লাইফ, অইং-অশাগী খল কাইরকপা, প্লাস্তিক্কী অমোৎপা লোইশিনবা, লম্লক্কী শা-উচেক অমসুং উমং য়োকখৎপগী মতাংদা কেন্দ্র অমসুং রাজ্য সরকারশিংগী মরক্তা মখা তানা পুন্না থবক তৌমিন্ননবা মীফম অদুদা খন্নগনি
প্রধান মন্ত্রী শ্রী নরেন্দ্র মোদীনা ভিদিও কনফরেন্সকী খুৎথাংদা সেপ্তেম্বর ২৩, ২০২২গী অয়ুক পুং ১০:৩০ তাবদা গুজরাতকী এক্তা নগরদা রাজ্যশিংগী ইনভাইরোনমেন্ত মিনিস্তরশিংগী মীফম হৌদোক্কনি। থৌরম অদুদা মহাক্না মীয়ামদা ৱা ঙাংগনি।
কোওপরেতিপ ফেদেরেলিজমগী ৱাখল্লোন চাউখৎহন্নবা, থৌরাং কয়াগী মখাদা প্লাস্তিক্কী অমোৎপশিং লোইশিন্নবা, লাইফ(লাইফস্তাইল ফোর ইনভাইরোনমেন্ত)তা মীৎয়েং থমদুনা অইং-অশাগী খল কাইরকপা মপুংফানা থেংন্নবা স্তেৎ এক্সন প্লানশিং শেম্নবা কেন্দ্র অমসুং রাজ্য সরকারশিংগী মরক্তা মখা তানা পুন্না থবক তৌমিন্ননবা মীফম অদু কৌবনি। লম্লক্কী শা-উচেকশিং য়োকখৎতুনা উমংগী শরুক হেনগৎহন্নবা মীফম অসিনা পান্দম থম্লি।
সেপ্তেম্বর ২৩ অমসুং সেপ্তেম্বর ২৪দা পাংথোক্কদৌরিবা নুমিৎ নিনিগী মীফম অদুদা লাইফ, অইং-অশাগী খল কাইরকপা থেংনবা(অইং-অশাগী খল কাইরকপগী মতাংদা স্তেৎ এক্সন প্লানশিং নৌনা শেমদোকপা), পরিভেস(ইনভাইরোনমেন্তগী অয়াবা পীনবা শিঙ্গল ৱিন্দো ক্লিয়ারেন্স), উমং য়েংশিনবা, পোল্লুসন ঙাকথোকপা অমসুং লাকশিনবা, লম্লক্কী শা-উচেক য়োকখৎপা অমসুং প্লাস্তিক অমসুং অমোৎপা লোইশিনবা হায়রিবা হিরমশিং অসি য়াওনা থিম তরুক লৈগনি।
