প্রধান মন্ত্রী শ্রী নরেন্দ্র মোদী জনুৱারি ২৩ গী নুংথিল পুং ৬:৩০ তাবদা লাল কিলাদা পারাক্রম দিবস থৌরম শরুক য়াগনি।
নিংতম ইহৌদা মরুওইবা থৌদাং অমা লৌখিবা শক্নাইরবা মীওইশিং ইকায়খুম্নবা উৎনবা প্রধান মন্ত্রীনা পায়খৎলকপা থবকশিংগী শরুক অমা ওইনা, নেতাজি সুভাস চন্দ্র বোসকী মপোক নুমিৎ অসি ২০২১দগী হৌনা পারাক্রম দিবস হায়না থৌরম পাংথোকপা হৌরকখিবনি। চহি অসিগী ওইনা লাল কিলাদা পাংথোক্কদৌরিবা থৌরম অসি পুৱারিগী থৌদোকশিংগী মমিশিং অমসুং নাৎকী ফজরবা শক্তমশিংগী অপুনবা অমা উবা ফংগনি। থৌরমশিংদা নেতাজি সুভাস চন্দ্র বোস অমসুং অজাদ হিন্দ ফৌজগী অকুপ্পশিং উৎকনি। অয়েংবশিংনা আর্কাইবশিং, অতাংবা ফোতোশিং অমসুং চে-চাংশিংগী খুৎথাংদা নেতাজি অমসুং অজাদ হিন্দ ফৌজগী শিংথানিঙাই ওইরবা খোঙচৎ মশক খঙনবা খুদোংচাবা অমা ফংলগনি। থৌরমশিং অসি জনুৱারি ৩১ ফাওবা পাংথোক্কনি।
থৌরম মনুংদা, প্রধান মন্ত্রীনা জনুৱারি ২৩ দগী জনুৱারি ৩১ ফাওবা পাংথোক্কদবা ভারত পর্ব হৌদোক্কনি। মসিদা মিনিস্ত্রি অমসুং দিপার্তমেন্ত ২৬ গী রিপব্লিক দে তেব্লো অমসুং নাৎকী থৌরমশিং, মীয়ামগী য়াইফনবা পায়খৎলিবা থবকশিং, ভোকেল ফোর লোকেল, লমকোয়বশিংনা পাম্বা মখল কয়া উৎকনি। থৌরম অসি লাল কিলা মমাঙদা লৈবা রাম লিলা মৈদান অমসুং মাধব দাস পার্কতা পাংথোক্কনি।
