জুলাই ৪ গী অয়ুক পুং ১০:৩০ তাবদা ভিদিও কনফরেন্সকী খুৎথাংদা প্রধান মন্ত্রী শ্রী নরেন্দ্র মোদীনা অন্ধ্র প্রদেসকী পুত্তাপার্থিদা সাই হিরা গ্লোবেল কনভেন্সন সেন্তর শঙ্গাগনি। শঙ্গাবা থৌরম অদুদা মালেমগী মফম কয়াগী লাকপা ভক্তশিং অমসুং শক্নাইরবা মীওইশিং শরুক য়াগনি।
শ্রী সত্য সাই সেন্ত্রেল ত্রস্তনা প্রাসান্তি নিলায়ম, পুত্তপার্থিদা নৌনা সাই হিরা গ্লোবেল কনভেন্সন সেন্তর অমা শাগৎপনি। প্রসান্তি নিলায়ম অসি শ্রী সত্য সাই ববাগী মরুওইবা অশ্রামনি। ফিলানথ্রোপিস্ত শ্রী য়ুকো হিরানা কৎপা কনভেন্সন সেন্তর অসি কলচর পীথোক-পীশিন তৌনবা, স্পিরিচুএলিতি অমসুং মালেমগী নুংঙাই-য়াইফবা হেনগৎহন্নবা পান্দমগী খুদম অমনি। মফম অসিদা তোঙান-তোঙানবা মখলগী মীওইশিং পুন্নবগী খুদোংচাবা অমসুং শ্রী সত্য সাই ববাগী পাউতাকশিং খঙনবগী খুদোংচাবা পীরি। মফম অসিদা কনফরেন্সশিং, সেমিনারশিং অমসুং কলচরগী থৌরমশিং পাংথোক্নবা মালেম থাক্কী খুদোংচাবশিং ফংলি। পাক-চাউরবা কমপ্লেক্স অসিদা মেদিতেসন হোলশিং, লৈকোলশিং অমসুং লৈফমশিং য়াওরি।
