প্রধান মন্ত্রীগী কন্সতিত্বেন্সী ওইরিবা ভরানসি চাউখৎহন্নবা অমসুং শেন্মিৎলোন মপাঙ্গল হেন্না লৈহন্নবা থবক পায়খৎপা অসি প্রধান মন্ত্রীগী লেপ্তনা চত্থবা থৌওং অমা ওইরি। মাইকৈ অসিদা খুমাং চাউশিনবা ওইনা, প্রধান মন্ত্রীনা ভরানসিদা চত্তুনা দিসেম্বর ২৩, ২০২১গী নুংথিল পুং ১ তাবা মতমদা চাউখৎ-থৌরাংগী খোঙথাং কয়া হৌদোক্লগনি।
প্রধান মন্ত্রীনা ভরানসিগী কর্খিয়োন্দা লৈবা য়ু.পি. স্তেত ইন্দস্ত্রীএল দিভেলপমেন্ত ওথোরিতি ফুদ পার্ক্তা ‘বনস দাইরী সঙ্কুল’গী উরেপ-উয়ুং তমগনি। একর ৩০গী লমদা শন্দোক্তুনা লৈবা দাইরী অসি চাউরাকপা লুপা করোর ৪৭৫ চঙনা শাগনি অমসুং নুমিৎ খুদিংগী শঙ্গোম লিতর লাখ ৫ প্রোসেস তৌবা ঙম্বা ফেসিলিতী লৈগনি। মসিনা লমদমসিগী লৌমীশিংগী অনৌবা খুদোংচাবা কয়া লৈহন্দুনা তেংবাংবগা লোয়ননা খুঙ্গংগী শেন্মিৎলোনবুসু মপাঙ্গল হেন্না লৈহনগনি। প্রধান মন্ত্রীনা বনস দাইরীগা মরী লৈনবা শঙ্গোম পুথোকপা মীওই লাখ ১.৭ হেনবগী বেঙ্ক একাউন্ততা চাউরাকপা লুপা করোর ৩৫গী শেনফমসু দিজিতেলগী খুত্থাংদা পীগনি।
প্রধান মন্ত্রীনা ভরানসিগী রাম্নগরদা লৈবা মিল্ক প্রদ্যুসর্স কো-ওপরেতিব য়ুনিয়ন প্লান্তকীদমক্তা বাইওগ্যাস্তা য়ুম্ফম ওইবা মৈ পুথোকপগী প্লান অমগী উরেপ উয়ুংসু তমগনি। মসিনা মিল্ক প্রদ্যুসর্স কো-ওপরেতিব য়ুনিয়ন্না ইনর্জীগী হীরমদা মরোমদোম লেপচবা ঙমহন্নবা পায়খৎপা খোঙথাং অমসু ওইগনি।
প্রধান মন্ত্রীনা নেস্নেল দাইরী দিভেলপমেন্ত বোর্দ (এন.দি.বি.বি.)গী তেংবাংবা লোয়ননা ব্যুরো ওফ ইন্দিয়ন স্তেন্দর্দ (বি.আই.এস.)না শঙ্গোমগী পোত্থোকশিংগী কনফোর্মিতী এসেসমেন্ত স্কিমগীদমক্তা মপুং ওইনা শাবা পোর্তেল অমসুং লোগোসু লোঞ্চ তৌগনি। বি.আই.এস. অমসুং এন.দি.বি.বি. ক্বালিতী মার্ক অনিমক পুন্না য়াওবা অপুনবা লোগো অসিনা দাইরী সেক্তরগী সর্তিফিকেসন তৌবগী থৌওং লাইথোকহনগনি অমসুং মীয়ামদা দাইরীগী পোত্থোকশিংগী মগুনগী মতাংদা থাজবা হেন্না ফাওহনগনি।
প্রধান মন্ত্রীনা লমগী মপু ওইবগী মতাংদা চয়েৎনবা লৈবশিংবু গ্রাসরুত লেভেলদা হন্থহন্নবা হোৎনবগী থৌওং অমা ওইনা পঞ্চায়তী রাজকী কেন্দ্রগী মন্ত্রালয়গী স্বামিত্বা স্কিমগী মখাদা উত্তর প্রদেশকী মীওই লাখ ২০ হেনবদা খুঙ্গংদা লৈবগী হক্কী রেকোর্দ ‘ঘরোনি’ অসিসু ভর্চুএলগী খুত্থাংদা য়েন্থোক্কনি।
প্রধান মন্ত্রীনা ভরানসিদা পাংথোকপা থৌরম অসিগী মনুংদা লুপা করোর ৮৭০ হেনবা চাউখৎ-থৌরাংগী প্রোজেক্ত ২২ শঙ্গাবগা লোয়ননা উরেপ উয়ুংসু তমগনি। প্রোজেক্তশিং অসিনা ভরানসিবু ৩৬০ দিগ্রীদা শেমদোকপগী হৌজিক চত্থরিবা থৌওংশিং হেন্না মপাঙ্গল লৈহনগনি।
প্রধান মন্ত্রীনা ভরানসিদা তোঙান-তোঙানবা অর্বান দিভেলপমেন্ত প্রোজেক্ত কয়া অমসু শঙ্গাগনি। মসিগী মনুংদা ওল্দ কাশি ৱার্দ নৌনা শেমগৎ-শাগৎপগী প্রোজেক্ত ৬, বেনিয়াবাগকী পার্কিং অমসুং সর্ফেস পার্ক, পুখ্রি অনি মশক ফজথোকহনবা, রাম্না খুঙ্গংদা সিৱেজ ত্রিতমেন্ত প্লান্ত অমা অমসুং স্মার্ত সিতী মিসনগী মখাদা মফম ৭২০দা এদভান্স সর্ভেলিএন্স কেমেরা খিনবা য়াওরি।
প্রধান মন্ত্রীনা শঙ্গাগদবা এজুকেসন সেক্তরগী মনুং চনবা প্রোজেক্তশিংগী মনুং চনবশিংদি – চাউরাকপা লুপা করোর ১০৭ চঙনা শাবা কেন্দ্রগী এজুকেসন মন্ত্রালয়গী ইন্তর য়ুনিভর্সিতী সেন্তর ফোর তিচর্স এজুকেসন অমসুং সেন্ত্রেল ইন্সতিত্যুৎ ওফ হাইয়র তিবেতন স্তদীজতা লুপা করোর ৭ হেনবগী শেনফম চঙনা শাবা তিচর্স এজুকেসন সেন্তরনি। মখা তাবা ওইনা, বি.ঐচ.য়ু. অমসুং আই.তি.আই. করোন্দিগী লৈননবা অমসুং স্তাফ কার্তরসু প্রধান মন্ত্রীনা শঙ্গাগনি।
হেল্থ সেক্তরগী ওইনদি, মহামানা পন্দিত মদন মোহন মাল্ভিয়া কেন্সর সেন্তরগী ওইনা লুপা করোর ১৩০ চঙনা শাবা দাক্তরগী হোস্তেল, নর্সকী হোস্তেল অমসুং লৈফন (শেলতর হোম) য়াওবা প্রোজেক্ত অমসু প্রধান মন্ত্রীনা শঙ্গাগনি। মহাক্না ফমুং ৫০ থাবা ইন্তিগ্রেতেদ অয়ুশ হোস্পিতাল অমসু ভদ্রাসিদা শঙ্গাগনি। অয়ুশ মিসনগী মখাদা শাবা পিন্দ্রা তেহশিলদা লুপা করোর ৪৯ চঙনা শাগদবা গবর্নমেন্ত হোমিওপেথিক মেদিকেল কোলেজ অমগী উরেপ উয়ুংসু তমগনি।
রোদ স্তেক্তরগী ওইনদি, প্রধান মন্ত্রীনা প্রয়াগরাজ অমসুং ভাদোহি শোরোকশিংগী ‘লেন ৪দগী ৬’ ফাওবা লম্বী পাকথোকপগী প্রোজেক্ত অমগী উরেপ উয়ুং তমগনি। থৌওং অসিনা ভরানসিদা চৎপা লাইহনগনি অমসুং শহর অসিগী লম্বী চিনবগী শিংনবশিংবু হন্থহনবগী পায়খৎপা খোঙথাং অমসু ওইগনি।
প্রধান মন্ত্রীনা শেংলবা শহর অসিগী তুরিজমগী মতিক লৈরিবা অসিদা হেন্না ইনোৎ হাপ্নবগীদমক্তা ভরানসিগী সীয়র গোবর্ধঙ্গেএ শ্রী গুরু রবিদাসজী লাইশঙগা মরী লৈনবা তুরিজম দিভেলপমেন্ত প্রোজেক্তকী অহানবা ফেস শঙ্গাগনি।
প্রধান মন্ত্রীনা শঙ্গাগদবা অতোপ্পা প্রোজেক্তশিংগী মনুং চনবশিংদি পয়াকপুর খুঙ্গংদা লৈবা রিজনেল রিফরেন্স স্তেন্দর্দ লেবোরেতরী অমা ওইরিবা সাউথ এসিয়া রিজনেল সেন্তর ভরানসিগী ইন্তর্নেস্নেল রাইস রিসর্চ সেন্তর ইন্সতিত্যুত্তা স্পীদ ব্রীদিং ফেসিলিতী অমা শঙ্গাবা অমসুং পিন্দ্রা তেহসিলদা এদভোকেত বিলদিং অমা শঙ্গাবা য়াওরি।
