পি.এম. গতিশক্তিনা মপুংওইবা ইনফ্রাস্ত্রকচর প্রোজেক্তশিংদা স্তেকহোল্দরশিংগী দিপার্তমেন্তেলগী থৌওংশিং অমসুং ইন্সিতিত্যুৎকী অপুনবা থৌরাংশিং শেমদোক্লগনি
দিপার্তমেন্ত খুদিংমক হৌজিক সেন্ত্রেলগী ওইবা পোর্তলগী খুৎথাংদা প্রোজেক্তশিং অমগা অমগা উবা ফংনরগনিমীয়ামগী ওইবা, পোৎ-চৈ অমসুং থবকশিং চৎথোক চৎশিন্দা খাইদোক্না অমসুং অয়েৎপা লৈতনবা মল্তি-মোদল কনেক্তিবিতী পীবাপি.এম. গতিশক্তিনা থবক্কী খুদোংচাবা কয়া অমা পীরগনি, লোজিস্তিক কোস্ত ককথরগনি, সপ্লাই চেন ফগৎহল্লগনি অমসুং লোকেলগী ওইবা পোত্থোকশিং মালেমগী থাক্তা হিদান্নরগনিপি.এম.না প্রগতি মৈদান্দা অনৌবা একজিবিসন কমপ্লেক্সসু শঙ্গারগনিলৈবাক অসিগী ইনফ্রাস্ত্রকচর লেন্দস্কেপ্তা পুৱারী ওইরগদবা ওইবা মিকুপ অমদা, নই দিল্লীগী প্রগতি মৈদান্দা ২০২১গী ওক্তোবর ১৩গী অয়ুক পুং ১১ তাবা মতমদা প্রধান মন্ত্রী শ্রী নরেন্দ্র মোদীনা পি.এম.গতিশক্তি – নেস্নেল মাস্তর প্লান ফোর মল্তি-মোদল কনেক্তিবিতী হৌদোক্লগনি।
ভারত্তা ইনফ্রাস্ত্রকচর শেমগৎপদা হিরম কয়া অমনা মরম ওইদুনা দিকেদ কয়া অৱাবা মায়োক্নদুনা লাক্লি। দিপার্তমেন্ত কয়া অমগী মরক্তা পাউ ফাওনবা ৱাৎলি, খুদম ওইনা হায়রবদা, লম্বী অমা শেম্বা লোইবগা অতোপ্পা এজেন্সী অমনা শেম্লবা লম্বীশিং অসি অন্দরগ্রাউন্দ কেবলশিং, গ্যাস পাইপলাইনশিং অসিনচিংবা ফু্ম্নবা অমুক হন্না তৌথোক্কনি। মসিনা খুদোংচাদবা য়াম্না চাওনা থোকহনবতা নত্তনা অমসুং অরেম্বদা চাদিংসু তৌরি। হায়রিবশিং অসি কোক্নবা, কেবলশিং, পাইপলাইনশিং মতম অমত্তদা তিংবা য়াননবা হোৎনরি। এপ্রুবেল থৌওংশিংদা মতম লৌবা, রিগুলেতরী ক্লিয়ারেন্স মশিং য়াম্বা ইসুশিং কোক্নবা খোঙথাংশিংসু লৌখৎলে। হৌখিবা চহি তরেৎ অসিদা সরকার অসিনা অপুনবগী মিৎয়েং মখাদা মমাংদা অমুক্তা থোকখিদ্রিবা ইনফ্রাস্ত্রকচর অমগী মিৎয়েং থম্লি।
পি.এম. গতিশক্তিনা মপুংওইবা ইনফ্রাস্ত্রকচর প্রোজেক্তশিংদা স্তেকহোল্দরশিংগী মপুংওইবা ইন্সতিত্যুসনগী ওইবা থৌরাং অমগী খুত্থাংদা থেংনরিবা ইসুশিং কোকহল্লগনি। সিলোসশিংদা তোখাইনা থৌরাং অমসুং দিজাইন তৌবগী মহুৎতা, প্রোজেক্তশিং অমত্তা ওইবা মিৎয়েং অমদা দিজাইন অমসুং একজেক্যুতেৎ তৌগনি। হায়রিবা অসিদা মিনিস্ত্রী কয়া অমগী অমসুং রাজ্য সরকারগী ইনফ্রাস্ত্রকচর স্কীমশিং হায়বদি ভারতমালা, সাগরমালা, ইন্দলেন্দ ৱাতরৱেজ, দ্রাই/লেন্দ পোর্তস, য়ু.দি.এ.এন. অসিনচিংবা অসিগা লোয়ননা থবক তৌমিন্নগনি। হায়রিবা অসিদা বি.আই.এস.এ.জি.-এন. (ভাস্করাচার্য় নেস্নেল ইন্সতিত্যুৎ ফোর স্পেস এপ্লিকেসন এন্দ জিওইনফোর্মেতিক্স)না আই.এস.আর.ও.না শেমগৎপা স্পাতিয়েল তুলশিং য়াওনা পাক চাউনা ফগৎহনগনি।
পি.এম. গতিশক্তি অসি য়ুম্বী তরুক্তা য়ুম্ফম ওই:
- কমপ্রেহেন্সিবনেস: হায়রিবা অসিদা সেন্ত্রেলগী ওইবা পোর্তেল অমদা মিনিস্ত্রী মখল কয়া অমসুং দিপার্তমেনতশিংগী হান্না লৈরবা অমসুং থৌরাং তৌরিবা খোঙথাং পুম্বা য়াওগনি। হৌজিক দিপার্তমেন্ত খুদিংমক্না য়াম্না খুমাং চাউশিন্না প্রোজেক্ত অসি থৌরাং তৌবা অমসুং হাপ্পা মতমদা মরুওইবা দেতা পীনদুনা অমগা অমগগী থৌওংশিং উনগনি।
- প্রাইওরাইতাইজেসন: খুৎথাং অসিদা, দিপার্তমেন্ত কয়া অমনা ক্রোস-সেক্তোরেল ইন্তরেক্সনগী খুৎথাংদা মখোয়গী হান্ননা পায়খৎকদবা প্রোজেক্তশিং খঙদোকপা ঙম্লগনি।
- ওপ্তিমাইজেসন: নেস্নেলগী মাস্তর প্লানশিংনা মরুওইবা অহোবা খঙদোক্লগা মিনিস্ত্রী কয়াগী প্রোজেক্তকী থৌরাংশিংদা মতেং পাংবা ঙম্লগনি। পোৎ-চৈ মফম অমদগী মফম অমদা হোনবা মতমদা, মতম অমসুং চংগদবা পৈশা অসি য়েংলগা খ্বায়দগী চুনবা লম্বী খনবদা মতেং পাংগনি।
- সাইনক্রোনাইজেসন: মিনিস্ত্রী অমসুং দিপার্তমেন্ত অমনা অয়াম্বা মতমদা সিলোস্তা থবক তৌই। প্রোজেক্ত অসিগী থৌরাংশিং অমসুং হাপ্পা মতমদা মতেং পীনদবনা থেংথবা ওইরি। পি.এম. গতিশক্তিনা দিপার্তমেন্ত খুদিংগী থৌওংশিং সাইনক্রোনাইজ তৌবদা মতেং পাংগনি লোয়ন-লোয়ননা লৈঙাক অসিগী লৈরোল কয়াদা, মখোয়গী মরক্তা মতেং পীনদুনা থবক তৌগনি।
- এনালাইতিকেল: হায়রিবা থৌরাং অসিনা জি.আই.এস.তা য়ুম্ফম ওইবা থৌরাং অমসুং ২০০+লায়রগী মথক্তা এনালাইতিকেল তুল লৈবা, মসিনা এজেন্সীশিংদা হেন্না উহন্দুনা মফম অমদা দেতা পুম্বা পীগনি।
- দাইনামিক: মিনিস্ত্রী অমসুং দিপার্তমেন্তশিংনা জি.আই.এস.কী খুৎথাংদা ক্রোস-সেক্তোরেল প্রোজেক্তশিংগী চংশিল্লিবা থবকশিং য়েংশিনবা ঙম্লগনি, হায়রিবা অসিনা পোর্তেল অসিদা চাং নাইনা সেতেলাইত ইমেজরীনা গ্রাউন্দগী চংশিল্লিবা অমসুং প্রোজেক্ত অসিগী চংশিল্লিবা য়েংশিনগনি। মসিনা মাস্তর প্লান হেনগৎহনবা অমসুং অপদেৎ তৌবদা মতেং ওইগনি।
পি.এম. গতিশক্তি অসি প্রধান মন্ত্রীনা ইজ ওফ লিবিং লোয়ন-লোয়ননা ইজ ওফ দুইং ব্যুজিনেস ফগৎনবগীদমক মথংগী মীরোলগী ইনফ্রাস্ত্রকচর ফগৎনবা লেপ্পা লৈতনা হোৎনখিবগী মহৈনি। মল্তি-মোদল কনেক্তিবিতী অসিনা মীয়ামগী ওইবা, পোৎ-চৈ অমসুং থবকশিং চৎথোক চৎশিন্দা খাইদোক্না অমসুং অয়েৎপা লৈতবা ত্রান্সপোর্ত অমা পীগনি। হায়রিবা অসিনা ইনফ্রাস্ত্রকচরগী অরোইবা ফাওবা শম্নবদা লায়থোকহনগনি অমসুং মীয়ামগী চৎথোক-চৎশিন্দা মতম হন্থরগনি।
পি.এম. গতিশক্তিনা লাক্কদৌরিবা প্রোজেক্তশিং, অতোপ্পা ব্যুজিনেস হবশিং, ইন্দস্ত্রিয়েলগী মফমশিং অমসুং অকোইবগী মরী লৈননা মীয়ামগী অমসুং ব্যুজিনেস কম্ম্যুনিতীগী পাউ পীগনি। হায়রিবা অসিনা ইনভেস্তরশিংদা মখোয়গী ব্যুজিনেসশিং মফম চানা থৌরাং তৌদুনা সাইনর্জী হেনগৎহনবা ঙমহল্লি। মসিনা থবক্কী খুদোংচাবা কয়া অমা পীরগনি অমসুং ইকোনোমী ফগৎহল্লগনি। মসিনা লোজিস্তিক কোস্ত হন্থহন্দুনা অমসুং সপ্লাই চেন ফগৎহন্দুনা অমসুং লোকেল ইন্দস্ত্রী অমসুং কঞ্জ্যুমরশিংদা নিংথিনা লিঙ্কেজ লৈহন্দুনা লোকেলগী পোত্থোকশিং মালেমগী ওইবা হিদান্নবদা ফগৎহল্লগনি।
প্রধান মন্ত্রীনা থৌরম অসিদা প্রগতি মৈদান্দা অনৌবা একজিবিসন কমপ্লেক্স (একজিবিসন হোল ২দগী ৫ফাওবা)সু শঙ্গারগনি। মসিগী অনৌবা একজিবিসন হোল অসিদা ২০২১গী নবেম্বরগী ১৪-২৭ ফাওবা ইন্দিয়া ত্রেদ প্রোমোসন ওর্গানাইজেসনগী মরুওইবা থৌরম, ইন্তর্নেস্নেল ত্রেদ ফেয়র (আই.আই.তি.এফ.) ২০২১সু পাংথোক্লগনি।
থৌরম অসিদা কম্মর্স, রোদ ত্রান্সপোর্ত অমসুং হায়ৱেজ, রেলৱেজ, সিবিল এবিএসন, শিপ্পিং, পাৱর, পেত্রোলিয়ম অমসুং নেচুরেল গ্যাসকী কেন্দ্রগী মন্ত্রীশিংসু শরুক য়াগনি।
On the auspicious occasion of Maha Ashtami, tomorrow, 13th October at 11 AM, the PM GatiShakti - National Master Plan for multi-modal connectivity will be launched. Here are the details about why this initiative is special. https://t.co/KKE07VxfYF
— Narendra Modi (@narendramodi) October 12, 2021
