সেপ্তেম্বর ৬তা হিমাচল প্রদেশতা কোবিদ ভেক্সিনেসন প্রোগ্রামগী হেল্থকেয়র ৱার্করশিং অমসুং বেনিফিসরীশিংগা প্রধান মন্ত্রীগা ৱারি শানগনি

সেপ্তেম্বর ৬কী অয়ুক পুং ১১ তাবা মতমদা প্রধান মন্ত্রী, শ্রী নরেন্দ্র মোদীনা ভিদিও কনফরেন্সিংগী খুৎথাংদা হিমাচল প্রদেশতা কোবিদ ভেক্সিনেসন প্রোগ্রামগী বেনিফিসরীশিং অমসুং হেল্থকেয়র ৱার্করশিংগা ৱারি শানগনি৷

হিমাচল প্রদেশনা মহাক্কী ভেক্সিন কাপ্পগী ইলিজিবল ওইরবা মীওই পুম্নমক কোবিদ ভেক্সিনেসনগী অহানবা দোজ মপুং ফানা মাই পাক্না কাপখ্রে৷ রাজ্যশিংনা হোৎনখিবশিংগী মনুং চল্লিবশিং অদুদি অরুবা তেরেনশিংদা মীৎয়েং চংনবা জিওগ্রাফিকেল প্রাইওরাইতাইজেসন তৌবা, পাক শন্না এৱার্নেস পীনবা ইনিসিয়েতিবশিং লৌখৎপা অমসুং অশা ৱার্করশিংনা য়ুমথোং খুদিং চংখিবা অমসুং অতোপ্পা থবকশিংনি৷ রাজ্য অসিনা নুপীশিং, অহল ওইরবশিং, দিব্যাঙ্গজনশিং, ইন্দস্ত্রীয়েল ৱার্করশিং, নোংমগী খুৎশুমল তাল্লিবা মীওইশিংদা অখন্নবা মীৎয়েং চংলি অমসুং মসিগী মাইলস্তোন অসি ফংনবা হোৎনবদা “সুরক্সা কি য়ুক্তি-কোরোনা সে মুক্তি”গুম্বা অখন্নবা কেম্পেন্দশিং পাংথোকখি৷

থৌরম অসিদা হিমাচল প্রদেশকী মুখ্য মন্ত্রী শরুক য়াগনি৷