শান্তি পুরক্নবা অমসুং অফবা বোরো খুন্নাই অমা শেমগৎনবা লোল, সাহিত্য অমসুং নাতকী অচৌবা থৌরম অমনি
প্রধান মন্ত্রীগী লমজিং মখাদা ২০২০ দা বোরো পীছ একোর্দ খুৎয়েক পীনখিবা মতুংগী মহৌশাগী ফিবমদা হঞ্জিল্লকপা অমসুং অৱাবা কয়া খাংখিবগী খোঙচৎ মহোৎসব অসিদা মশক তাক্কনিপ্রধান মন্ত্রী শ্রী নরেন্দ্র মোদীনা নবেম্বর ১৫ গী নুংথিল পুং ৬:৩০ রোম তাবদা, নিউ দিল্লিগী সাই ইন্দিরা গান্ধী স্পোর্তস কমপ্লেক্সতা অহানবা বোরোলেন্দ মহোৎসব হৌদোক্কনি। থৌরম অদুদা মহাক্না মীয়ামদা ৱা ঙাংগনি।
নুমিৎ নিনিগী মহোৎসব অসি নবেম্বর ১৫ অমসুং নবেম্বর ১৬ দা পাংথোক্কনি। মসি শান্তি পুরক্নবা অমসুং অফবা বোরো খুন্নাই অমা শেমগৎনবা লোল, সাহিত্য অমসুং নাতকী অচৌবা থৌরম অমনি। মসিনা বোরোলেন্দ খক নত্তনা অসাম, নোংচুপ বেঙ্গল, নেপাল অমসুং অৱাং-নোংপোক্কী অতোপ্পা মালেমগী ঙমখৈশিংদা লৈরিবা বোরো মীয়াম অমতা ওইনা পুনশিন্নবা পান্দম থম্লি। মোহোৎসব অসিগী থিমদি বোরো ফুরুপ অমসুং বোরোলেন্দ তেরিতোরিএল রিজন (বি তি আর)গী অতোপ্পা ফুরুপশিংগী ইনাকখুল্লবা নাত, লোল অমসুং লাইরিক-লাইশুদা মীৎয়েং থম্বগা লোয়ননা ‘নুংঙাই য়াইফবা ভারতকীদমক শান্তি অমসুং নুংশিন্না হিংমিন্নবা’ হায়বনি। কুহ্মৈ অসিনা বোরোলেন্দগী নাত, লোল, মখল কয়াগী শা-উচেক অমসুং পাম্বীশিং অমসুং তুরিজমগী খুদোংচাবশিং কান্নবা লৌনবা পান্দম থম্লি।
মশক থোকপা অমা ওইনা, প্রধান মন্ত্রী শ্রী নরেন্দ্র মোদীগী লমজিং মখাদা ২০২০ দা বোরো পীছ একোর্দ খুৎয়েক পীনখিবা মতুংগী মহৌশাগী ফিবমদা হঞ্জিল্লকপা অমসুং অৱাবা কয়া খাংখিবগী খোঙচৎ মহোৎসব অসিদা মশক তাক্কনি। শান্তিগী য়ানচে খুৎয়েক পীনখিবা অসিনা বোরোলেন্দদা চহি কয়া মুক্নবা, হিংসা অমসুং মীওই কয়া শিখিবা অদু ৱারোইশিন পুরকখিবা খক নত্তনা অতোপ্পা শান্তিগী য়ানবা পুরকখিবশিংগী ইনোৎ অমশু পীখি।
মহোৎসব অসিদা ভারতকী হেরিতেচ অমসুং চৎনবীশিংদা বোরোগী নাত, চৎনবী অমসুং সাহিত্যনা লৌখিবা থৌদাংশিংগী মতাংদা সেসন অমা পাংথোক্কনি অমসুং বোরোগী নাত, লোল, চৎনবীশিং অমসুং সাহিত্যগী মরমদা খন্ন-নৈনবা কয়া উবা ফংগনি। অতোপ্পা সেসন অমদা, নেসনেল ইজুকেসন পোলিসি ২০২০গী খুৎথাংদা মমালোলদা লাইরিক তাকপী-তম্বীবগী খুদোংচাদবশিং অমসুং কান্নবশিংগী মরমদা খন্নগনি। বোরোলেন্দ লমদমগী তুরিজম অমসুং নাত চাউখৎনবা পান্দমগা লোয়ননা নাত অমসুং তুরিজমগী খুৎথাংদা অফবা বোরোলেন্দ অমা শেমগৎনবা অরিবা নাতগী মীফম অমসুং খন্ন-নৈনবা পাংথোক্কনি।
থৌরম অসিদা অসাম, নোংচুপ বেঙ্গল, ত্রিপুরা, নাগালেন্দ, মেঘালয়, অরুনাচল প্রদেস, ভারতকী অতোপ্পা মফমশিং অমসুং নেপাল অমসুং ভুতানদগী নাত, লোল অমসুং কলা পামজবা মীওই লিশিং ৫ হেন্না শরুক য়াগনি।
