প্রধান মন্ত্রী শ্রী নরেন্দ্র মোদীনা জনুৱারী ২, ২০২১গী অয়ুক পুং ১১ তাবা মতমদা ভিদিও কনফরেন্সকী থোংদা আই.আই.এম. সম্বলপুরগী উরেপ-উয়ুং তমগনি।
থৌরম অদুদা কেন্দ্র মন্ত্রী শ্রী রমেশ প্রোখিয়াল ‘নিশঙ্ক’, শ্রী ধরমেন্দ্র প্রধান অমসুং শ্রী প্রতাপ চন্দ্র সারঙ্গীগা লোইননা ওরিশাগী রাজ্যপাল অমসুং মুখ্যমন্ত্রীসু শরুক য়াগনি। থৌরম অদুদা ওফিসিএলশিং, ইন্দস্ত্রীগী লুচিংবশিং, একাদমিসিয়নশিং অমসুং আই.আই.এম. সম্বলপুরগী মহৈরোইশিং, এলুম্নী অমসুং ফেকল্তীগা লোইননা ইনভাইতী ৫০০০না ভর্চুএল ওইনা শরুক য়াগনি।
আই.আই.এম. সম্বলপুরগী মরমদা
আই.আই.এম. সম্বলপুর অসি ফ্লিপ ক্লাসরুমগী ৱাখল্লোন চৎনহনবা অহানবা আই.আই.এম.নি মসিদা বেসিক কন্সেপশিং অদু দিজিতেল মোদতা তম্বী অমসুং ইন্দস্ত্রীদগী লাইব প্রোজেক্তশিংগী থোংদা ক্লাস্তা এক্সপ্রিমেন্সিএল লর্নিং পাংথোকই। ইন্সতিত্যুৎ অসিনা এম.বি.এ. (২০১৯-২১) বেতচা নুপী মচা ৪৯% অমসুং এম.বি.এ. (২০২০-২২) বেতচা নুপী মচা ৪৩%গা লোইননা জেন্দর দ্রাইভর্সিতীদা খ্বাইদগী ৱাংদুনা অতৈ আই.আই.এম.শিংবু তুংদা থনম্লি।
