনা মখোয়দা তুং কোইনা ইকাই খুম্নবা উৎপা ওইরগনি
তশেংবা অথৌবশিংবু ইকাই খুম্নবা উৎনবা অমসুং শক খঙনবা পি.এম.গী খোঙথাংগী মখাদা চত্থবনিপি.এম.না নেতাজী সুভাশ চন্দ্র বোস দ্বীপতা শাবা নেতাজীদা কত্থোকপা নেস্নেল মেমোরিএলগী মোদেলসু মাইখুম হাংদোক্কনিপরাক্রম দিবসতা ভিদিও কনফরেন্সকী থোংদা জনুৱারী ২৩গী অয়ুক পুং ১১ তাবা মতমদা পি.এম.না পরম বীর চক্র এৱার্দী ২১গী মমিং লৌদুনা অন্দমান অমসুং নিকোবরগী মমিং থোনদ্রিবা অচৌবা ঈথৎ ২১ মমিং থোনবগী থৌরমদা শরুক য়াগদৌরি। থৌরম অসিদা প্রধান মন্ত্রীনা নেতাজী সুভাশ চন্দ্র বোস দ্বীপতা শাখিবা নেতাজীদা কত্থোকপা নেস্নেল মেমোরিএলগী মোদেলসু মাইখুম হাংদোক্কনি।
অন্দামান অমসুং নিকোবর ঈথৎশিংগী পুৱারীদা মরু ওইবা অদু খঙলদুনা অমসধং নেতাজী সুভাশ চন্দ্র বোসপু নীংশিংদুনা ইকাই খুম্নবা ওইনা রোস আইলেন্দদা ইং কুমজা ২০১৮দা চৎখিবা প্রধান মন্ত্রীগী খোঙচৎ মনুংদা মহাক্না ঈথৎ অসিবু নেতাজী সুভাশ চন্দ্র বোস দ্বীপ হায়না নৌনা মমিং থোনখি। নেল আইলেন্দ অমসুং হেবলোক আইলেন্দ অসিবু শাহীদ দ্বীপ অমসুং স্বারাজ দ্বীপ হায়নসু মমিং থোনখি।
লৈবাক অসিগী তশেংবা অথৌবশিংদা ইকাই খুম্নবা উৎপা হায়বা অসিদা প্রধান মন্ত্রীনা মতম চুপ্পদা খ্বাইদগী মরু ওইবা মীৎয়েং চংদুনা লাকখি। ৱাখল্লোন অসিগা লোয়ননা মাংদা চংশিল্লদুনা ঈথৎ কাংলুপ অসিগী মমিং থোনদ্রিবা অচৌবা ঈথৎ ২১বু পরম বীর চক্র এৱার্দী ২১গী মমিং লৌদুনা থোন্নবা হৌজিক ৱারেপ লৌখি। খ্বাইদগী চাউবা মমিং থোনদ্রিবা ঈথৎ অদুবু অহানবা পরম বীর চক্রগী মমিং লৌদুনা মমিং থোনগনি, অনিশুবা খ্বাইদগী চাউবা মমিং থোনদ্রিবা ঈথৎ অদুবু অনিশুবা পরম বীর চক্রগী মমিং লৌদুনা মমিং থোনগনি, অমসুং অসুম্না মখা চত্থগনি। খোঙথাং অসি লৈবাক অসিগী সোভরেন্তী অমসুং ইন্তিগ্রিতী ঙাক্নবগীদমক থৱায়না পোন্থা পীখিবা ঐখোয়গী অথৌবা কয়াদা তুং কোইনা ইকাই খুম্নবা উৎপা ওইরগনি।
ঈথৎশিং অসি পরম বীর চক্র এৱার্দী ২১গী মমিং লৌদুনা থোনখি মখোয় অদুদি, মজর সোমনাথ শর্ম; সুবেদার অমসুং হোনী কেপ্তেন (মতম অদুদা লেন্স নাইক) করম সিংহ, এম.এম.; ২শুবা লেফতেনেন্ত রামা রঘোবা রানে; নায়ক জাদুনাথ সিংহ; কম্পনী হবিলদার মেজর পিরু সিংহ; কেপ্তেন জি.এস. সলারিয়া; লেফতনেন্ত কর্নেল (মতম অদুদা মেজর) ধন সিংহ থাপা; সুবেদার জোগিন্দর সিংহ; মেজর শাইতন সিংহ; সি.ক্যু.এম.ঐচ. অব্দুল হমিদ; লেফতেনেন্ত কর্নেল অর্দেশির বুরজোর্জী তারাপোরে; লেন্স নাইক অলবর্ত এক্কা; মেজর হোশিয়র সিংহ; ২শুবা লেফতেনেন্ত অরুন খেত্রপাল; ফ্লায়িং ওফিসর নির্মলজিৎ সিংহ সেখোন; মেজর রামাস্বামী পরমেশ্বরন; নাইব সুবেদার বানা সিংহ; কেপ্তেন বিক্রম বত্রা; লেফতেনেন্ত মনোজ কুমার পান্দে; সুবেদার মেজর (মতম অদুদা রাইফলমেন) সঞ্জয় কুমার; অমসুং সুবেদার মেজর রিতায়র্দ (হোনী কেপ্তেন) গ্রেনাদিয়র য়োগেন্দ্র সিংহ য়াদবনি।
