প্রধান মন্ত্রী শ্রী নরেন্দ্র মোদীনা ওক্তোবর 13, 2023গী অয়ুক্কী পুং 11 তাবা মতমদা নই দিল্লীগী য়শোভুমীদা 9শুবা G20 পার্লিয়ামেন্তরী স্পীকরশিংগী সম্মিৎ (P20) হৌদোক্লগনি। সম্মিৎ অসি G20 প্রসিদেন্সীগী পাক চাউরবা ফ্রেমৱর্ককী মখাদা ভারতকী পার্লিয়ামেন্তনা য়ুম্বু ওইদুনা শিনবনি।
ভারতকী G20 প্রসিদেন্সীগী থীমগা মরী লৈননা 9শুবা P20 সম্মিৎকী থীম অসি “পার্লিয়ামেন্তস ফোর ৱান অর্থ, ৱান ফেমিলী, ৱান ফ্যুচর” ওইগনি। থৌরম অসিদা G20 মেম্বরশিং অমসুং চেবাউ ফংখ্রবা লৈবাকশিংগী পার্লিয়ামেন্তকী স্পীকরশিংনা শরুক য়াগনি। সেপ্তেম্বর 9-10, 2023দা নই দিল্লীদা পাংথোকখিবা G20 লীদরশিংগী সম্মিৎতা অফ্রিকান য়ুনিয়ন্না G20গী পর্মনেন্ত মেম্বর অমা ওইখ্রবা মতুংদা পান-অফ্রিকা পার্লিয়ামেন্তনা অহানবা ওইনা P20 সম্মিৎতা শরুক য়ারগনি।
P20 সম্মি অসিগী মনুংদা পাংথোক্কদবা থিমশিংগী সেসন্দা মখাগী সবজেক্ত মরি অসিদা মীৎয়েং চংগনি – পব্লিক দিজিতেল প্লেতফোর্মশিংগী খুত্থাংদা মীয়ামগী পুন্সি মহিংদা অওনবা পুরকপা; নুপীনা লুচিংবা চাউখৎ থৌরাং; SDGশিং হেনগৎহনবা; অমসুং সস্তেনেবল ইনর্জী ত্রাঞ্জিসন।
মহৌশাগা লোয়ননা ইং-তপ্না লৈনবা অশং অমান অমসুং সস্তেনেবল ওইবা তুংলমচৎ অমগী মাইকৈদা চংশিন্নবা পাইখৎলিবা খোঙথাংশিংগী মতাংদা খন্ননবা LiFE (লাইফস্তাইল ফোর ইনভাইরনমেন্ত)তা প্রী-সম্মিৎ পার্লিয়ামেন্তরী ফোরম অমা ওক্তোবর 12, 2023দা পাংথোক্কনি।
