প্রধান মন্ত্রী শ্রী নরেন্দ্র মোদীনা মে ২১গী অয়ুক্কী পুং ১১ তাবা মতমদা ভিদিও কনফরেন্সিংগী থোংদা বরানাসীগী দোক্তরশিং, পেরামেদিকেল স্তাফ অমসুং অতৈ ফ্রন্তলাইন হেল্থ ৱার্করশিংগা লোইননা ৱারী শান্নগদৌরি।
হন্দক্তা দি.আর.দি.ও. অমসুং ইন্দিয়ন আর্মীনা পুন্না হোৎনদুনা হাংদোকখিবা পন্দিৎ রজন মিশ্রা কোবিদ হোস্পিতাল য়াওনা প্রধান মন্ত্রীনা বরানাসীদা লৈবা তোঙান তোঙানবা কোবিদ হোস্পিতালশিংনা মথৌ তৌরিবা মওং অসি য়েংশিনগনি। মহাক্না জিলা অসিদা নন-কোবিদ হোস্পিতালশিংনা মথৌ তৌরিবা মওং অসিসু য়েংশিনগনি।
প্রধান মন্ত্রীনা বরানাসীদা কোবিদকী অনিশুবা ৱেব অসি লাকশিন্নবা হৌজিক হোৎনরিবা অমসুং তুংগীদমক শেম-শারিবশিংসু খন্নগনি।
