প্রধান মন্ত্রীনা লুপা করোর ৫৮০০ হেনবগী তোঙান-তোঙানবা সাইন্তিফিক প্রোজেকশিং উরেপ-উয়ুং তমগনি অমসুং মীয়ামদা কৎথোক্কনি
প্রধান মন্ত্রীনা লেজর ইন্তরফেরোমিতর গ্রেভিতেসনেল ৱেব ওজার্বেতোরি-ইন্দিয়া(লিগো-ইন্দিয়া) উরেপ-উয়ুং তমগনি; মসি মালেমদা মতিক চারবা লেজর ইন্তরফেরোমিতর গ্রেভিতেসনেল ৱেব ওজার্বেতোরি অমা ওইরগনিপ্রধান মন্ত্রীনা ‘রিয়ার আর্থ পর্মনেন্ত মেগ্নেত প্লান্ত, ভিশাখাপত্নম’ মীয়ামদা কৎথোক্কনি; ‘রিয়ার আর্থ পর্মনেন্ত মেগ্নেতশিং পুথোকপা লৈবাকশিংগী মনুংদা ভারত য়াওরগনিপ্রধান মন্ত্রীনা মীয়ামদা ‘নেসনেল হেদ্রোন বিম থেরাপি ফেসিলিতি’ অমসুং ‘ফিজন মোলিবদেনম-৯৯ প্রদক্সন ফেসিলিতি’ কৎথোক্কনি; লৈবাক অসিদা কেন্সর লায়য়েংবা অমসুং অৱাংবা থাক্কী মেদিকেল ইমেজিংগী খুদোংচাবা হেনগৎহল্লগনিপ্রধান মন্ত্রীনা মীয়ামদা তোঙান-তোঙানবা কেন্সর হোস্পিতালশিং উরেপ-উয়ুং তমগনি অমসুং মীয়ামদা কৎথোক্কনি অমসুং খুদোংচাবশিং অসিনা লৈবাক অসিগী মফম কয়াদা মালেম থাক্কী কেন্সর লায়য়েংগী খুদোংচাবশিং ফংবা হেনগৎহল্লগনিপ্রধান মন্ত্রী শ্রী নরেন্দ্র মোদীনা মে ১১,২০২৩গী অয়ুক পুং ১০:৩০ তাবদা প্রগাতি মৈদান্দা নেসনেল তেক্নোলোজি দে ২০২৩গী থৌরম হৌদোক্কনি। থৌরম অসিদা মে ১১দগী মে ১৪ ফাওবা পাংথোক্কদবা নেসনেল তেক্নোলোজি দে চহি ২৫ মপুংফারকপগী থৌরমসু হৌদোক্কনি।
মরুওইবা সাইন্তিফিক প্রোজেকশিং
মরুওইবা থৌরম অসিদা, প্রধান মন্ত্রীনা লৈবাক অসিদা সাইন্তিফিক অমসুং তেক্নোলোজি চাউখৎহন্নবা লুপা করোর ৫৮০০ হেনবগী তোঙান-তোঙানবা সাইন্তিফিক প্রোজেকশিং উরেপ-উয়ুং তমগনি অমসুং মীয়ামদা কৎথোক্কনি। মসি লৈবাক অসিদা সাইন্তিফিক ইন্সতিতুসনশিং মপাঙ্গল কনখৎহন্দুনা প্রধান মন্ত্রীগী অত্মানির্ভর ভারতকী মঙলান মঙফাওন্নবা পায়খৎপনি।
উরেপ-উয়ুং তমগদৌরিবা প্রোজেকশিংগী মনুংদা লেজর ইন্তরফেরোমিতর গ্রেভিতেসনেল ৱেব ওজার্বেতোরি-ইন্দিয়া(লিগো-ইন্দিয়া),হিঙ্গোলি; হোমি ভাবা কেন্সর হোস্পিতাল এন্দ রিছার্স সেন্তর, জাতনি, ওরিসা অমসুং তাতা মেমোরিএল হোস্পিতাল, মুম্বাইগী প্লাতিনম জুব্লি ব্লোক য়াওরি।
মহারাস্ত্রাগী হিঙ্গোলিদা পায়খৎকদৌরিবা লিগো-ইন্দিয়া অসি মালেমদা মতিক চারবা লেজর ইন্তরফেরোমিতর গ্রেভিতেসনেল ৱেব ওজার্বেতোরি অমা ওইরগনি। মসি অচৌবা এস্ত্রোফিজিকেল ওবজেকশিং হায়বদি ব্লেক হোলশিং অমসুং নিউত্রোন স্তারশিং পুনশিনবা মতমদা থোরকপা কিলোমিতর ৪ গী সেন্তিতিপ ইন্তরফেরোমিতরগী গ্রেভিতেসনগী ৱেবশিং খঙবা ঙম্বা অফবা সিস্তম অমনি। লিগো-ইন্দিয়ানা য়ু.এস.এগী হেনফোর্দ, ৱাশিংতন অমসুং লিভিংস্তোন, লুইসিয়ানাদা লৈবা অসিগুম্বা লেবেরেতোরি অনিগা পুন্না থবক তৌমিন্নগনি।
লৈবাক্কী মীয়ামদা কৎথোক্কদবা প্রোজেকশিংগী মনুংদা ফিজন মোলিবদেনম-৯৯ প্রদক্সন ফেসিলিতি, মুম্বাই; রিয়ার আর্থ পর্মনেন্ত মেগ্নেত প্লান্ত, ভিশাখাপত্নম; নেসনেল হেদ্রোন বিম থেরাপি ফেসিলিতি,নবি মুম্বাই; রেদিওলোজিকেল রিছার্স য়ুনিত, নবি মুম্বাই; হোমি ভাবা কেন্সর হোস্পিতাল এন্দ রিছার্স সেন্তর, ভিশাখাপত্নম; অমসুং ৱুমেন এন্দ চিন্দ্রেন কেন্দর হোস্পিতাল বিল্দিং, নবি মুম্বাই য়াওরি।
রিয়ার আর্থ পর্মনেন্ত মেগ্নেত অসি মরুওইনা চাউখৎলবা লৈবাকশিংনা পুথোকই। রিয়ার আর্থ পর্মনেন্ত মেগ্নেত পুথোক্নবা খুদোংচাবা অসি ভিশাখাপত্নমদা লৈবা ভাবা এতোমিক রিছার্স সেন্তরদা শেমগৎলে। লৈবাক অসিনা মশানা শেমগৎজবা তেক্নোলোজি অমসুং লৈবাক অসিদা ফংবা রিয়ার আর্থ মেতরিএলশিং শীজিন্নদুনা ফেসিলিতি অসি শেমগৎপনি। মসিগী খুদোংচাবা অসি লৈবদগী, রিয়ার আর্থ পর্মনেন্ত মেগ্নেতশিং পুথোকপা ঙম্বা মালেমগী লৈবাকশিংগী মনুংদা ভারত য়াওরগনি।
তাতা মেমোরিএল সেন্তর, নবি মুম্বাইদা লৈবা নেসনেল হেদ্রোন বিম থেরাপি অসি অপীকপা চাংদা তুউমরশিংদা নিংথিনা রেদিএসন পাংথোকপা ঙমহনবা খ্বাইদগী নৌবা তেক্নোলোজিগী খুদোংচাবা লৈবা মফম অমনি। মসিনা রেদিএসন থেরাপিদা অতোপ্পা মফমশিংদা শোকহনবগী চাং য়াম্না হন্থহল্লি।
ত্রোম্বে কেম্পসতা লৈবা ভাবা এতোমিক রিছার্স সেন্তরদা ফিজন মোলিবদেনম-৯৯ পুথোক্নবা খুদোংচাবা লৈরি। মোলিবদেনম-৯৯ অসি ঙল্লিঙৈদা কেন্সর অমসুং থম্মোয়গী লায়নাশিং খঙদোক্নবা ইমেজিংগী থবকশিংদা চাদা ৮৫ হেন্না শীজিন্নরিবা তেক্নেতিয়ম-৯৯গী হৌরকফম্নি। মসিগী খুদোংচাবা অসিনা চহি অমদা অনাবা মীওই লাখ ৯-১০ স্কেন তৌবা ঙমগনি হায়না পানরি।
প্রধান মন্ত্রীনা মীয়ামদা তোঙান-তোঙানবা কেন্সর হোস্পিতালশিং উরেপ-উয়ুং তমগনি অমসুং মীয়ামদা কৎথোক্কনি অমসুং খুদোংচাবশিং অসিনা লৈবাক অসিগী মফম কয়াদা মালেম থাক্কী কেন্সর লায়য়েংগী খুদোংচাবশিং ফংবা হেনগৎহল্লগনি।
অতল ইন্নোবেসন মিসন অমসুং অতোপ্পা মচাকশিং
নেসনেল তেক্নোলোজি দে ২০২৩ পাংথোকপা অসিদা অতল ইন্নোবেসন মিসন্দা অখন্নবা মীৎয়েং থম্লি। চহি অসিগী নেসনেল তেক্নোলোজি দেগী থিম অসিদা, অতল ইন্নোবেসন মিসন পেভিলিয়ন্দা তোঙান-তোঙানবা ইন্নোবেসন প্রোজেকশিং উৎকনি অমসুং মীয়াম্না লাইভ তিনকরিং সেসনশিং, তিনকরিংগী থবকশিং, অনৌবা থবকশিং অমসুং স্তার্দ-অপশিংগী অনৌবা পোৎথোকশিং য়েংবা য়াগনি। মসিগা লোয়ন্না এ.আর/ভি.আর, দিফেন্স তেক্নোলোজি, দিতিযাত্রা, তেক্সতাইল অমসুং লাইফ সাইন্সসকী তোঙান-তোঙানবা মফমশিং হাংদোক্কদনি।
থৌরম মনুংদা, হৌখিবা চহি খর অসিদা সাইন্স অমসুং তেক্নোলোজিগী লমদা ভারতকী খুমাংচাউশিনবগী উৎপা এক্সপো অমা প্রধান মন্ত্রীনা হৌদোক্কনি। মহাক্না থৌরম অদুদা কম্মেমোরেতিপ স্তাম্প অমসুং শেনয়েক ফোঙগনি।
মে ১৯৯৮দা পোখ্রান তেস্ত মাইপাক্না পাংথোকখিবা অমসুং ভারতকী সাইন্স অমসুং তেক্নোলোজি চাউখৎনবা থবক তৌরিবা ভারতকী সাইন্তিস্তশিং, ইঞ্জিনিয়ারশিং অমসুং তেক্নোলোজিস্তশিং ইকায়খুম্নবা উৎনবা হান্নগী প্রধান মন্ত্রী শ্রী অতল বিহারি বাজপায়না ১৯৯৯দগী নেসনেল তেক্নোলোজি দে পাংথোকপা হৌখি। মতম অদুদগী হৌনা, চহি খুদিংগী মে ১১ অসি নেসনেল তেক্নোলোজি দে হায়না থৌরম পাংথোক্তুনা লাক্লি। চহি অসিগী থিম অসি ‘স্কুল তু স্তার্দঅপস-ইগ্নিতিং য়ং মাইন্দস তু ইন্নোবেদ’ হায়বনি।
