প্রধান মন্ত্রী শ্রী নরেন্দ্র মোদী ওক্তোবর ৪গী নুংথিল পুং ৬:৩০ রোম তাবদা নিউ দিল্লিগী তাজ পেলেস হোতেলদা কৌসিল্যা ইকোনোমিক কনক্লেপ শরুক য়াগনি। থৌরম অদুদা মহাক্না ৱা ঙাংগনি।
কৌসিল্যা ইকোনোমিক কনক্লেপকী অহুমশুবা ইদিসন ওক্তোবর ৪ দগী ওক্তোবর ৬ ফাওবা পাংথোক্কনি। চহি অসিগী মীফম অসিগী থিমশিংগী মনুংদা গ্রিন ত্রান্সিসনগী শেন থাদবা, চাউখৎপদা জিও-ইকোনোমিক্কী চৈথেংশিং, অৱা-অনা থেংনবা ঙম্নবা থৌশিল শেম্নবা প্রিন্সিপালশিং য়াওরি।
ভারত অমসুং মালেমগী অখঙ-অহৈশিং অমসুং থৌশিল শেম্লিবা মীওইশিংনা ভারতকী ইকোনোমি অমসুং গ্লোবেল সাউথকী ইকোনোমিশিংনা মায়োক্নরিবা মরুওইবা ৱাফমশিং খন্ন-নৈনগনি। মীফম অসিদা মালেম শীনবা থুংবগী ৱাঙাংলোয়শিং শরুক য়াগনি।
কৌসিল্যা ইকোনোমিক কনক্লেপ অসি ফাইনান্স মিনিস্ত্রিনা ইন্সতিতুৎ ওফ ইকোনোমিক গ্রোথকা লোয়ননা শীনগদবনি।
