প্রধান মন্ত্রীনা ক্রেদিত লিঙ্ক গভর্নমেন্ত স্কিমগী নেস্নেল পোর্তেল – জন সামর্থ পোর্তেল লোঞ্চ তৌগনি
প্রধান মন্ত্রী, শ্রী নরেন্দ্র মোদীনা জুন ৬, ২০২২গী অয়ুক্কী পুং ১০.৩০ তাবা মতমদা নই দিল্লীগী বিগ্যান ভবন্দা ফাইনান্স অমসুং কোর্পোরেত এফিয়র্স মন্ত্রালয়গী আইকোনিক ৱিক সেলেব্রেসন হৌদোক্কনি। চয়োল অসি ইং ২০২২গী জুন ৬তগী হৌদুনা ১১ ফাওবা ‘নীংতম্বগী অমৃত মহোৎসব’ (এ.কে.এ.এম.)গী শরুক অমা ওইনা নুংঙাইবা ফোংদোকপনি।
প্রধান মন্ত্রীনা ক্রেদিত লিঙ্ক গভর্নমেন্ত স্কিমগী নেস্নেল পোর্তেল – জন সামর্থ পোর্তেল লোঞ্চ তৌগনি। মসিদি গভর্নমেন্তকী ক্রেদিত স্কিমশিংবু শম্নহনবা ৱান-স্তোপ দিজিতেল পোর্তেল অমনি। মসিদি লেন্দরশিংবু বেনিফিশরীশিংগা হকথেংননা শম্নহনবা অমত্তা ঙাইরবা প্লেতফোর্ম মখল অমনি। জন সামর্থ পোর্তেলগী খ্বাইদগী মরু ওইবা পান্দমদি অরাইবা অমসুং অচম্বা দিজিতেল প্রোসেসকী খুত্থাংদা তোঙানবা সেক্তরশিংদা মখোয়গা চুনবা সরকারগী কান্নবশিং পীদুনা অমসুং লমজিংদুনা মখোয়গী ইনক্লুসিব গ্রোথ অমসুং দিভেলপমেন্ত লৈহনবদা পুক্নিং থৌগৎপনি। পোর্তেল অসিনা মসিদা শম্নরবা স্কিম খুদিংগী এন্দ-তু-এন্দ কভরেজ শোইদনা পীগনি।
প্রধান মন্ত্রীনা মন্ত্রালয় অনি অসিগী মমাংগী চহি ৮গী খোঙচৎ তাকপা দিজিতেল এগজিবিসন অমসু শঙ্গাগনি। প্রধান মন্ত্রীনা ₹১, ₹২, ₹৫, ₹১০ অমসুং ₹২০গী শেনয়েক্কী অখন্নবা পরিং অমসু পুথোক্কনি। মসিগী অখন্নবা পরিংগী শেনয়েক অসিনা এ.কে.এ.এম.গী লোগো য়াওগনি অমসুং মিত নীংথিনা উদবা মীওইশিংনা অরায়বা মওংদা মশক খঙবসু ঙমগনি।
থৌরম অসি লৈবাক শিনবা থুংবগী মফম ৭৫দা মতম অমত্তদা শীন-লাঙগনি অমসুং মফম খুদিংগা মপুং ওইবা মফমগা ভর্চুএলগী খুত্থাংদা শম্নগনি।
