প্রধান মন্ত্রীনা নিউ দিল্লিদা ওক্তোবর ১৫ দা আই.তি.য়ু ৱার্ল্দ তেলিকম্মুনিকেসন স্তেন্দরদাইজেসন এশেমব্লি ২০২৪ হৌদোক্কনি

প্রধান মন্ত্রীন ৮শুবা ইন্দিয়ান মোবাইল কংগ্রেস ২০২৪ হৌদোক্কনি

ভারত অমসুং এসিয়া-পেসিফিক্তা আই.তি.য়ু ৱার্ল্দ তেলিকম্মুনিকেসন স্তেন্দরদাইজেসন এশেমব্লি পাংথোকপা অসি হন্দক্কী অসিনা অহানবনি

লৈবাক ১৯০ হেনবদগী উদ্যোগকী লুচিংবশিং, থৌশিল শেম্বশিং অমসুং তেক এক্সপার্ত ৩,০০০ হেন্না শরুক য়াগনি

৮শুবা ইন্দিয়া মোবাইল কংগ্রেসকী থিমদি “ফ্যুচর ইস নাও” হায়বনি

ইন্দিয়া মোবাইল কংগ্রেস ২০২৪ দা একজিবিতর ৪০০ হেন্না উৎকনি অমসুং স্তার্দ অপ ৯০০ অমসুং লৈবাক ১২০ হেনবা শরুক য়াগনি

প্রধান মন্ত্রী শ্রী নরেন্দ্র মোদীনা ওক্তোবর ১৫ গী অয়ুক পুং ১০ তাবদা নিউ দিল্লিগী ভারত মন্দপমদা ইন্তরনেসনেল তেলিকম্মুনিকেসন য়ুনিয়ন-ৱার্ল্দ তেলিকম্মুনিকেসন স্তেন্দরদাইজেসন এশেমব্লি (দব্লিউ তি এস এ) ২০২৪ হৌদোক্কনি।

থৌরম অদুদা প্রধান মন্ত্রীন ৮শুবা ইন্দিয়ান মোবাইল কংগ্রেস ২০২৪ শু হৌদোক্কনি।

ৱার্ল্দ তেলিকম্মুনিকেসন স্তেন্দরদাইজেসন এশেমব্লি অসি ইন্তরনেসনেল তেলিকম্মুনিকেসন য়ুনিয়নগী থবক ফগৎহন্নবা পাংথোকপা মীফম অমনি, মসি চহি মরি খুদিংগী য়ুনাইতেদ নেসন্স এজেন্সি ফোর দিজিতেল তেক্নোলোজিসনা শীনবনি। ভারত অমসুং এসিয়া-পেসিফিক্তা আই.তি.য়ু ৱার্ল্দ তেলিকম্মুনিকেসন স্তেন্দরদাইজেসন এশেমব্লি পাংথোকপা অসি হন্দক্কী অসিনা অহানবনি। মালেমগী মরুওইবা থৌরম অসিদা তেলিকোম, দিজিতেল অমসুং আই.সি.তি সেক্তরশিংগী মহুৎশীন্দুনা লৈবাক ১৯০ হেনবদগী উদ্যোগকী লুচিংবশিং, থৌশিল শেম্বশিং অমসুং তেক এক্সপার্ত ৩,০০০ হেন্না শরুক য়াগনি।

ৱার্ল্দ তেলিকম্মুনিকেসন স্তেন্দরদাইজেসন এশেমব্লি ২০২৪ না অনৌবা তেক্নোলোজিশিং হায়বদি সিক্স-জি, এ.আই, আই.ও.তি, বিগ দেতা, সাইবরসেকুরিতি অসিনচিংবগী তুংগী থাক অমা লেপ্নবা খন্ন-নৈন্নবা অমসুং ৱারেপ লৌনবা লৈবাকশিংগী মফম অমা পীগনি। ভারতনা থৌরম অসি য়ুম্বু ওইবা অসিনা মালেমগী তেলিকোমগী এজেন্দা অমা শেম্বা অমসুং তুংগী তেক্নোলোজিশিংগী লম্বী শেম্বদা মরুওইবা থৌদাং অমা লৌবদা লৈবাক অসিদা খুদোংচাবা অমা পীরগনি। ইন্তেলেকচুয়েল প্রোপর্তি রাইতস অমসুং পেতেন্তশিং শেমগৎপগী মতাংদা  ভারতকী স্তার্দঅপশিং অমসুং রিছাস ইন্সতিতুসনশিং মরুওইবা লৌশিং কয়া ফংহৌনবা থৌরাং তৌরে।

মোবাইল কংগ্রেস ২০২৪ দা ভারতকী অনৌবা থবকশিং উৎকনি অমসুং মাঙজিল থাবা তেলিকোম কম্পেনিশিং অমসুং ইন্নোবেতরশিংনা ক্বান্তম তেক্নোলোজি, সর্কুলার ইকোনোমি, ৬-জি, ৫-জি য়ুজ-কেস, ক্লাউদ অমসুং এজ কম্পুতিং, আই.ও.তি, সেমিকন্দক্তর, সাইবরসেকুরিতি, গ্রিন তেক, সেতকোম অমসুং ইলেক্ত্রোনিক্সকী খুমাঙচাউশিনবশিং উৎকনি।

এসিয়াদা খ্বাইদগী চাউবা দিজিতেল তেক্নোলোজি ফোরম ওইরিবা মোবাইল কংগ্রেস ২০২৪ অসি অনৌবা থবকশিং,পাম্বৈশিং উৎপগী, উদ্যোগ, সরকার, মহৈলোয়শঙশিং, স্তার্দঅপশিং অমসুং  তেক্নোলোজি অমসুং তেলিকোমগী থবক্কী অতোপ্পা মরুওইবা মরীলৈনবশিংগী থবকশিং অমসুং খ্বাইদগী নৌবা তেক্নোলোজিশিং উৎনা মালেম শীনবা থুংবগী মফম অমা ওইনা খঙনরে। ইন্দিয়া মোবাইল কংগ্রেস ২০২৪ দা একজিবিতর ৪০০ হেন্না উৎকনি অমসুং স্তার্দ অপ ৯০০ অমসুং লৈবাক ১২০ হেনবা শরুক য়াগনি। থৌরম অসিদা তেক্নোলোজি য়ুজ কেস ৯০০ হেন্না উৎকনি, সেসন ১০০ হেন্না পাংথোক্কনি অমসুং মালেমগী অমসুং ভারতকী ৱাঙাংলোয় ৬০০ হেন্না শরুক য়াগনি।