লৈবাক শিনবা থুংবদা নোদেল সেন্তর 48দা পাঙথোক্কদৌরিবা স্মার্ত ইন্দিয়া হেকাথোনগী গ্রান্দ ফিনালেদা পার্তিসিপেন্ত 12,000 হেনবনা শরুক য়াগনি
মন্ত্রালয় 25না থমখিবা প্রোব্লেম স্তেৎমেন্ত 231 মহৈরোয়শিংনা থেংনগনিচহি অসিগী হেকাথোনদা তীম 44,000দগী আইদিয়া 50,000 হেন্না ফংখি – SIHকী অহানবা ইদিসনগা চাংদম্নবদা শরুক তরেৎরোম হেনখিপার্তিসিপেন্তশিংনা স্পেস তেক্নোলোজী, স্মার্ত এজুকেসন, দিজাস্তর মেনেজমেন্ত, রোবোতিক্স অমসুং দ্রোনশিং, হেরিতেজ অমসুং কলচর য়াওনা তোঙান-তোঙানবা থিমশিংদা সোল্যুসনশিং পীগনিপ্রধান মন্ত্রী শ্রী নরেন্দ্র মোদীনা ভিদিও কনফরেন্সকী থোংদা দিসেম্বর 19,2023গী নুমিদাং পুং 9:30 তাবা মতমদা স্মার্ত ইন্দিয়া হেকাথোন 2023গী গ্রান্দ ফিনালেদা শরুক য়াগদবশিংগা ৱারী শাগনি। প্রধান মন্ত্রীনা থৌরম অসিদা শরুক য়ারিবশিংদা ৱা ঙাংগনি।
প্রধান মন্ত্রীগী নহারোলনা লমজিংবা চাউখৎ খোঙচৎকী বিজনগী পরিং মখাদা স্মার্ত ইন্দিয়া হেকাথোন (SIH) অসি সরকারগী মন্ত্রালয়শিং অমসুং বিভাগশিং, ইন্দস্ত্রীশিং অমসুং অতৈ ওর্গনাইজেসনশিংগী মরু ওইবা সমস্যাশিং কোকহন্নবা মহৈরোয়শিংদা ফম্পাক অমা পীনবা লৈবাক শিনবা থুংবগী থৌশিল অমনি। 2017দা হৌদোকখিবা স্মার্ত ইন্দিয়া হেকাথোন অসি নহা ওইরিবা ইন্নোভেতরশিংগী মরক্তা চাউনা পাম্নবা হেনগৎলকখি। হৌখিবা ইদিসন মঙাদা দোমেন কয়াদা ইন্নোভেতিব সোল্যুসন কয়া পুথোকখি অমসুং ইস্তাব্লিশ তৌরবা স্তার্তঅপশিং ওইনা লেপচবা ঙমখি।
চহি অসিগী SIHকী গ্রান্দ ফিনালে অসি দিসেম্বর 19-23 পাঙথোক্কনি। SIH 2023দা তীম 44,000দগী আইদিয়া 50,000 হেন্না ফংখি – SIHকী অহানবা ইদিসনগা চাংদম্নবদা শরুক তরেৎরোম হেনখি। লৈবাক শিনবা থুংবদা নোদেল সেন্তর 48দা পাঙথোক্কদৌরিবা স্মার্ত ইন্দিয়া হেকাথোনগী গ্রান্দ ফিনালেদা পার্তিসিপেন্ত 12,000 হেনবনা শরুক য়াগনি। স্পেস তেক্নোলোজী, স্মার্ত এজুকেসন, দিজাস্তর মেনেজমেন্ত, রোবোতিক্স অমসুং দ্রোনশিং, হেরিতেজ অমসুং কলচর য়াওনা তোঙান-তোঙানবা থিমশিংদা সোল্যুসনশিং পীনবা গ্রান্দ ফিনালে অসিগীদমক পুন্না তীম 1282 চহি অসিগী ওইনা শোর্তলিস্ত তৌখি।
শরুক য়ারিবা তীমশিংনা কেন্দ্রগী মন্ত্রী অমসুং রাজ্য সরকার 25গী বিভাগ 51না থমখিবা প্রোব্লেম স্তেৎমেন্ত 231 (সোফৱেয়র 176 অমসুং হর্দৱেয়র 55) অসি থেংনগনি অমসুং সোল্যুসনশিং পীগনি। স্মার্ত ইন্দিয়া হেকাথোন 2023গী অপুনবা মনা অসি লুপা করোর 2 হেল্লি, থোইরিবা তীম অমমমদা প্রোব্লেম স্তেৎমেন্ত অমদা লুপা লাখ 1গী শেলগী মনা পীগনি।
